6 years ago
  • ما قبل الحمل
قصة ليوم هدية للمتابعة @ رحيق الجنة 33😍 نشالله تعجبك 😚😚😚قاطـعات_الطـريق بقلمـي_سـيلار بشوارع المدينه . . بعد الساعه 12 بالليل بتلاقينا متواجدين بطريقك . . بنظره منا بتوقف سيارتك . . بضحكه مني بتفتح شباك السياره . .وبعدها بتكون جنيت ع حالك 💙 هاد شغلنا عزيزي مابتقدر تحاسبنا ولا تشتكي للشرطه لانو نص الشرطه متورطه بعصابتنا يلي جزء منها قطاع الطرق . . حبيبي فتح عيونك وشوف مين قدامك . .لاتفكر توقف بطريقنا . .نحنا قاطعات الطريق . . هاد الطريق ملك النا هو وكل يلي فيه 😎 مافيني خبرك باسمي لانو ببساطه بكل مره الي اسم . . انا مجهوله الهويه . .الشي الوحيد يلي بعرفو عمري 20 وبنادوني ليندا بس هاد ابدا مو اسمي . . وحالي من حال باقي البنات يلي معي بالمجموعه يلي بتتصنف تحت اسم قاطعات الطريق . . بلشت حكايتي من لما صار عمري 18سنه وصار وقت اطلع من الميتم انا ورفقاتي . .كان لازم نطلع لحياه افضل . . .بس ماكنا بنعرف انو رح ننضم لمافيا كبيره وفيها اكتر من جزء . . ولحسن حظي صنفت تحت مجموعه قاطعات الطريق 👣💭 رهف : يا ليندا يلااا قومي حاجتك نوم . . الساعه 11بالليل يلا رح نتاخر . ليندا : هففف يلا قايمه رهف : بقولو اليوم رح يمرق من شارع برودكست تجار وفي شاحنات فيها ملابس من النوع الفخم . .نحنا علينا نوقف السياره بعدها اكرم وباقي الشباب بنهبو الشاحنه . . ومكافاه النا رح نطلع فسحه للمدينه التانيه . بس لازم نفذ هالعمليه بدون اخطاء . . ليندا !!! رجعتي نمتي ?? قومي وليه 😒 ليندا : هفف رهف انا تعبانه اليوم فيكي تغطي ع غيابي ماني حابه روح ! رهف : شبك . .ليه تعبانه ليندا : بالله هاد سؤال . . يعني اكيد من شغل مبارح . .سمعيني ازا غطيتي عن غيابي رح ردلك ياها بالمرات الجايه وعد ) = رهف : هففف ماشي بس انشالله ماينتبه اكرم ليندا : يييي بحبك بحبك ولبست رهف وجهزت حالها وطلعت هي وباقي البنات وضليت انا غاطه بسابع نومه . . اليوم صابني ارهاق مو طبيعي . .لازم ارتاح مو كل مره بقدر ماروح ع شغلي . . اوف ياربي لايمتا رح ضل هيك . . . لازم لاقي حل لهل الشغل . . انا لازم عيش حياتي متل باقي البنات وحب شب واتزوجو وعيش قصه حب خطيره هههههههه غفيت وانا عم احلم هيك لمده ساعه حتى صحيت ع صوت رنت تلفوني . . كانت رهف رهف بصوت همس : الو ليندا لحقيني ليندا بلهفه : شوفي شبكك رهف : الي ساعه بحاول لهي بالشوفير تبع الشاحنه وتاخر اكرم والشباب كتير والزلمه بلش يشك لك بسرعه روحي شوفي وينو اكرم ليندا : مجنونه انتي بدك اكرم يعرف اني مارحت معكم لك بخلص علي !!! رهف : ازا خسرنا هالشاحنه بخلص عليكي بسرعه تعي لعنا او روحي شوفي اكرم ليندا : خلص خلص جايه لعندك . . افتحي موضوع مع الشوفير جايهه (عند رهف ) رهف : اي معلم قلي فيك توصلنا انا وهاللبنتين لوسط المدينه ? يعني بتعرف بنات متلنا بنص الليل يمكن يصير معنا اي شي مو منيح 😢 الشوفير : ولي على قلبي . . كلشي ولا يصير معكن شي مو منيح . .بس قليلي وين المكان بالزبط ونا بوصلكن بعيوني رهف بدلع : يعني مافي مكان معين واجت بهل اللحظه اميره تدخلت : هلا بربك بربك بيجي من قلبك تتركنا هون وتمشي رهف : لا يا اميره هاد شكلو زلمه شهم ومارح يتركنا هون هههاايي الشوفير : اي طلعو تؤبروني وتدخل هون صاحب الشوفير : وين يطلو يا زلمه ??الشوفير : لكن بدك تتركهم لحالهم هون ?? صاحبو : وين بدك تاخدهم ! الشوفير : ع بيت المزرعه

223 تعليقات

العضوة: 694206 , 6 years ago

رح نكمل هلق بس لبنات مشالله بالعين راديوووو😅😅

العضوة: 680484 , 6 years ago

ههههه هي من محبتن لالك عم يحكو وما عم يسكتو

العضوة: 694206 , 6 years ago

. . اقتل الناس ولا ينقتل اغلا شي عندي . . لانو ازا مامشينا متل مابدها المافيا اخرتنا ببيت الدعارهه رهف : هشش اسكتي بلا مايسمعنا حدا ليندا : شوفي شوفي هالشب الشخصيه رهف : اخخخ محلاه !! ليندا : ليكي ليكي جاي لعنا الشب : مرحبا رهف : اهلييين 😍 نكشتها بايدي لرهف : شبك نجلقتي ! ليندا : هلا الشب : شفتو هالزلمه هون بهي الانحاء ? وطلعلنا صوره زلمه بالثلاثينات رهف : لا ليندا : اي رهف : 😳😳 الشب : جد وين شفتيه ومتى ?? قربت ع رهف وشوشتها : بس عدلك لل 3 بتهربي ماشي ! ليندا : كان ماشي من هون ومعو بنت صغيره الشب : من هون ع اليمين ? ليندا : اي . . . 1 - 2 - 3 هربيييي رهف وركضنا انا ورهف والشب صار يركض ورانا وصار يحكي شي ع جهاز اللاسلكي تبعو رهف : لك ليششش عم نركض !! ليندا : رهف لا توقفي هاد من الشرطه وماعم يسال عن الزلمه هو سمعنا ونحنا عم نحكي عن المافيا . . لك اسرعيي ركضي !! وبعدها فتنا ع حاره صغيره وتخبينا بجنينه بيت صغير رهف : ولي قلبي رح يوقف . . شلون عرفتي انو شرطي !! ليندا : جهاز اللاسلكي معو وكان في متل شارهه ع صدرو ! رهف : وليي . . ضيعناه شي !! ليندا : اي اي ضيعناه 😤قومي نطلع طلعنا انا ورهف من الجنينه ومشينا باتجاه اليمين ونحنا حاطين راسنا بالارض مشان ماحدا يعرفنا وفجاه في حدا حط ايدو ع كتفي . . التفت وكان اكرم ليندا : وقفت قلبييي اكرم : برافو عليكي . . هيك بدي ياكي ليندا : عفوا ?? اكرم : قصدي انو ضيعتي الشرطي وكنتي ذكيه وعرفتي تتصرفي رهف : كنت لاحقنا انت !! اكرم : اي متل حمايه . . ليندا : طيب اكرم : مشو معي يلا ومشينا مع اكرم ع السكن وطول مانحنا بالسياره اكرم يتطلع علينا بالمرايه

العضوة: 694206 , 6 years ago

الله يديم ملحبة ويسعدهون😍

العضوة: 694206 , 6 years ago

دخيل خوخة انا😋

العضوة: 694206 , 6 years ago

يالله بنات بلا مفاطة بس اكتب يتبع يعني بلشو كر😂😂😂😂

العضوة: 680484 , 6 years ago

ههههه احكو لتشبعو بس خلينا نقرأ القصة لنشوف الاكشن☺😘

العضوة: 680484 , 6 years ago

اللهم آمين يارب العالمين ويسعدك عم تتعبي معنا بتنزيل القصص😘❤

العضوة: 700113 , 6 years ago

ماشي يا رئيسةة العصابة نحنا بالعيين راديوو😂😂😌

العضوة: 680484 , 6 years ago

أمانة كمليا عندي مشوار حابة اقرأها قبل اطلع من البيت😁😁😅

العضوة: 680484 , 6 years ago

لا الحمدلله فك الحظر...وصرنا نطلع ونفوت