9 years ago
  • المرحلة الثالثة (الأشهر 9,8,7)
منقوووووول فتحت صفحة حماتي لاعمل لايك وتعليق على أخر صورة نزلتها ؟؟ لقيت حماتي منزلة بوست كاتبة ((تعو شوفو شو حلوين مع بعض وعاملة أشارة لعمي )) حاولت أفتح الصورة بس كان النت كثير ضعيف كانت منزلتو قبل 11 دقيقة وفي كم تعليق من سلفاتي وبناتها وقرايبين حماتي .. أول تعليق : واووووووو شو لذيذين تاني تعليق: قمة الحب والرومانسية تالت تعليق: هههههه الله يديم المحبة وتعليقات كتير كانت مختصرة بس يلي خمنتو بالتعليقات والإشارة أنو حماتي حاطة صورة هيه وعمي عالفيس حبيت فرحلا قلبا وخليها تشوف حالا قدام بنات العيلة كتبتلا تعليق متعوب عليه (( أنشالله بتقبرو قلبي على على هالطلة ياعمي ومرت عمي. . ويسعدلي قلبك على فتحة هالعيون. ...دخيل ربك ياعمي مالزك طالع بصورة.... طالعين بجننوووو بالصورة)) كتبت وسكرت ورحت كمل الطبخة ... بس خلصت طبخ وشغل.....رحت مشان شوف ردت الجلطة حماتي انشالله كون عجبتا بالتعليق يلي كتبتو .. فتحت الفيس ..... العمى. ألف رسالة من سلفاتي وبنات حماي. . حاولت أفتح البوست طلعلي غير متوفر.. حساب حماتي..غير متوفر حساب عمي ..غير متوفر العمى شو صاير بغياب. .. فتحت رسالة سلفتي... قالتلي: الله لايوفقك على هالعملة حماتك حاطة صورة قردين قاعدين بحضن بعض وعما ينقوا القملات يفكح عيلتك شو حمارة المهم خلص راحت عليكي. .كلو عملك بلوك عالفيس ياربي دخيلك هلاء مافي الاقدرة قادر يخليهون يصدقو أنو النت كان ضعيف ومافتحت الصورة.

21 تعليقات

العضوة: 28079 , 9 years ago

هههههه بلا ما يصدقوا

العضوة: 25451 , 9 years ago

ههههههههههههههههههههه تتهور وهي مو عارفه الصوره .. منيح ماكان شي تاني

العضوة: 36445 , 9 years ago

@user-65 الله يبسطك على قد ما ضحكت يا دوب بفتح عيوني صاحية من النوم فتحت على موضوعك وحسيت روحي عم تطلع قد ما ضحكت ههههههههههههههههههه

العضوة: 34763 , 9 years ago

هههههههههههههههههه

العضوة: 65 , 9 years ago

@user-36445 هههههه تسلميلي ربي يديم هالضحكة❤❤

العضوة: 36445 , 9 years ago

@user-65 قمة الإحراااااااااااااااااااااج ......... لما تفوت البنت على السوبر ماركت بدها تشتري اولويز و ما بدها حدا يشوفها فتتمشى بين لرفوف و تاخد الأولويز و تمسكه بإيديها التنتين و تغطي عليه و توصل للكاشير و هي مبسوطه انه ما حدا شافها و تعطيه للكاشير فيقلبه ما يلاقي السعر عليه فيرفعه قدام امة لا اله الا الله و يسأل محموووووووووووووود محمووووووووووووود الاولويز بقديييييييييييييييييييييييش ؟؟ 

العضوة: 65 , 9 years ago

@user-36445 هههههههههههههههههههههه اي والله.. يخربيتن شو بيحرجو الواحد 😂

العضوة: 29424 , 9 years ago

@user-65 هههههههه الله يسامحك يمكن نجلطوه بيت حماكي هههههه برافوه عليكي .

العضوة: 65 , 9 years ago

@user-29424 ههههههههههههههههههههه تخيلي تصير معك

العضوة: 28458 , 9 years ago

😂😂😂😂 ويلللللللللي احلى نكتة

العضوة: 28612 , 9 years ago

ههههههههههههههههههههههه

العضوة: 44502 , 9 years ago

@user-13753 @user-36705 @user-32060 بنات تعالو اقرو

العضوة: 32060 , 9 years ago

@user-44502 هلو حبي اي شفت شنو هاي لقطات