9 years ago
  • المرحلة الثالثة (الأشهر 9,8,7)
سلام عليكم انا يابنات حامل بالشهر السادس عاد بدخل بالسابع وذابحني التفكير وين اروح بنفاسي 😢 امي متوفيه واخواتي متزوجات وعندي مرت ابوي قالت تعالي عندي ومستحيه منها عيالها وراء بعض وازعاج خايفه اتعبها عندها بنت ماكملت سنه وعندها شغاله يالله قايمه فيها وبالبيت واهل زوجي خالتي كبيره رجلها تعورها وعمي مستحيل يستغني عنها وبنتها قد جتني بنفاسي الي قبل هذا ثالث حمل لي وبرمضان بولد ومستحيه منها اخذ بنتها بعد وبغيت اخذ شغاله بس ماديتنا ماتسمح 😢 واذا جلست ببيتي بيذبحني الجوع تكفوون احد يساعدني برايه ومن صارلها مثلي وش سووت ؟؟؟؟

69 تعليقات

العضوة: 42312 , 9 years ago

@user-51130 في حريم يطبخون اكل للنفاس من الحين ابدي اجمعي حق كورس نفاس ترسلك اكل لو اسبوعين اجمعي من الحين فلوس اذا ماديتك ماتسمح او مالك الا تقومين بنفسك ترا اكل النفاس اهم شي مرقه اللحم والدجاج والبيض المسلوق مع الحليب هذا المهم

العضوة: 54244 , 9 years ago

أنا هذا حملي الرابع وإن شاء الله بنفس في بيتي رغم انو وقت نفاسي عارفه حالي ماراح ارتاح مرره بين اطفال وشغل بيت واستقبال الحريم الله يعين؟

العضوة: 42047 , 9 years ago

انتي جهزي من الثامن مفرزنات لك واشتري مكرويف حراري مايتعدا سعره 300 او حتى تحصلين اقل . وسوي لك اكل كثييييييير مفرزنات شوربه عصيرات وجهزي حوايج النفااس والتمر وخليها بعلب واللي تحبين تاكلينه كمان جهزيه بعلب بس تطلعي من المستشفى تطبخي مويه حاره وتحطي عليها الاشياء .. واكلك تسخنيه . شيلي نفسك بنفسك عزيزتي . وان شاء الله مايقصرون اللي حولك

العضوة: 51130 , 9 years ago

مدري والله يابنات وش اسوي

العضوة: 52099 , 9 years ago

@user-51130 عادي انتي مثلي وانتي اشوا انا كل والداتي لحالي وفي بيتي اهلي بعدين في ولة ثانية واهل زوجي لغريب احسن منهم انا مرقدة في لمستشفي ماستقبلو عيالي توهم صار ولا قالو جيبيهم والله العظيم انه قلبي تقطع ولدتي تعسرت بسبتهم لكلاب شايل هم عيالي انهم لحالهم في لبيت وابوهم مايعرف يتصرف جزاه الله خير جارتي كنت ادق عليها تاخذهم عنده ولدت قيصرية ولحالي ونا اطبخ وانضف لي اقدر عليه

العضوة: 52099 , 9 years ago

@user-51130 اعتمدي على نفسك وخلي زوجك يساعدك جهزي اغراضك من لحين جهزي تمر مع سمن ورشاد وحطيه في علبةولاكل كم يوم من برا وبس تشدين حيالك انتي اطبخي صحيح تعب ولكن شفالة حتى اذا جت ماتطبخ اكل نفاس انا كنت اطبخ وزوده وحطه في ثلاجة عشان ثاني يوم اصخنه واكله ولجيران ساعدوني لي شديت شوي صحيح تعب ودك احد يهتم فيك ولكن شكوى الله مافي احد

العضوة: 33434 , 9 years ago

انا في الغربة و ما عندي اهل في هاي البلد رح انفس لحالي في بيتي

العضوة: 54223 , 9 years ago

@user-51130 انتي من اي منطقه لو انك من المدينه ابشري انا اسوي لك اكل نفاس ربي يقومك بسلامه

العضوة: 51130 , 9 years ago

@user-54223 لا والله انا ف وادي الدواسر 😢 ماتقصرين ياقلبي