العضوة: 531883 , 4 years ago

يلا شوقتينا

العضوة: 531883 , 4 years ago

يسلمو ايديك ام الميم 😁

العضوة: 799516 , 4 years ago

@user-531883 انا مي ام حيدر

العضوة: 531883 , 4 years ago

@user-799516 عم امزح معك

العضوة: 799516 , 4 years ago

@user-531883 امممممم عادي فداكي امزحي قد مابدك

العضوة: 799516 , 4 years ago

ركضت على الخزانة و طلعت السكربينة الفضية حاولت البسها بسرعه ، فتحت خالتي الباب وفاتت هي ومعصبه : ما خلصتي !!!!!!!! سيلار : خلصت خلصت طولي بالك وقفت ورفعت ايدي : ليكي خلصت .. شو رأيك ؟؟! ابتسمت ولمعو عيونها : لك ايمت صرتي صبيه وليه فستوكة ؟ سيلار : يعني حلو او لا ؟ خالتي : بتجنني بنتي .. طالعه متل الملاك ما توقعت الفستان يلبقلك كل هالقد سيلار : هههه وانا ما توقعت اول مره بلبس هيك فستان كتير فخم وحلو .. جاي عبالي انزل اتمشى بالشارع فيه قد مو حاببتو خالتي : بس لحظة شوي سيلار : شو؟ راحت خالتي على صندوق المكياج ، جابت قلم حمرا زهري وحطتلي على شفايفي : هيك تمام … جيبي جزدانك ويلا .. بس طلعنا بالسيارة ضلينا ساكتين .. كنت متوترة كتير لان خالتي وعدتني بهل يوم تشرحلي كل شي ، كنا معزومين على عشا ما بعرف مع مين وما بعرف خالتي ليش مهتمة هالقد وشو عم يصير .. بس نفذت كل شي متل ما بدها لتحكيلي الحقيقه

العضوة: 531883 , 4 years ago

@user-799516 تسلمي يالا كمليا بقا هههه

العضوة: 799516 , 4 years ago

عم كمل حطيلي متابعة 😒👍

العضوة: 531883 , 4 years ago

@user-799516 على عيني

العضوة: 531883 , 4 years ago

@user-799516 ليكي أحلى متابعة لعيونك

العضوة: 799516 , 4 years ago

وقفت السيارة قدام باب قصر كبير … اكبر من بيتنا على تلات مرات … الو حديقة واسعة وفيها طاولات كتير وناس و موسيقى شغالة .. سيلار : نحنا وين جايين ؟ خالتي : ضلك جنبي .. وحاولي تطلعي بالكل وتركزي بكل التفاصيل نزلت خالتي وضليت انا قاعده وخايفه انزل .. دقتلي على بلور الشباك لانزل .. مشينا جنب بعض وقبل ما نفوت .. وقفت خالتي وشدت على ايدي وهمستلي : شو ما سمعتي ، وشو ما شفتي .. وشو ما صار .. بدك توعديني تكوني قوية كتير .. قوية و تتحكمي بحالك وباعصابك .. سيلار : عم تخوفيني خالتي : اوعديني ؟ سيلار : بوعدك اخدت نفس وحاولت اهدى شوي ..وفتنا لجوا .. قعدنا على طاولة و ضيفونا شوكلا و خالتي سلمت على بعض الناس بس انا ما كنت بعرف حدا

العضوة: 799516 , 4 years ago

تسلميلي يااقطة ازا بتحبي كل مانزل قصة اعملك تاغ ؟؟

العضوة: 799516 , 4 years ago

لوقت ما اجا رجال ضخم كتير وسمين … لابس بدلة سودا و قميص ابيض و شعرو رمادي طويل وعم يدخن بالغليون و بجنبو ست متوسطة العمر وعلى عكسو تماماً شكلها انيق كتير و ناعم سيلار : ييي ييي هاد جاي لعندنا خالتي : شبك شبك سيلار : شو بعرفني ليكي كيف منظرو وقفت خالتي و وقفت معها خالتي : فياض بيك … سمر خانوم .. شكراً للدعوة فياض : بالعكس شكراً الك لانو قبلتي دعوتنا ( كح كح كح ) كان صوتو جهور و غليظ ، وكل تلات كلمات بيسعل .. وريحتو دخان مقرف .. لفيت وشي على جنب لاتنفس فياض : بنتك ؟ نكشتني خالتي .. تطلعت فيه وابتسمت خالتي : بنت اختي الله يرحمها .. كانت متل بنتنا انا وعياش الله يرحمو سيلار : مرحبا عمو .. مرحبا خالتو دعستلي خالتي على رجلي بقوة

العضوة: 799516 , 4 years ago

ستلي خالتي على رجلي بقوة سيلار : آآآآخ صار وش خالتي احمر كتير وانا فهمت انو خبصت سيلار: فياض بيك .. سمر خانوم .. اهلين ضحكت المدام الي معو ومدت ايدها سلمت علي : بعتقد انتي اليوم رح تكوني أميرة الحفلة سيلار : انا ؟ هههه ليش ؟ سمر : لان لهلأ ما شفت صبيه بجمالك وباناقتك .. خالتي : ع فكرة …سيلار موهوبة بعزف البيانو و الكمان فياض : رائع ، ممكن تخلينا نسمع شي ؟ تطلعت بخالتي وزورتها : خالتي !! خالتي : ههههه لا تستحي حبيبتي .. رفع فياض ايدو و بعت واحد لعند عازف الكمان خلاه يوقف عزف .. فياض : تفضلي .. المسرح الك .. خالتي : يلا بقى العالم عم تستنا

العضوة: 799516 , 4 years ago

مسحت جبيني من العرق ومشيت … اخدت الكمان من العازف … وبلشت اعزف .. حاولت غمض عيوني وانسى انو في عالم كتير حوالي .. ما كان بدي حدا يضحك علي عملت كل جهدي .. وخلصت عزف المقطوعه بدون أي غلط .. وفتحت عيوني بخوف .. كانو الناس كلهن عم يتطلعو فيني وساكتين .. تطلعت بخالتي لاطمن .. ابتسمت و اشرتلي بايدها انو عزفت منيح .. وبعدا الكل صارو يصفقولي فرحت كتير ، هي اول مره بعزف قدام مجموعة ناس غريبين .. رجعت لعند خالتي انا وفخورة بإنجازي العظيم .. تشكرتني سمر خانوم وفياض بيك وراحو يسلمو على البقيه ونحنا قعدنا سيلار : بس مع هيك ما كان لازم تحرجيني خالتي : سيلار … هلأ بدي احكيلك جواب السؤال الي عم تسأليني عنو كتير استغربت والتفتت عليها ، لقيت ملامحها جديه كتير .. ولا كأنو نفس الي كانت قبل شوي راسمه ابتسامة على وشها سيلار : شو في ؟