يسسعد اوقاتكم ماميز وحوامل 🌹🌹🌹
موضوع خفيف لطيف 😻 كل وحده فيكون تحكيلنا من أي بلد هيي وشو بتقدمو للضيوف وقت يجو يباركو للنفاس والطقوس المتعارف عليها عندكون
واذا في صور بكون افضل وافضل
رح ابدا انا من سوريا محافظة درعا طبعا عنا بتختلف الضيافه حتى بالمحافظات
اول ما تولد الحامل عنا مباشره بقومو نسوان البيت بعملو سفرة اكل من حواضر البيت ( لبنة، زيتون، مقدوس، زعتر، بيض، فلافل، و..... واهم صنف بينهون هوي كبدة الغنم) بنسميها سفرة الخلاص
السفرة هي بتكون لاهل البيت واللي كان مع النفاس عند الدكتوره لتولد والموجود من الجيران
طبعا سفرة الخلاص مختلفة كليا عن العقيقة العقيقة بنعملا بعد اسبوع او ١٥ يوم
اما بالنسبة للضيافة المتعارف عليه بقريتي وبين اهلي بضيفو شغلات ضروري تتواجد وقت النفاس منها
مغلي القرفه مع جوز وجنبو الحلاوة الطحينيه بتتقدم اول شي للضيفه اللي جايه تبارك
بعدا بنقدم الكراوية اكلة مشهورة بسوريا وقت النفاس
ومنقدم بعدا حلو عربي مع القهوة او شوكولا حسب كل بيت واستطاعتو وما بيخلا الامر من العصير والشاي والفواكه هي اختياريه
وآخر شي قبل تغادر الضيفه بنعطيها توزيعات بتكون صرر فيها ملبس او حسب اهل البيت شو بحبو يقدمو توزيعات
ورح حطلكون الصور بالموضوع
وهلموو شاركونا شو ضيافتكون وقت النفاس ♥️
العضوة: 657905 , 4 years ago
تؤبشيني 😘😘العضوة: 657905 , 4 years ago
اي نحنا الخضره عنا شي اساسي مع الاكل 😍العضوة: 139181 , 4 years ago
هههههههه خلص بطلنه منحجي🙄🙂🙂العضوة: 717931 , 4 years ago
النقوط الوحدة تفرح فيه اول م تولد وبعدين يصير دين عليها للعالم 🤣🤣🤣🤣🤣🤣🤣العضوة: 139776 , 4 years ago
احنا اول ما يجي الناس قهوه ساده وبعدين عصير وبعدين قرفه بجوز وبعدبن قرفه لحالها وبعدين قهوه ساده وشوكلاته وخلص واخر الاسبوع نعمل مباركه جاتو وعصير وقرفه وحجاجي مخلوطه مكسرات وشوكلاته وقهوه ساده.... ويوم فطور ويوم شوربه فريكه ويوم فطور معاليق ويوم مقلى بيض بالسمنالعضوة: 139776 , 4 years ago
اه والله واللي ما تروحي ترجعيلها النقوط تزعل منكالعضوة: 736287 , 4 years ago
احنا بالاردن ..في اختلاف من منطقه لمنطقه ..يعني في منطقتي والجنوب خاصه ....حسب امكانيات الزوج ..يذبح ذبيحه او عقيقه اذا روحت زوجته بكييير ع سلامتها مشان اهله واهلها ..واذا روحو متاخر بيعملها ثاني يوم ...واذ ما معه يجيب عقيقه ..يعمل عشا دجاج ..هذا اليوم الي تروح فيه الوالد بالنسبه لضيوف ..اول مايجو والاغلب باليل يتعللو بعد صلاة المغرب ..نادرا ماحدا يجي بالنهار لان بكون راحه للوالده والناس الي بخدموها ...هلا الضيافه قهوة عربيه ..بعدها حلايه فيها حلوو مشكل بتلف ع النساء والرجال ..بعدها قرفه وجوز قلب طبعا لنساء بس... الرجال شاي او قهوه ...بعدها بقدمو حسب الجو اذا صيف عصير وجنبه بسكوت ..واذا شتاء شاي زهورات واعشاب ....وبس اتروح المراءة بيعطوها صرر حلو وملبس او في ناس صرر مخلوطة بزر هلا الوالده ..اكيد الها اهتمام غير سواء من امها او حماتها ..من ناحية الاكل بركزو ثلاث وجبات ..الفطور بكير ..بكون متنوع كل يوم ..ويكون بس الها والاغلب كبده ..كمان بسيسه وهي تمر وبيض مع سمن بلدي معروفه عنا بتقوي الجسم للوالده ..الغدا الاغلب مرقه دجاج ولحم ..بيكون غدا جماعي للكل لزوج والام وللحمايه والوالده كمان ..والعشا كمان اشي مفيد ..خلال النهار تشرب كثير قرفه يانسون حلبه .. طبعا طول وقت وفي ناس يخدم الوالده ..وهو يهتم بالبيبي والوالده لازم تر تاح وتنام باليل مشان يرتاح جسمها ..يعني في ناس ينام عندها وينيم ويساهر البيبي وبسالعضوة: 657425 , 4 years ago
انا كنت ساكنة بريف الشام ونفس عاداتنا وولدت من ٩ ايام وعم ضيف بوظة عربية بس طبعا مو من بكداش لاني عايشة بالمانياالعضوة: 724645 , 4 years ago
🤩🤩🤩🤩🤩🤩😘😘😘😘😘😘😘العضوة: 566744 , 4 years ago
هههههه حابه تسلم سما 😍العضوة: 680444 , 4 years ago
حسب عندنا باليمن وطبعاً مو كل المناطق زي بعض! احنا بمنطقتنا اللي عندها اهل يسوو الاكل اللي يقدرو عليه واهم شي العصيد مع اللبن عشان الحليب يزيد ، وبرضه يجيبو الحريم معاهم اكل لازم بكل عزيمة وحده تجيب معاها اكلة مو شرط يكون نفاس حتى لو حفلة عشان كذا صاحبة العزيمة ماتتعب تسوي اكلتين بالكثير بس اذا النفاس لحالها وماعندها احد ، يعني مثلي! انا اذا ولدت بجيب لهم حلويات من برا وقهوة واحطهم بالطاولة ، وبجلس ع الفراش! وهم يجيبو اكل معاهم ويضيفو بنفسهم لان النفاس معروف ماتقدر تتحرك كثير حتى الضيوف يحاولو يريحو عليها قد المقدرة ومايطولو كثير.العضوة: 657905 , 4 years ago
😂 انا بسوريا كنت متزوجة جديد وعطيت نقوط لكتير ولدانات واخر شي سافرت وولدت بناتي التلات بقطر وراحو علي 🤣العضوة: 657905 , 4 years ago
ما شاء الله منوره موضوعي ♥️العضوة: 657905 , 4 years ago
ما شاء الله حبيت نظامكون منوره ♥️العضوة: 657905 , 4 years ago
اهلا فيكي ما شاء الله ربي يتم عليكون الفرح بس العصيده كتير حكو عنها وما شفتا لو عندك صوره