9 years ago
  • المرحلة الثالثة (الأشهر 9,8,7)
موضوعي عن زوجي دائماً يقولي احبج وأي شي اطلبه يعطيني إياه حتى لو بعد فتره بس مشكلته مايهتم بحملي كله يبيني اشتغل بالبيت واهتم باهله اقعد عندهم اقهويهم اسأل عنهم حتى لو على حساب راحتي ودايما ينصحني ويعلمني شلون اعاملهم واذا قلت له تعبانه يقول ماعليج الا العافيه مافيج شي تدلعين والصبح اذا بغيب عن الدوام بسبب صداع او قلت نوم او اي شي يرفض ويقول بتصيرين زينه بس داومي يعني يحبني بانه يوفر لي الفلوس بس وصحتي اخر اهتماماته وكل فتره يجرحني ويزعل مني اذا ماقعدت عند أهله والله يابنات تعبت انا حامل باخر السابع وامي متوفيه الله يرحمها وولدي كل شوي يتعب وزوجي مايقدر 😢😔

23 تعليقات

العضوة: 9816 , 9 years ago

@user-32300 لا مو كل شي أسويه اقوله تعبانه وأجل كل شي بس يرد يفتح الموضوع

العضوة: 33035 , 9 years ago

قولي لدكتوتك تقولة ان انتي لازم ترتاحي و راح يسمع منها ان شاء الله ممكن يفكرك تتدلعين للاسف

العضوة: 14673 , 9 years ago

اليوم لما يجي قوليله نزل مني مويه ودم والم اسفل بطني لازم اروح الدكتورة وخليه يوديك الدكتورة وهي ختفهمه لازم ترتاحي قولي للدكتورة الم مت ظهري واسفل بطني الدكتورة حتفهمه وحيخاف ولو عاد الكلام عيدي لو كل يومين وديه المستشفي لما يفهم انك حامل ولازم ترتاحي

العضوة: 32300 , 9 years ago

@user-9816 طنشيه ..خلي لنفسج اهميه قدمي نفسج والبيبي ع اهله ..شكو ييرد يفتح الموضوع..قولي له انا ثقيله وتعبانه اذا تبي اخدمهم انته واهله صراحه المفروض يقدرون هالشي

العضوة: 41004 , 9 years ago

كلام ام البنات صح ولا تخربي بيتك نصيحه مافي احد كامل

العضوة: 16754 , 9 years ago

خله هو يوجب ويبر اهله هوا اولى فيهم مو انتي😑

العضوة: 4703 , 9 years ago

ايه والله نفس الحال لكن انا اسوي الي في راسي تركت الدوام وعفس الدنيا على راسي اهوا وأهله انا مهندسة ودوامي شاق متعب في الشمس من 8 لي 5 تخيلي . ولا همني تركت الشغل . والزوارة احس كأنه عقاب لازم نروح وانا اول حملي النساة كريهه شفت الموت ماكانو يقولون مسكينه وللأسف اهوا بعد وفوق هذا يبيني انظف واغسل واطبخ ومثل ماقلتي يحبني لكن مافي احساس دايما يظن اني اتدلع واني كسولة والقهر إذا زوجة اخوهم الثاني ماتروح الزوارة مسكينة فيها الدورة يحليلها طالعة مع صديقتها 😣 الحمدالله على كل حال

العضوة: 16026 , 9 years ago

ياعمري الله يفرج همك ويسخر لك زوجك ويحنن قلبه عليك