بالمختصر انا راح يعطوني ولاده مبكره بالاسبوع 38 لانه معاي سكر الحمل
بكره اخر مراجعه لي ويحددون يوم يعطوني طلق صناعي
طبعا بكره يوم الفحص وراح تقول لي كم مفتوح الرحم
حاليا مشيت واكلت انناس وجالسه اشم حلتيته
وبعد مااخلص بتنقع بمويه حاره وبعدين بدهن بطني بزيت زيت ن دافي مع حبه البركه وانام
وبكره الصباح باكل ملعقة عسل مع حبة البركه واروح موعدي
واشوف شنو تقول يارب يفتح على طول وتقول لي ولاده
دعواتكم ياحلوين
ملاحظه/الحلتيته مجربتها مرتين من قبل ونفعت معاي
تغيرت خطة الولاده الدكتوره تبيني اولد بالطلق الطبيعي 😑
العضوة: 34897 , 9 years ago
@user-29588 نقيعها وشميها وتغسلي فيهاالعضوة: 34897 , 9 years ago
@user-36190 اول مره استخدمها يقولون تفتح الرحمالعضوة: 39893 , 9 years ago
بنات ممكن اعرف شنو الحلتيتهالعضوة: 34897 , 9 years ago
@user-39893 حاجه زي اللبان نجيبها من العطارالعضوة: 34897 , 9 years ago
الجزء الرابع تروشت بماي دافي مايل للحراره ودهنت في زيت زيتون وشربت حليب زنجبيلالعضوة: 35044 , 9 years ago
الحلتيته 👍👍👍👍العضوة: 23119 , 9 years ago
اذا خلطتي زيت الزبتون مع حبة البركة تكون مطحونه صح؟العضوة: 34897 , 9 years ago
@user-23119 لا مو مطحونه هي تركد تحت العلبهالعضوة: 34897 , 9 years ago
مارحت المستشفى بنتظر الطلق يحمى شوي مررره باردالعضوة: 34897 , 9 years ago
لازلت طلق بارد 😓😟 احباط واللهالعضوة: 6269 , 9 years ago
الله يسهل لك .. اختي زيك كان فيها طلق بارد وفاتح الرحم شوي .. راحت البيت وحطت مويه حاره مغليه وحطت فيها حلتيته وتبخرت فيها من تحت .. وعلى طول راحت المستشفى فاتح 10 سم بدووون ألم الله يبارك لها .. جربي وان شاء الله تتسهلالعضوة: 26352 , 9 years ago
بنات الحلتيته تجيب الطلقةبس ماتفتح الرحم انتبهو لا تشمونها الا والرحم مفتوح اذا كانوالرحم مسكر وشميتيها وجاك طلق ينفجر الرحم هذا كلام الدكتوره انا شميتها وجاني طلق بس ماانفتح الرحم وهوشتني الدكتوره قالت معك حلتيته ذبيها بزباله امس وحده انفجر رحمها بسبب الحلتيته لانها تجيب الطلق بس ماتفتح الرحمالعضوة: 34897 , 9 years ago
@user-6269 ماشاء الله تبارك الرحمن امس تبخرت فيها على جمر وشميتها وللحين اتحرى الفرج بجرب بخار الماء لان الجمر ماطلع دخان ابد 😧العضوة: 34897 , 9 years ago
@user-26352 ماعندهم سالفه طول عمرنا مع الحلتيته كل دكتوره لها فلسفتها صديقتي قالت لها دكتورتها اشربي خروع وصديقتي الثانيه قالت لها الدكتوره اصلن الخروع ماله علاقه بالولاده ينظف البطن فكل وحده تفتي من راسها عشان كذا مرات الواحد ياخذ راي اكثر من دكتور قبل يسوي عمليه او شي كبيرالعضوة: 34897 , 9 years ago
الوضع الحين والله مع الطلق الباررررد تجيني افرازات الساده مره دم مره بني مره مدري شنو بس خلاص ماعاد شفت البياض بالنسبه للطلق ابيخ منه مافيه شي تافه دغدغه خفيفه بارده اتصلت ع الطوارئ قالو مانعطي معلومات او افاده تعالي الطوارئ نفحصج واتصلت ع العياده دكتورتي مو مداومه اليوم وابد محتاره بعمري وطفشانه امي وزوجي يقولون لانروحين لين تجي الام قويه وانا ودي اروح لهم اقول لهم تصرفو افقعوني فششوني المهم اولد وخلاص 😩