6 years ago
  • ما قبل الحمل
في قلبي طفلة يتيمة _بقلم_حنين_طه اهداء الى صديقتي @ شام عليوي😍😍😘😘 الجزء الاول متل ما قلتلك ها الداية ام رجب : بس يا ست ليلى هاد شي علمه عند ربنا قبل ما يكون عندي  ليلى : بعرف هالحكي شو شايفتيني لا سمح الله عم اكفر يعني انا عم قلك اعطيني طريقة اضمن فيها اني جيب ولد بتعرفي انتي حماااي عنده شي وشويات وزوجي هو ابنه الوحيد وفوق كل هاد ضرتي الاولى ما جابت الا بنتين وقعدت انا الي لازم جيبله الصبي انا الي لازم مكانتي ترتفع عنده وابني الي يكون الامر الناهي فهمتيني يا ام رجب ام رجب: توكلي عالله يا ست ليلى ان شاء الله ربنا بيعطيكي مرادك ليلى: ايه ان شاء الله وصدقيني لشنشلك تشنشل بالذهب والمصاري واغنيكي لولد الولد وبكرة بتشوفي يلا سلام هلا ما عاد بقدر اتأخر اكتر من هيك عالبيت سلام صحيح قبل ما اطلع الكلام الي حكيناه من شوي ما بيطلع لمخلوق يخلق باي رجعت ليلى عالبيت غيرت تيابها بسرعة ونطرت رجعة صادق ام صادق : ليلى يا بنتي وينك ليلى: ها هون انا مرت عمي تفضلي في شي ام صادق : جيت لشوفك ليش ما تغديتي معنا بنتي ليلى: اه ايه رحت زرت قبر امي ام صادق: بهالوقت ليلى: بتعرفي انتي مرت عمي انه ناطف قلبي على شي ولد فرح فيه قلب صادق وقلب عمي لهيك رحت عالمقبرة وبكيت عالقبر ودعيت ربنا كتير يرزقني صبي معافى وسليم ام صادق: وادعي يا بنتي لضرتك خولة حرام حتى ربنا يرضى عنك ويكرمك ليلى: طبعا طبعا مرت عمي شو هالحكي ربنا وحده بيعلم قديه بحبها لخولة وبحزن عليها ودايما بدعيلها معي وحتى قبل مني ربنا يسر قلبها وخاطرها ويرزقها صبي ام صادق: الله يرضى عليكي يلا الحقيني هلا بيجي صادق وعمك من الشغل مو حلوة يلاقوكي مو موجودة بالجمعة ليلى : يلا شوي ولاحقتك

406 تعليقات

العضوة: 694206 , 6 years ago

الله يرحمها وسلامة قلبك هيك مقدر ومكتوب

العضوة: 683599 , 6 years ago

الله يسلمكن اخواتي بالله وجعتلكن راسكن معي بس ماعندي حدا فشلو قلبي

العضوة: 694206 , 6 years ago

نشالله ولله مو مسدقة لهلق انو طلهنا بنفس لمدينة وربي متمنية اشوفك

العضوة: 683599 , 6 years ago

جوزي بيشتغل حلاق بمدينه تانيه وكل شهرين بيجي كم نهار

العضوة: 694206 , 6 years ago

عادي حبيبتي عادي منحنا بلهوى سوى متلك متلنا بس مشاكلنا وههمومنا الها اسم تاني مو اكتر ربي يصبرك

العضوة: 694206 , 6 years ago

طيب ياخدك لعندو او هوة يضل يعني وضع متل وضع سورية مو امن ابدااا

العضوة: 683599 , 6 years ago

اي والله بدها صبر احيان بدي بس شي اضحك عليه مشان انسا الواقع القاسي الانا فيه

العضوة: 694206 , 6 years ago

اهلك باي دولة اوروبية

العضوة: 683599 , 6 years ago

هاتو لشوف كل وحده عندها نكته تحيها خلينا نضحك

العضوة: 694206 , 6 years ago

يا عمري ربي يصبركون جميعااا

العضوة: 683599 , 6 years ago

ياقلبي وانا كمان اخي مات بعمر الورد عندو ولدين وبنت ومرتو عمرها ٢٠ سنه بينحرق قلبي عليهون

العضوة: 694206 , 6 years ago

غيرو هل موضوع بنات خلينا نضحك ونغير لموووود

العضوة: 683599 , 6 years ago

اي ولو قلبنا ميت خلينا نضحك وننسا همومنا ع فكرا جوزي كل يوم بيبعتلي نكت عندي كتير

العضوة: 694206 , 6 years ago

لا حول ولاقوة الا بلله الله يصبركون