السلام عليكم انا متزوجة من ٩ سنين وعندي ٣ بنات الله يخليهم لي... علاقتي بزوجي حلوة كتير وطبيعية وهادئة وانا كمان قنوعة وماعندي متطلبات كتير مع ان احلامي وطموحاتي كتيييييرة بس مركزة على راحة زوجي وبناتي ومسؤلية بيتي ...انا انسانة بطبعي عاطفية وخيالي واسع ومشاعري جياشة بشكل مو طبيعي واذا حبيت حدى بتعلق فيه تعلق شديد ..عايشة بالغربة وببلد اجنبي وماعندي صديقات ولا جارات ووحيدة بهل دنيا مافي غير زوجي وشوي من اهلو واقاربو يلي مابحاكيهن غير بالمناسبات... المهم انا بحب زوجي حب جنون متعلقة فيه متل كأنو روحي بحسو جواتي جوات عقلي وقلبي طول اليوم بفكر فيه وهو بالبيت وهو برى البيت مع انو لا هو البطل الرومنسي والجنتل ولا الي منشوفه بالافلام..ولا عنده اسلوب للغزل والحب بس بحبني وانا واثقة طبعا من هالشي
هو انسان طبيعي جدا بس شخصيته رائعة وحنون كثير ... مابعرف ليش بحس بكل هالحب اتجاه مع انو ما اخدنا بعض عن حب زواج تقليدي وهو اكبر مني ب١٦ سنه كنت اكره زمان وانفر منه ومرات ابكي معه بالعلاقة بس بعد ماخلفت بناتي صرت حبه واتعلق فيه مابعرف شو صرلي ... يمكن تستغربو بس انا متعلقة فيه تعلق مرضي غريب وقت بيكون موجود بكون طبيعية بعصب منو بدايق منحكي منسكت عادي طبيعيبس بقلبي نار عشق وحب ولما يروح ببكي بشتقلو وبصير بفكر فيه دائما بشوفو بأحلامي كل يوم تقريبا بتخيلو امير قصصي الخيالية والوهمية بتخيلو بكل تفاصيل حياتي ببكي وبحس بالخنقة اذا اجاني شعور اني افقده او انه راح نترك بعض بيوم او انه راح يتخلى عني او يتزوج غيري وخصوصا هو بيمزح كتير بهل قصص وانا باخدا بروح الضحكة بس بحسا سكين وبتجرح قلبي وبضل مكتئبة يومين ليروح هالشعور ..هو بشوفني طبيعية وانا بظهرلو طبيعية وانو علاقتنا حلوة والحمد لله مستقرة.. بس انا عايشة من جوى حرب صراع نفسي مابدي حبه كل هالقد حتى اذا خزلني بيوم ماموت من بعده ولك اصلا هو مابستاهل كل هالمشاعر الي عم اهدرها عليه ليش هيك عم يصير معي كيف بدي اتخلى عن حبي الكبير هاد او خفف منو اقل شي ؟؟. ...صار متل وسواس بالنسبة لالي ووتعببت💔🔥🔥🔥
العضوة: 782176 , 4 years ago
قصتك نفس قصتي بعد 11سنه اكتشفت عم يخوني بعد كل هلالحب والمشاعر كنت احسبو هوا كلشي من بعد الله بس للاسف هلى صحي هوا عايش بس ميت بقلبي وعم حط ع جرح ملح وساكتا مشان ولاادي هلى أعم احسبو إنسان غريب خلص مات كلشي بقلبي من مشاعرالعضوة: 260940 , 4 years ago
ياعمري يعلي عليكي الله يصبر قلبك ويعوضك بالايام الاحسن ويصلح مابينك وبينو ... وانا هاد الشي المخوفني خايفة اعيش هل شعور بيوم من الايام وانظرو بنظرة الخيبة والكره لانو بحس بين الكره الكبير والحب الكبير شعرة بس اي خيانة ممكن تكسر هالحاجز ويصير الحب كره وانا مابدي عيش هالشعور ...😓 ياريتهم هالرجال بحسو او بقدرو مشاعرنا واديش نحنا منحبهن من كل قلبنا ومشاعرنا قوية مو متلهن سطحية