السلام عليكم ورحمة الله ولدت امس الثلاثاء وانا اخر دورة ١٤مايو طبعا ماكان عندي خلال الشهر التاسع اي بوادر ولادة بس الام الحوض المعتادة والثقل صحيت الصبح الساعة ٨ ورحت اخذت شاور دافي وكانت تنزل مني افرازات بيضاء مثل اللي بتنزل لكل الحوامل وكنت انظف نفسي منها الله يكرمكم ولاحظت باخر الافرازات ان فيه خيوط دم وهنا حسيت بفرحة ان الفرج قريب وماكنت من اللي يمشون او يشربون بهالخلطات ابدا ✋🏻🙃
طلعت من الحمام وقلت خل ارتب البيت دام مافيه وجع ورحت خلصت المطبخ وشيكت على شنطة المستشفى وبدت معاي اوجاع خفيفة بظهري مثل الدبابيس وقلت اروح اتسطح وانام يمكن يخف الوجع لكنه ماخف وكانت تقريبا الساعة ٩وشوي الصبح
يتبع✋🏻
العضوة: 41188 , 9 years ago
رحت صحيت زوجي ولبست بنتي قلت اروح الطوارئ اشيك عالوضع ولما وصلت قالوا مافيه الا دكتور ورفضت يكشف علي ورحت لمستشفى ثانية وكان الالم مستمر بظهري فقط بدون اي مغص كان كل ٥دقايق ولما وصلت طلبت الدكتورة تكشف ولما كشفت قالت مفتوح ٦سم😐 هنا حسيت بفرحة انو ماعندي الم شديد وقربت اشوف جنيني وكنت عادي امشي على رجولي ودخلوني قسم الولادة وحطوا التخطيط كانت الساعة صارت ١٠الصبح والالم نفس ماهو يعني مازاد وجت الدكتورة كشفت ودخلت الكشك وقومتني الممرضة وحطوني على سرير الولادة وانا مصدومة 🌚اقولها انا حااولد تقول لي اجل ليش جبتك هنا عاد هنا انا خفت كيف حااولد بدون مااتوجع😂✋🏻 يتبعالعضوة: 41188 , 9 years ago
فتحت على طول كيس الموية وثواني حسيت بالدفع عاد جمعت كل قوتي وقررت مااصرخ ابدا لانو مايجتمع الدفع والصراخ مع بعض ياتدفعي وتخلصي نفسك ياتقعدي تصارخي وتتعذبي وتعذبي البيبي معاك اول دفعة استمرت ٥ثواني حسيت الراس قرب يطلع ووقف الالم واخذت انفاسي ثواني وبدت الدفعة الثانية ولما حسيت الراس انها بتطلع قررت مااوقف الدفع خليته مستمر حوالي ١٠ثواني وطلع الراس ياربي لك الحمد والدفعة الثالثة طلع باقي الجسم وانا مو مصدقة اني ولدت يتبعالعضوة: 25983 , 9 years ago
مبارك. ..والحمدلله على سلامتك ويتربى بعزكم ان شاءاللهالعضوة: 24502 , 9 years ago
كملي حمستينيالعضوة: 50110 , 9 years ago
حمدالله على سلامتك ومبروك مااجاكيالعضوة: 41188 , 9 years ago
وكانت الدكتورة ربي يسعدها خلال الدفع توسع لي بيدها وتدعم نزول الراس والحمد لله تمت الولادة بدون اي تمزقات او غرز ونزلت المشيمة ونظفت لي وكانت الولادة قبل ١٠ ونص والحمد لله على التيسير كانت ولادة سريعة وبدون الم سبحان الله اذا اراد ربي ييسرها عالوحدة بتتيسر ووبتفرج حتى لو مااخذتي مسكنات او ابرة ظهر وهذي قصتي ياحوامل اتمنى انكم تاخذوا الامور بايجابية وماتسمعوا كلام الحوامل السلبي ووقت الطلق التنفس ثم التنفس ثم التنفس سبحان الله مفعوله مثل السحر يشيل الالم ويعطيك طاقة ووقت الدفع مثل ماقلت اختاروا ياتصارخوا او تدفعوا وتخلصوا نفوسكم وربي يسهل لكم جميعاالعضوة: 14911 , 9 years ago
الحمدلله عالسلامتكً وسلامة البيبي عقبالي انا 10موعدي ومافي اي بوادر لطلق وخايفففففهالعضوة: 41188 , 9 years ago
انا خرجت اليوم الظهر الحمد لله وبنتي الحين جنبي نايمة ربي يفرجها عليكم ويقومكم بالسلامة ❤❤🌸🌸🌸🌸👼🏻👼🏻👼🏻العضوة: 14673 , 9 years ago
ماشاء الله ربي يكتبلي ساعه طيبه مثلك الف مبروكالعضوة: 26604 , 9 years ago
الف مبروك حبيبتي تتربي بعزكم ان شاء الله وربي يكتب لي ولكم ولاده سهله ميسره مثلج ان شاء اللهالعضوة: 41188 , 9 years ago
@user-14911 الله يسهلك ويفرجها عليكالعضوة: 24502 , 9 years ago
@user-41188 الف الف مبارك ما جاك فرحت لك من قلبي والحمدالله ان الله هونها عليك❤🌹😍العضوة: 31660 , 9 years ago
ماشاء الله تبارك الرحمن عقبالاتنا يارب😘العضوة: 41188 , 9 years ago
@user-25983 الله يبارك فيك ويسلمكالعضوة: 41188 , 9 years ago
@user-50110 الله يسلمك حبيبتي