#الجزء الأول
ملاك: انا بدي اتطلق…هاد اخر قرار عندي
علي: طلاق!! لك بدك تطلقي يا اختي لهون وصلت معك؟؟
رنا: صلي عالنبي ملاك ما بتوصل الامور لهون هلا بيجي جوزك و بتتصالحو
ملاك: ايه بعرف انو هلا بيجي و منتصالح و منرجع لذات الحياة بس انا مليييت انا مليت عم تفهمو
انا ماني حيط
ماني حيوان بدو ياكل و يشرب و ينام…. انا تعبت منو
انسان بارد… بارد و ناشف… لك شو شايف حالو رئيس وزراء، ليك اخي ازا ما بتتحملني ببيتك عادي بستأجر بيت لحالي والاولاد رح خليهن عندو
علي: رنا انا اعصابي تلفت منها انتي احكي معها انا طالع اخد نفس لان اختتتنقت
وطلع و طرق الباب وراه بقوة
ملاك ضلت تبكي و رنا حست الوضع ما بطمن مسكت الاستغفار و صارت تدعي ما ينخرب بيت اخت جوزها
ملاك: رنا… انتي ست متلي عم تفهمي علي مو؟ انا مو مبسوطة بحياتي حاسه حالي متل اللآلة بفيق اطبخ و نظف البيت و اركض ورا الاولاد و حل مشاكلهن… بكون بحاجتو يرجع يحسسني انو مقدر تعبي… بكون بحاجتو يفوت و بأيدو كيس صغير و يقلي تعي هاد الك.. ممكن يتزكر يجيب شي للاولاد او يجيب شي ضروري للبيت بس ما بتزكر شي بخصني..
يكون ناطرة يفوت يبوسني ع جبيني يقلي اشتقتلك
بشتهي يقلي كيف كان نهارك حبيبتي؟
يحكيلي لا تطبخي اليوم بدي ياكي بس تدللي و ترتاحي
طيب ع الاقل ياخدني مشوار كل فترة لغير نفسيتي، يعتم بالاولاد عني
الوحده منا ازا جوزها ما حس فيها شو بدا تعمل بحياتها شووو شووو فهميني مشان الله
رنا: لا حول ولا قوة الا بالله، لك طيب انتي قليلو بحب الورد… بحب الدلال بدي هيك وهيك… اعملي جو رومنسي و هالقصص
ملاك: والله بعمل هيك اوقات بيطنش و اوقات لما كبر الموضوع بوعدني يتغير الوضع… هيك بعيش يومين حلوين و منرجع لحالتنا، انا خلص تعبت
رنا: لك يا اختي هاد الرجال المشورب هو ذاتو و نفسو الطفل الصغير الي بضل يحلم بلعبه، بضل ييكي لتجبلو ياها امو
و هو ذاتو الي بتشوفيه ماسك هاللعبه و عم يقطعها و يزتها عالدرج بعد فترة و يدير ضهرو و يمشي… ليش متأملة فيه كتير
ملاك: هي اللعبه ما فيها تعمل شي بس انا فيني اعمل و كتير كمان و ما رح اقبل بهل حالة ليكك انتي و اخي ما بكن شي و مرتاحين ليش مكتوب علي الشقا لييييش
رنا: هههههههه
ملاك: ليش عم تضحكي!!
رنا: يا ملاك يا حبيبتي انتي متل اختي الصغيرة… انا كم سنه اكبر منك؟
ملاك: 9 سنين
رنا: ياعمري انا مرق علي قد شعر راسي و تعزبت متلك و مرقت علي اوقات صعبه، استعنت بالله و كملت حياتي…
انا بعد 10 سنوات من زواجي عرفت وفهمت ان كل شي علمتني ياه امي الله يرحمها غلط بغلط، يعني قصة البسيلو تغندري و نظفي بيتك و رتبي ولادك بيقوم جوزك بيدوب بدباديبك مو صحيح ازا ما كنتي شاطرة و اد حالك لو شعلتي اصابيعك العشرة ما رح يعشقك، اديش في نسوان مانشحين و بينهن و بين الفهم متل السما و الارض و بتلائي ازواجهن بيركضو وراهن، ليش يا حزرك؟ لان الشطارة هي تعرفي اسرار و مفاتيح قلب جوزك و شخصبتو، مو تقعدي تتعلمي اكله من الهند و طبخه من السند لتعبي كرشو
عبي قلبو بالاول ياعمري…. ازا القلب فاضي كل شغلك التاني بلا معنى..
ليكي تؤبريني والله الوحده قعدتها مع جوزها يشربو فنجان قهوة رليق بتسوا الدنيا و مافيها و هو عم يحكيلها عن يومو و شغلو..
الزواج مانو بحبك و اشتئتلك و ورد و سهرات و الي بتقلك انا هيك عايشه حطي اصبعك بعينها و قليلها كزابة بقص ايدي ازا ما بس يجي جوزك من شغلو بتركضي و بتجيبي جاط مي و ملح لتنقعي رجليه…
ازا كان جوزك بيحترمك و بيخاف الله فيكي اشكري ربك و اهدي
يا ملاك الزواج حلو لو نحنا بدنا يكون حلو، فهمتيني؟ #مال_الشام
ملاك: حكيك حلو بس انا وصلت لمرحلة يئست.. جربت معو كتير طرق لخلي حياتنا تصير حلوة
جربت كتير طرق لخليه يتعلق فيني و خليه يصير حنون معي متل مابدي بس عبث!! هو وهالحيط واحد
العضوة: 694206 , 6 years ago
@user-716850 🤗العضوة: 678256 , 6 years ago
كتيير حلوه وانتبهت انو انا مقصرة وعصبية متل ملاك وعطول عم صرخ ع ابني وحط السبب ع ابوه انا ما عم يساعدني بشي🙂🙂 ان شاءالله رح اتغيرالعضوة: 697250 , 6 years ago
،🌹🌹العضوة: 636544 , 6 years ago
ويسعد قلبك ❤حبيبتى بس استمرى انشرى حاجات كده نتعلم منهاالعضوة: 233 , 6 years ago
ههههه تسلم ايدكالعضوة: 717983 , 6 years ago
عنجد بتجنن وان شاء الله بنعمل متل نصيحتها 😂😂العضوة: 671944 , 6 years ago
حلوة كثيرالعضوة: 717234 , 6 years ago
عن جد كتير حلوة وانا صاير معي متل ملاكالعضوة: 561812 , 6 years ago
تكرم عيونك 💕العضوة: 694206 , 6 years ago
نشالله حبيبتي مو كلشي بلعصبية بينحل وربي يسعدك ويديم فرحك دوووووم مش يووووم😙العضوة: 566744 , 6 years ago
رائعه وهاذي للمره ثانيه اقراءها 👍العضوة: 640511 , 6 years ago
ياسلام فعلا اندمجت بالقصه كثير حلوه 😍 فعلا ياريت الكل يستفاد منها مشكوره حبيبتي