9 years ago
  • المرحلة الثالثة (الأشهر 9,8,7)
بسم الله 🌸 اولاً اشكر كل من بارك لي الله يسعدكم ويرزقكم الساعه الطيبة يارب ❤️❤️ صحيت يوم السبت ٢٥/٣ ع موعدي للمستشفى وتفاجات ان دكتورتي عندها عمليات وبتتطول فدخلت ع طبيبة ثانيه لاني كنت احس ب اوجاع الفجرية بس ماعلمتها كنت خايفة من الفحص .. طلبت مني اسوي سونار بما اني بالشهر التاسع سويته وقالتلي ان الموية زايدة ويفترض ان بهالفترة تنقص ماتزيد فسالتني متى بالعادة انجب اطفالي قلتلها بالاسبوع ٣٨ قالت اجل نصبر عليك وسوت لي تخطيط لقت عندي طلق وقالتلي ابي اسويلك كشف وفعلا سوت كشف وقالت لي مفتوح من ٢-٣ سم وولادتتك بتكون قريبة لكن طلقك جداً بارد .. طلعت من عندها خايفة جداً ومتوترة ماكنت مرتبة لهالولادة بهالاسبوع .. وسويت موعد عند دكتورتي الاساسيه بعدها بيومين .. يوم الاثنين الموافق ٢٧/٣ رحت لطبيبتي الصباح وحكيت لها كل شي وقلتلها اني خلال يومين احس بطلوق وقت النوم فقط وكثرت علي المويات بس بشكل خفيف جداً وقبلها بليلة كنت ماكلة حبة اناناس طازج .. طلبت مني تسويلي كشف داخلي رفضت وعدتني ماتوجعني وفعلا الحمدلله قالت لي رحمك رقيق جدا ومفتوحة ٢ سم وراح اكتب لك ع دخول بعد الساعة ١٢ لطوارئ الولادة ويحطولك تحميلة صناعي قلتلها ليش انا ابي ولادة من ربي مابي طلق صناعي رفضت وقالت موياتك زايدة وانتي بكرة اول يوم لك بال٣٨ نبي نريحك .. وفعلاً رجعت لبيتي تركت بناتي عند اهلي حاولت انام ما قدرت كنت ججداً خايفة ومتوتررة نمت من ٥ العصر ل ٧ العشاء فقط وصحيت اجهز اغراضي واغراض اطفالي 💔☹️ الساعه ١ تحركت من بيتي ورحت ودعت بناتي وكنت طول الخط احوقل واستغفر بنية ان ربي ييسر لي ولادتي لاني كنت خايفة مرة 😭 واكثر من مرة بالطريق اقول لزوجي خلاص مو لازم متى ماجتني الولادة بروح مو لازم طلق صناعي .. وكان يقولي خلصي وارتاحي وصلت .. دخلت .. وركبولي تخطيط الطلق لقو طلق خفيف جدا غير منتظم .. حطولي اول تحميلة الساعه ٥ الفجر .. طلبت ابرة الظهر ع طول لاني كنت خوافة مرررررررة قالولي صبرك لين يفتح شوي او نشوف طلق منتظم وبديت احس ب الام وفعلاً صار طلق منتظم وناديتهم وجاء الاستشاري وركبها لي الله يسعده الساعة ٦ بديت اتخدر وماحس بشي .. لحد م قوت الالام شوي ع الساعه ٧ جاتني طلوق جهة اليسار وكنت ابكي لان رجلي اليمين تخدرت بس اليسار لا ؛ يعني الابرة ماجاء مفعولها باليسار ورجعو نادو الاستشاري وعدل لي ليّ الابرة وقالي اصبري شوي .. جت الساعه ٨ ومازلت احس بطلق جهة اليسار فقط بس ع خفيف وقتها كشفو علي قالو مفتوح ٦ سم وفتحو لي موية الراس 🤐 سألتهم احتاج تحميلة ثانية ؟ قالو لا طلقك منتظم رجعو نادو الاستشاري وضبط لي الابرة وتخدرت جهة اليسار الحمدلله وزاد لي الجرعة شوي لانهم كانو خايفين ينخفض ضغطي فبالتالي ما استفيد من الابرة الساعه ٩ صرت احس ب الام بس خفيفة او محتملة وطلبتهم يفحصوني وجت طبيبتي اللي ح تولدني وقالت مفتوح ماشاء الله ١٠ سم اصبري ع نفسك لحد مانشوف الراس وطلعت وبديت اتالم وكل دقيقتين احس ب الم واصيح واقول يارب يارب .. خففو جرعة الابرة عشان اقدر ادفع .. وكل دقيقتين اتالم واقول نادوها خلاص ويقولون لي صبرك وادعي لي ولبناتي بين الطلوق ولطفلي الجاي .. الساعه ١٠ و ٥٠ صباحاً بديت ادفع ادفع بعد م جت طبيبتي والحمدلله طلع ب السلامة بعد خمس دفعات .. هذي قصتي ب اختصار / اكثرو ممن التوكل ع الله والاستغفار والصدقة وصدقوني الولادة تساهيل من ربي وكل وححدة تختلف عن الثانيه .. الان ادعولي ان ربي يخفف عني الم الشق واقدر ارضع طفلي كويس 🌷 تمت ولادتي بتاريخ ٢٨ مارس -٢٠١٧.. وكان وقت الولادة المتوقع ١٨ ابريل -٢٠١٧.. اخر دورة لي ١٢ يوليو -٢٠١٦

29 تعليقات

العضوة: 59144 , 9 years ago

@user-17362 ماشاءالله الف مبارك والحمدالله ع سلامتكم

العضوة: 24806 , 9 years ago

@user-17362 الحمدلله ع سلامتك ياقلبي قد ايه كانت مويتك زايدة انا في الأسبوع 37 كشفت هادا الاسبوع الموية زادت عن الاسبوع 36 وعندي موعد الاسبوع الجاي وربي يكتب الخير نفسي أولد وخلص مرة حاسة نفسي تعبت وبنتي عمرها سنتين ونص متعبتني 💔

العضوة: 24490 , 9 years ago

الحمد الله على سلامتك وسلامة البيبي يارب و مبروك النونو انشاء الله يتربى بعزك و دلالك ويكون من الصالحين

العضوة: 42132 , 9 years ago

الف مبروك وعقبالنا ي رب فعلا التوكل على الله الله يفرج علينا جميعا ويفرح شوفتنا بأولادنا انتي اهتمي بنفسك هذا اهم شي

العضوة: 17362 , 9 years ago

@user-51093 الله يبارك فيك يارب ويسلمك حبيبتي 🌸🙏🏻

العضوة: 17362 , 9 years ago

@user-42132 فعلاً معك حق الله يسعدك حبيبتي ع كلامك الطيب 🌷

العضوة: 17362 , 9 years ago

@user-24490 الله يسلمك عيوني ويبارك فيك ❤️

العضوة: 17362 , 9 years ago

@user-24806 انا وصلت تقريباً ٢٠ وماعرف كم حجمها الطبيعي .. الله يسهلك يارب وطمنينا وش يصير عليك

العضوة: 60994 , 9 years ago

أنا الحين حامل بالشهر الثاني وشايله هم الولاده من الآن بولدي الأول مره تعبت وادفع وادفع بلا فائده واخر شيء قالو بيعملوا للبيبي شفط اذا ماطلع عمليه وقالوا لي احاول ادفع قد ما اقدر علشان يقدروا يشفطوا والحمدلله بعد جهد جهيد شفطوه 😢😢 والحمدلله ع سلامتك ويتربى بعزكم وبدلالكم

العضوة: 50397 , 9 years ago

@user-17362 الحمد لله على سلامتك ومبروك ماجاك

العضوة: 49937 , 9 years ago

الحمد لله علىً السسلامه 😢. الله ييسر لكل حامل

العضوة: 56728 , 9 years ago

الف مبروك والحمد لله على سلامتك انتي والبيبي يتربى بعزكم ان شاء الله

العضوة: 27643 , 9 years ago

الله يطمنك مثل ما طمنتينا و يحققلك كل شيء في بالك ....

العضوة: 56973 , 9 years ago

الحمدالله على السلامه 🌹🌹