ﻣﺮﻭﺓ : ﺻﺒﺎﺡ ﺍﻟﺨﻴﺮ ﻣﺎﻣﻲ ...
ﺍﻻﻡ : ﺻﺒﺎﺡ ﺍﻟﻨﻮﺭ ..
ﺳﺎﻟﻢ : ﻫﻠﻮ ..
ﻣﺮﻭﺓ : ﻫﻠﻮﺍﺕ ﺷﺨﺒﺎﺭﻙ ﺳﺎﻟﻢ ..
ﺳﺎﻟﻢ : ﻣﻮ ﺯﻳﻦ 😠 ..
ﻣﺮﻭﺓ : ﻟﻴﺶ ﺍﻛﻮ ﺷﻲ ﺻﺎﻳﺮ ﻭﻳﺎﻙ ..
ﺳﺎﻟﻢ : ﻻ ﻣﺎ ﺻﺎﻳﺮ ﺷﻲ ﺑﺲ ﺍﻟﺴﻴﺎﺭﺓ ﻋﺎﻃﻠﺔ ...
ﻣﺮﻭﺓ : ﻳﻌﻨﻲ ﺍﻟﻴﻮﻡ ﺍﺭﻭﺡ ﻟﻠﻤﺪﺭﺳﺔ ﻣﺸﻲ ؟
ﺍﻻﻡ : ﺍﻱ ﺷﻜﻮ ﺑﻴﻬﺔ ﺷﻨﻮ ﺭﺍﺡ ﺍﺗﻤﻮﺗﻴﻦ ﺍﺫﺍ ﺭﺣﺘﻲ ﻣﺸﻲ ﻟﻠﻤﺪﺭﺳﺔ ..
ﻣﺮﻭﺓ : ﻳﻤﺔ ﺳﻼﻣﺖ ﮔﻠﺒﻲ ﺍﻫﻢ ﺷﻲ ﺍﻧﻲ ، ﻳﻠﺔ ﺍﻧﻲ ﺭﺍﻳﺤﺔ ..
ﺍﻻﻡ : ﺍﻟﻠﻪ ﻭﻳﺎﭺ ﻋﻴﻮﻧﻲ ﺍﻧﺘﺒﻬﻲ ﻋﻠﺔ ﻧﻔﺴﭻ ﻣﻦ ﺍﻟﻄﺮﻳﻖ ..
*************************************
ﻣﺮﻭﺓ : ﻫﻠﻮ ﺑﻨﺎﺕ ﺷﺨﺒﺎﺭﻛﻢ ﺍﻟﻴﻮﻡ ..
ﺭﻧﺎ : ﺍﻟﺤﻤﺪ ﻟﻠﻪ ﺑﺨﻴﺮ ﺍﻧﺘﻲ ﺷﺨﺒﺎﺭﺝ ؟
ﻣﺮﻭﺓ : ﺗﻤﺎﻡ ﻣﻴﺔ ﻣﻴﺔ ﺑﺲ ﺍﻟﺴﻴﺎﺭﺓ ﻣﺎﻟﺖ ﺍﺧﻮﻳﺔ ﻋﻄﻠﺖ ...😁
ﺣﻼ : ﻟﭽﻦ ﺷﻮﻓﻦ ﻫﺬﺓ ﺍﻟﻮﻟﺪ ﺟﺎﻱ ﻧﻘﻞ ﻣﻦ ﻏﻴﺮ ﻣﺪﺭﺳﺔ ..
ﺭﻧﺎ : ﺷﺴﻤﺔ ؟
ﺣﻼ : ﻣﺎ ﺍﻋﺮﻑ ﺑﺲ ﻏﻴﺮ ﺣﻠﻮ ...
ﺭﻧﺎ : ﺍﻱ ﻭﺍﻟﻠﻪ ﻫﺬﺓ ﻛﻠﺶ ﺣﻠﻮ ﺑﺲ ﻟﻮ ﺍﻋﺮﻑ ﺍﺳﻤﺔ ...
ﻣﺮﻭﺓ : ﺭﺟﻌﻨﺔ ﻟﺴﻮﺍﻟﻔﺠﻦ ﺍﻟﻘﺪﻳﻤﺔ ﻋﻮﻓﻦ ﺍﻟﻮﻟﺪ ﺑﺤﺎﻟﺔ ...
ﺣﻼ : ﺳﺎﻣﺮ ﺳﺎﻣﺮ ﻟﻚ ﺳﺎﻣﺮ ﺗﻌﺎﻝ ..
ﺳﺎﻣﺮ : ﺷﻜﻮ ﺷﺘﺮﺩﻳﻦ ﺑﺲ ﺍﺗﺼﻴﺤﻴﻦ ..
ﺣﻼ : ﻫﺬﺓ ﺍﻟﻮﻟﺪ ﺍﻟﺠﺎﻱ ﻧﻘﻞ ﺷﺴﻤﺔ ؟
ﺳﺎﻣﺮ : ﺍﺳﻤﺔ ﻣﻬﻨﺪ ﻟﻴﺶ ﺗﺴﺄﻟﻴﻦ ؟
ﺣﻼ : ﻣﺎﻛﻮ ﺷﻲ ﺭﻭﺡ ﻫﺴﺔ ﺑﻌﺪﻳﻦ ﻋﻮﺩ ﻧﺘﺤﺎﺟﺔ ..
ﺭﻧﺎ : ﻳﺎﻱ ﺣﺘﻰ ﺍﺳﻤﺔ ﺣﻠﻮ ..
ﻣﺮﻭﺓ : ﺧﻠﺼﺘﻦ ﺧﻠﻲ ﻧﺮﻭﺡ ﻟﻠﺼﻒ ﻗﺒﻞ ﻣﺎ ﻳﺠﻲ ﻣﺪﺭﺱ ﺍﻟﻌﺮﺑﻲ ...
ﺣﻼ : ﻳﺎ ﺭﺏ ﺍﻳﻜﻮﻥ ﻫﺬﺓ ﺍﻟﻮﻟﺪ ﻣﻬﻨﺪ ﻛﺎﻋﺪ ﺑﺎﻟﺮﺣﻠﺔ ﺇﻟﻲ ﺑﺼﻒ ﺭﺣﻠﺘﻲ ...
ﺭﻧﺎ ﻭ ﺣﻼ ﻛﺎﻋﺪﺍﺕ ﺑﻨﻔﺲ ﺍﻟﺮﺣﻠﺔ ﻭ ﻣﺮﻭﺓ ﻛﺎﻋﺪ ﻳﻢ ﻭﺣﺪﺓ ﺍﺳﻤﻬﺔ ﺿﺤﻰ ..
ﺿﺤﻰ : ﻫﻠﻮ ﻣﺮﻭﺓ ﺷﻠﻮﻧﺞ؟
ﻣﺮﻭﺓ : ﺍﻟﺤﻤﺪ ﻟﻠﻪ ﺯﻳﻨﺔ ﺍﻧﺘﻲ ﺷﺨﺒﺎﺭﺝ ﻭﻳﺔ ﺍﻣﺘﺤﺎﻥ ﺍﻟﺮﻳﺎﺿﻴﺎﺕ؟
ﺿﺤﻰ : ﻟﻴﺶ ﻣﺘﺪﺭﻳﻦ ﺍﻣﺘﺤﺎﺕ ﺍﻟﺮﻳﺎﺿﻴﺎﺕ ﺍﺗﺄﺟﻞ ﻋﻠﺔ ﻳﻮﻡ ﺍﻟﺨﻤﻴﺲ ﺑﺲ ﺍﻟﻤﻮﺿﻮﻉ ﺍﻟﺠﺪﻳﺪ ﺩﺍﺧﻞ ﺑﺎﻻﻣﺘﺤﺎﻥ ...
ﻣﺮﻭﺓ : ﺻﺪﮒ ﻻ ﻭﺍﻟﻠﻪ ﻣﺎ ﺍﺩﺭﻱ ﻣﺤﺪ ﮔﺎﻟﻲ ﺍﺗﺄﺟﻞ ﺍﻻﻣﺘﺤﺎﻥ ...
ﺍﺳﺘﺎﺫ ﺣﻤﺰﺓ : ﺍﻟﺴﻼﻡ ﻋﻠﻴﻜﻢ ..
ﺍﻟﻜﻞ : ﻭﻋﻠﻴﻜﻢ ﺍﻟﺴﻼﻡ ..
ﺍﺳﺘﺎﺫ ﺣﻤﺰﺓ : ﺍﺷﻮ ﻧﺎﻳﻤﻴﻦ ﻳﻠﺔ ﺻﺤﺼﺤﻮ ..
ﺍﻟﻜﻞ : ﺣﺎﺿﺮ ﺍﺳﺘﺎﺫ ..
ﻭﻟﻴﺪ : ﺍﺳﺘﺎﺫ ﺍﻟﻴﻮﻡ ﺭﺍﺡ ﻧﺸﺮﺡ ﻣﻮﺿﻮﻉ ﺟﺪﻳﺪ؟
ﺍﺳﺘﺎﺫ ﺣﻤﺰﺓ : ﻟﻴﺶ ﺍﻧﻲ ﺍﻟﺒﺎﺭﺣﺔ ﮔﻠﺖ ﻧﺸﺮﺡ ﻣﻮﺿﻮﻉ ﺟﺪﻳﺪ؟
ﺍﻟﻜﻞ : ﻧﻌﻢ ﺍﺳﺘﺎﺫ ....
ﺍﺳﺘﺎﺫ ﺣﻤﺰﺓ : ﻏﺮﻳﺐ ﻣﺎ ﺍﺗﺬﻛﺮ ﻫﻴﭻ ﻛﻠﺖ ..
ﺳﻠﻮﻯ : ﻻ ﺍﺳﺘﺎﺫ ﻛﻠﺖ ﺍﻣﺘﺤﻨﻜﻢ ﺍﻣﺘﺤﺎﻥ ﻳﻮﻣﻲ ..
ﺍﺳﺘﺎﺫ ﺣﻤﺰﺓ : ﺻﺤﻴﺢ ﻫﺎﺍ ﻭﻟﻴﺪ ﻣﺘﺮﻳﺪ ﺗﻤﺘﺤﻦ ..
ﺳﺎﻣﺮ : ﻻ ﺍﺳﺘﺎﺫ ﻣﻮ ﻫﺎﻱ ﺍﻟﻘﺼﺔ ..
ﺍﺳﺘﺎﺫ ﺣﻤﺰﺓ : ﻟﻌﺪ ﺷﻨﻮ ؟
ﺳﺎﻣﺮ : ﻣﻮ ﺍﻟﻴﻮﻡ ﻋﺪﻧﺔ ﻃﺎﻟﺐ ﻣﻨﻘﻮﻝ ﺟﺪﻳﺪ ﻟﻠﻤﺪﺭﺳﺔ ﻓﻬﻮ ﻣﻴﺪﺭﻱ ﺑﺎﻻﻣﺘﺤﺎﻥ ..
ﺭﻧﺎ : ﻫﺎﻱ ﺍﻟﻘﺒﻴﺤﺔ ﺳﻠﻮﻯ ﺩﺍﺋﻤﺎ ﺍﺗﺨﺮﺏ ﻋﻠﻴﻨﺔ ﺍﻟﺨﻄﺔ ﻭﺗﺬﻛﺮ ﺍﻻﺳﺎﺗﺬﺓ ﺑﺎﻻﻣﺘﺤﺎﻧﺎﺕ ..😠
ﺣﻼ : ﻟﻮ ﺑﺲ ﺍﮔﺪﺭ ﺍﻟﺰﻣﻬﺔ ﺍﻟﺔ ﻟﻤﻮﺗﻬﺔ ﺷﮕﺪ ﻣﻜﺮﻭﻫﺔ ..
ﺟﺎﻥ ﻣﻬﻨﺪ ﻛﺎﻋﺪ ﺑﺎﻟﺮﺣﻠﺔ ﺍﻟﻲ ﺑﺼﻒ ﻣﺮﻭﺓ ﻭ ﺿﺤﻰ ﻭ ﻣﻦ ﺍﻟﺠﺎﻧﺐ ﺍﻻﺥ ﺭﺣﻠﺖ ﺭﻧﺎ ﻭ ﺣﻼ ..
ﺣﻼ : ﺍﻟﻤﻬﻢ ﺍﺳﺘﺠﺎﺏ ﺩﻋﺎﺋﻲ ﻭ ﻣﻬﻨﺪ ﮔﻌﺪ ﺑﺎﻟﺮﺣﻠﺔ ﺍﻟﻲ ﺑﺼﻔﻨﺔ ...
ﺭﻧﺎ : ﻫﻬﻬﻬﻬﻬﻪ 😒 ﻣﺎ ﺷﺎﺀ ﺍﻟﻠﻪ ﺗﺒﺎﺭﻙ ﺍﻟﺮﺣﻤﻦ ﺻﺎﺭﺕ ﻣﺆﻣﻨﺔ ﻫﺴﺔ ﻋﻠﻴﺔ ﺍﺳﻜﺘﻲ ﺑﺎﺑﺔ ﻫﻲ ﻏﻴﺮ ﻫﺎﻱ ﺍﻟﺮﺣﻠﺔ ﺍﻟﻮﺣﻴﺪﺓ ﺍﻟﻲ ﺑﺎﻟﺼﻒ ﻣﺎﺑﻴﻬﺔ ﻏﻴﺮ ﺑﺲ ﺍﺣﻤﺪ ﮔﺎﻋﺪ ...
ﺣﻼ : ﺍﻧﻄﻤﻲ ﺍﺣﺴﻠﭻ 😒
ﻣﺮﻭﺓ : ﺍﺣﻤﺪ ..
ﺍﺣﻤﺪ : ﻧﻌﻢ
ﻣﺮﻭﺓ : ﺍﻧﻄﻲ ﻫﺎﻱ ﺍﻟﻮﺭﻗﺔ ﻟﻠﺒﻨﺎﺕ ..
ﺍﺣﻤﺪ : ﻣﺎﺷﻲ ..
ﺍﺧﺬ ﺍﺣﻤﺪ ﺍﻟﻮﺭﻗﺔ ﻭ ﻧﻄﺎﻫﺔ ﻟﻤﻬﻨﺪ ﻭ ﻛﻠﺔ ﻳﻨﻄﻴﻬﺔ ﻟﻠﺒﻨﺎﺕ ﺇﻟﻲ ﻫﻨﺔ ﺣﻼ ﻭ ﺭﻧﺎ ..
ﻣﻬﻨﺪ : ﻟﻮ ﺳﻤﺤﺘﻲ ..
ﺣﻼ : ﻧﻌﻢ 😍 ﺍﺗﻔﻀﻞ ﺷﺘﺮﻳﺪ ..
ﻣﻬﻨﺪ : ﻫﺎﭺ ﻫﺎﻱ ﺍﻟﻮﺭﻗﺔ ﻣﻦ ﺫﻳﭻ ﺍﻟﺒﻨﻴﺔ ..
ﺣﻼ : ﺷﻜﺮﺍ ..
ﺭﻧﺎ : ﻫﺎﻱ ﺷﻨﻮ ﺍﻟﻮﺭﻗﺔ ..
ﺣﻼ : ﻣﺎ ﺍﺩﺭﻱ ﻫﺎﻱ ﻣﻦ ﻣﺮﻭﺓ ..
ﺣﻼ : ﺗﺮﻳﺪ ﺍﻗﻼﻡ ﻣﺎ ﻋﺪﻫﺔ ﻧﺎﺳﻴﺘﻬﻦ ..
ﺭﻧﺎ : ﺩﺍﺋﻤﺎ ﺗﻨﺴﺔ ﺷﻲ ﺑﺎﻟﺒﻴﺖ ...
ﺣﻼ : ﺧﻠﻲ ﺍﻧﺨﻠﻴﻬﺔ ﺗﺘﻌﺬﺏ ﺍﺷﻮﻳﺔ ...
ﺭﻧﺎ : ﻫﻬﻬﻬﻬﻪ ﻓﻜﺮﺓ ﺣﻠﻮﺓ ..
ﺩﺯﺕ ﺣﻼ ﻭﺭﻗﺔ ﻟﻤﺮﻭﺓ .....
ﻣﺮﻭﺓ : ﺷﻨﻮ ﻣﺎ ﻋﺪﻫﻦ ﺍﻗﻼﻡ ﺯﺍﻳﺪﺓ ، ﻫﺴﺔ ﺷﺴﻮﻱ ﺍﺷﻠﻮﻥ ﺭﺍﺡ ﺍﻛﺘﺐ ﺍﻟﺸﺮﺡ . ﺍﺣﻤﺪ ﺍﺣﻤﺪ ..
ﺍﺣﻤﺪ : ﻫﺎﺍ ﺷﺘﺮﺩﻳﻦ ﻫﺴﺔ ..
ﻣﺮﻭﺓ : ﻗﻠﻢ ﺍﻛﺘﺐ ﺑﻲ ...
ﺍﺣﻤﺪ : ﻫﻮ ﺍﻧﻲ ﺍﺧﺬﺗﻪ ﻣﻦ ﺳﺎﻟﻢ ﻟﻴﺶ ﺍﻧﻲ ﺷﻮﻛﺖ ﺟﺒﺖ ﺍﻗﻼﻡ ﻭﻳﺎﻱ ﻟﻠﻤﺪﺭﺳﺔ ...
ﻣﺮﻭﺓ : ﻛﻞ ﻋﻤﺮﻙ ﻓﻄﻴﺮ ﻭ ﻣﺎﺑﻴﻚ ﺧﻴﺮ ..
ﺍﺣﻤﺪ : ﻫﺴﺔ ﻳﻠﺔ ﺩﺭﻳﺘﻲ ..
ﻣﻬﻨﺪ : ﺍﺷﺒﻴﻬﺔ ﻫﺎﻱ ﺍﻟﺒﻨﻴﺔ ؟
ﺍﺣﻤﺪ : ﺗﺮﻳﺪ ﻗﻠﻢ ﺗﻜﺘﺐ ﺑﻲ ﻣﺎ ﻋﺪﻫﺔ ...
ﻣﻬﻨﺪ : ﻫﺎﻙ ﺍﻧﻄﻴﻬﺔ ﻫﺬﺓ ﺍﻟﻘﻠﻢ ﺧﻠﻲ ﺗﻜﺘﺐ ﺑﻲ ..
ﺍﺣﻤﺪ : ﻣﺎﺷﻲ ﺑﺲ ﻋﻨﺪﻙ ﻣﻤﺤﺎﺕ ﺍﻟﺮﻳﺪ ﺍﻣﺴﺢ ..
ﻣﻬﻨﺪ : ﺍﻱ ﻋﻨﺪﻱ ..
ﺍﺧﺬ ﺍﺣﻤﺪ ﺍﻟﻘﻠﻢ ﻭ ﻧﻄﺎ ﻟﻤﺮﻭﺓ ..
*************************************
ﺣﻼ : ﺍﻛﻮ ﻭﺣﺪﺓ ﺗﻨﺴﺔ ﺍﻗﻼﻣﻬﺔ ﻭ ﺗﺠﻲ ﻏﻴﺮ ﻓﻄﻴﺮﺓ ..
ﻣﺮﻭﺓ : ﻳﻠﺔ ﻣﺮﺕ ﻋﻠﻰ ﺧﻴﺮ ﻭ ﻣﻬﻨﺪ ﻧﻄﺎﻧﻲ ﻗﻠﻢ ﺍﻛﺘﺐ ﺑﻲ .
ﺭﻧﺎ : ﻟﻴﺶ ﻣﺎ ﺍﺧﺬﺗﻲ ﻣﻦ ﺿﺤﻰ ﻗﻠﻢ ..
ﻣﺮﻭﺓ : ﻣﻮ ﺗﺪﺭﻥ ﺑﻴﻬﺔ ﻧﺤﺴﺔ ﻭ ﻣﺘﻨﻄﻲ ﻟﺤﺪ ..
ﺣﻼ : ﻣﺎ ﺍﺩﺭﻱ ﺍﺷﻠﻮﻥ ﺍﻧﺘﻲ ﻣﺘﺤﻤﻠﺘﻬﺔ ، ﺍﻟﻤﻬﻢ ﺷﻜﺮﺗﻲ ﻣﻬﻨﺪ ﻋﻠﻰ ﺍﻟﻘﻠﻢ ..
ﻣﺮﻭﺓ : ﻻ ﻣﺎ ﺷﻜﺮﺗﺔ ، ﻟﻴﺶ ..
ﺣﻼ : ﺧﻠﻲ ﻧﺮﻭﺡ ﻋﻠﻴﺔ ﻭ ﺷﻜﺮﻱ ﻋﻠﻰ ﻗﻠﻢ ..
ﻣﺮﻭﺓ : ﺍﻧﻲ ﻣﺎ ﻃﻠﺒﺖ ﻣﻨﺔ ﻗﻠﻢ ﻫﻮ ﺍﻧﻄﺎﻧﻲ ..
ﺭﻧﺎ : ﻣﻮ ﺍﻧﺘﻲ ﺍﻟﻤﺆﺩﺑﺔ ﻭ ﺍﻟﻤﺤﺘﺮﻣﺔ ﺍﻛﺜﺮ ﺷﻲ ﻭ ﺍﺧﻼﻗﺞ ﻋﺎﻟﻴﺔ ﺷﻠﻮﻥ ﺗﻘﺒﻠﻴﻬﺔ ﻋﻠﺔ ﻧﻔﺴﺞ ﻣﺘﺮﻭﺣﻴﻦ ﺗﺸﻜﺮﻱ ...
ﻣﺮﻭﺓ ﺟﺎﻧﺖ ﻣﺘﺮﻳﺪ ﺗﺸﻜﺮ ﻣﻬﻨﺪ ﻻﻥ ﺟﺎﻧﺖ ﻛﻠﺶ ﺧﺠﻼﻧﺔ ﻣﻨﻪ ﻭ ﺑﺪﺍﻝ ﻣﺎ ﻫﻲ ﺗﺴﺎﻋﺪﺓ ﻫﻮ ﺳﺎﻋﺪﻫﺔ ...
ﻣﺮﻭﺓ : ﻣﺎﺷﻲ ﺑﺲ ﺭﺍﺡ ﺗﺠﻦ ﻭﻳﺎﻳﺔ ﻣﺎﺷﻲ ..
ﺣﻼ : ﺍﻛﻴﺪ 😍 ﺑﺎﻟﻨﺴﺒﺔ ﺇﻟﻲ ﺍﺭﻭﺡ ﻭﻳﺎﭺ ..
ﺭﻧﺎ : ﻣﺴﺘﺤﻴﻞ ﺍﺿﻴﻊ ﻓﺮﺻﺔ ﻋﻠﻤﻮﺩ ﺍﺣﺠﻲ ﻭﻳﺔ ﻣﻬﻨﺪ ..😍
ﻣﺸﻮ ﺭﻧﺎ ﻭ ﺣﻼ ﻭﻳﺔ ﻣﺮﻭﺓ ﻭﻟﻤﻦ ﺷﺎﻓﻮ ﻣﻬﻨﺪ ﺭﺍﺡ ﻣﺮﻭﺓ ﺑﻜﻞ ﺛﻘﺔ ﻟﻤﻬﻨﺪ ﻋﻠﻤﻮﺩ ﺗﺸﻜﺮﺓ ..
ﻣﺮﻭﺓ : ﻣﻬﻨﺪ ؟
ﻣﻬﻨﺪ : ﻧﻌﻢ ﺗﻔﻀﻠﻲ !
ﻣﺮﻭﺓ : ﺍﻧﻲ ﻭﺻﺪﻳﻘﺎﺗﻲ ﺟﻴﻨﺔ ..
ﻗﺎﻃﻌﻬﺔ ﻣﻬﻨﺪ : ﺍﻧﺘﻲ ﻭﻣﻨﻮ ﻣﺎﻛﻮ ﺣﺪ ﻭﻳﺎﺝ .
ﻣﺮﻭﺓ : ﺷﻨﻮ ، ﺑﺎﻭﻋﺖ ﺣﻮﻟﻴﻬﺔ ﻟﮕﺖ ﺭﻧﺎ ﻭ ﺣﻼ ﻭﺍﮔﻔﺎﺕ ﺑﻌﻴﺪ ﻋﻨﻬﺔ ﻭ ﻳﺄﺷﺮﻟﻬﺔ .. ﻫﺬﻧﻲ ﺍﻻﺛﻨﻴﻦ ﺿﺤﻜﻦ ﻋﻠﻴﺔ ..
ﻳﺘﺒﻊ
العضوة: 522131 , 6 years ago
ﺳﻠﻮﻯ : ﻟﻮ ﻳﻤﻮﺗﻮﻥ ﻣﻴﻠﻜﻮﻫﺔ .. ﺳﻠﻤﻰ : ﺑﺲ ﺷﻠﻮﻥ ﻛﺪﺭﺗﻲ ﺗﻠﺰﻣﻴﻬﺔ ﻭﺣﺪﺝ ؟ ﺳﻠﻮﻯ : ﺑﻄﺮﻳﻘﺘﻲ ﺍﻟﺨﺎﺻﺔ ﻛﺪﺭﺓ ﺍﻟﺰﻣﻬﺔ ﻭﺍﺣﺒﺴﻬﺔ ﻭﻟﻮ ﺑﻘﻮﺍ ﻳﺪﻭﺭﻭﻥ ﻋﻠﻴﻬﺔ ﻟﺜﺎﻧﻲ ﻳﻮﻡ ﻣﺎﺭﺍﺡ ﻳﻠﻜﻮﻫﺔ .. ﺳﻠﻤﻰ : ﺗﺴﺘﺎﻫﻞ ﻋﻠﻤﻮﺩ ﻣﺮﺓ ﺍﻟﺦ ﺗﻌﺮﻑ ﺷﻠﻮﻥ ﺗﺤﺠﻲ ﻭ ﻳﺎﻧﺔ ﻭ ﻣﺖ ﻓﻊ ﺻﻮﺗﻪ ﻭ ﺗﺸﻤﺖ ﺑﻴﻨﺔ .. ﺳﻠﻮﻯ : ﻣﻮ ﺍﻧﻲ ﺍﻟﻲ ﺗﺸﻤﺖ ﺑﻴﺔ ﻳﺘﻴﻤﺔ .. « ﺣﻼ ﺭﺍﺡ ﻟﻠﻤﺪﻳﺮ ﻭ ﻛﺎﻟﺘﻠﺔ ﻭ ﺭﻧﺎ ﺭﺍﺡ ﻟﻠﻤﺸﺮﻓﺔ ﺍﻟﺘﺮﺑﻮﻳﺔ ﻭ ﻛﺎﻟﺘﻠﻬﺔ ﻭ ﻃﺒﻌﺎ ﺍﻟﻤﺪﺭﺳﺔ ﻧﻜﻠﺒﺖ ﻭ ﻛﻠﻬﺔ ﺩﻭﺭ ﻋﻠﺔ ﻣﺮﻭﺓ ﺑﺲ ﻣﻬﻨﺪ ﻣﻴﺪﺭﻱ ﻻﻥ ﺟﺎﻥ ﻛﺎﻋﺪ ﺑﺎﻟﻤﻜﺘﺒﺔ ﻳﻘﺮﺓ » ﺍﺣﺪ ﺍﻟﻄﻼﺏ : « ﺑﺎﻟﻤﻜﺘﺒﺔ » ﻳﺎ ﺟﻤﺎﻋﺔ ﺍﻟﻤﺪﻳﺮ ﻳﺮﻳﺪ ﺍﻟﻜﻞ ﺑﺎﺳﺎﺣﺔ .. ﻣﻬﻨﺪ : ﺍﻫﻮ ﺍﻛﻴﺪ ﻧﺼﺎﻳﺢ ﻭ ﺣﺠﻲ ﻣﺎﺑﻲ ﻣﻌﻨﺔ .. « ﻓﺒﻘﺔ ﻣﻬﻨﺪ ﺑﺎﻟﻤﻜﺘﺒﺔ ﻳﻘﺮﺓ » ﺍﻟﻤﺪﻳﺮ : ﻃﻼﺏ ﺭﺟﺎﺋﺎ ﺍﻟﻜﻞ ﻳﺪﺧﻞ ﻟﻠﺼﻔﻮﻑ ﺍﻧﺮﻳﺪ ﻧﺘﺄﻛﺪ ﻣﻦ ﺷﻲ ﻓﺎﻟﻜﻞ ﻳﺪﺧﻞ ﻟﻠﺼﻔﻮﻑ ﻭ ﻋﻠﺔ ﻛﻞ ﺻﻒ ﺭﺍﺡ ﻳﺒﻘﺔ ﻋﻠﻴﺔ ﻣﺪﺭﺱ ﺍﻭ ﻣﺪﺭﺳﺔ ﻭﺍﻛﻔﺔ ﻋﻠﻴﺔ ﻟﻤﺎ ﻧﺨﻠﺺ .. « ﺩﺧﻞ ﺍﻟﻜﻞ ﻟﻠﺼﻔﻮﻑ » « ﺑﺎﻟﻤﻜﺘﺒﺔ » ﺳﺘﺎﺫ ﺧﻠﻴﻞ : ﻣﻬﻨﺪ ﺩﺳﻮﻱ ﻫﻨﺎ ؟ ﻣﻬﻨﺪ : ﺍﺳﺘﺎﺫ ﺧﻠﻴﻞ ! ، ﻭﺍﻟﻠﻪ ﺍﺳﺘﺎﺫ ﺩﻗﺮﺓ ﺍﻻﻥ ﻫﺎﻱ ﺍﻟﻤﺎﺩﺓ ﻫﻨﺎ ﺳﺎﺑﻘﻴﻦ ﻣﺪﺭﺳﺘﻲ ﺍﻟﺴﺎﺑﻘﺔ .. ﺍﺳﺘﺎﺫ ﺧﻠﻴﻞ : ﻟﻴﺶ ﻣﺘﺪﺭﻱ ﺍﻟﻤﺪﻳﺮ ﻛﺎﻝ ﺍﻟﻜﻞ ﻟﻠﺼﻔﻮﻑ ؟ ﻣﻬﻨﺪ : ﻻ ﺍﺳﺘﺎﺫ ﻣﺎ ﺍﺩﺭﻱ ! ﺳﺘﺎﺫ ﺧﻠﻴﻞ : ﻳﻠﺔ ﺑﺴﺮﻋﺔ ﺭﻭﺡ ﻟﻠﺼﻒ ﻗﺒﻞ ﻣﻴﻼﺣﺾ ﺍﺳﺘﺎﺫ ﻗﺎﺳﻢ ﻏﻴﺎﺑﻚ .. ﻣﻬﻨﺪ : ﺍﺳﺘﺎﺫ ﻭ ﺍﺫﺍ ﻛﻠﻲ ﻭﻳﻦ ﺟﻨﺖ ؟ ﺳﺘﺎﺫ ﺧﻠﻴﻞ : ﻋﻮﺩ ﺗﺤﺠﺞ ﺑﻴﺔ ﻭ ﻛﻠﺔ ﺟﻨﺖ ﻳﻤﻲ ﺑﺎﻻﺩﺍﺭﺓ .. ﻣﻬﻨﺪ : ﺷﻜﺮﺍ ﺳﺘﺎﺫ .. « ﺭﺍﺡ ﻣﻬﻨﺪ ﻟﻠﺼﻒ ﻭ ﺳﺌﻠﺔ ﺳﺘﺎﺫ ﻗﺎﺳﻢ ﻣﻬﻨﺪ ﻭﻳﻦ ﺟﺎﻥ ﻭ ﻛﻠﺔ ﺍﻧﻮ ﺟﺎﻥ ﻳﻢ ﺍﺳﺘﺎﺫ ﺧﻠﻴﻞ ﺑﺎﻻﺩﺍﺭﺓ .. ﻣﻬﻨﺪ : ﺍﺣﻤﺪ ﻟﻴﺶ ﺍﻟﻤﺪﻳﺮ ﻛﺎﻝ ﻟﻠﻜﻞ ﻳﻜﻌﺪﻭﻥ ﺑﺎﻟﺼﻔﻮﻑ ؟ ﺍﺣﻤﺪ : ﻟﻴﺶ ﻣﺘﺪﺭﻱ ﻣﺮﻭﺓ ﻣﺨﺘﻔﻴﺔ ﻭ ﻣﺎﻛﻮ ..العضوة: 522131 , 6 years ago
ﻣﻬﻨﺪ : ﺷﻨﻮ ﺷﻜﻠﺖ ﺷﻠﻮﻥ ﻣﺮﻭﺓ ﻣﺨﺘﻔﻴﺔ .. ﺍﺣﻤﺪ : ﻣﻦ ﺗﻌﺎﺭﻛﺖ ﻭﻳﺔ ﺳﻠﻮﻯ ﻭ ﻟﺤﺪ ﺍﻻﻥ ﻣﺎﻛﻮ .. « ﻃﺒﻌﺎ ﻣﻬﻨﺪ ﺣﺲ ﺑﺸﻌﻮﺭ ﻏﺮﻳﺐ ﺍﻻﻥ ﻫﺎﻱ ﺍﻭﻝ ﻣﺮﺓ ﻳﺼﻴﺮ ﻭﻳﺎ ﻫﻴﺞ ﻣﻮﻗﻒ » ﻣﻬﻨﺪ : « ﻳﻔﻜﺮ » ﻭﻳﻦ ﻳﻌﻨﻲ ﺭﺍﺣﺖ ﻫﺎﻱ ﻣﻌﻘﻮﻟﺔ ﻧﻬﺰﻣﺖ ﻣﻦ ﺍﻟﻤﺪﺭﺳﺔ ﻫﻬﻬﻪ ﻏﺒﻴﺔ ﺟﺎﻥ ﻻﺯﻡ ﺗﻜﻮﻝ ﻟﻠﻤﺸﺮﻓﺔ ﺍﻟﺘﺮﺑﻮﻳﺔ ﺍﺣﺴﻦ ﻣﻦ ﻣﺎ ﺗﻨﻬﺰﻡ « ﻃﺒﻌﺎ ﺟﺎﻥ ﺷﺎﺩ ﺿﺤﻜﺘﺔ ﺑﺎﻟﻜﻮﺓ » .. « ﻃﺒﻌﺎ ﺩﻭﺭﻭﺍ ﺍﻟﻤﺪﺭﺳﻴﻦ ﺑﻜﻞ ﺍﻟﺼﻔﻮﻑ ﻭ ﺑﻜﻞ ﻣﻜﺎﻥ ﺑﺲ ﻣﺎ ﻟﻜﻮﻫﺔ ﻭ ﻃﺒﻌﺎ ﺍﺗﺼﻠﻮﺍ ﻋﻠﺔ ﻭﻟﻲ ﺍﻣﺮﻫﺔ ، ﺑﺎﻻﺩﺍﺭﺓ » ﺍﻡ ﻣﺮﻭﺓ : ﺍﺳﺘﺎﺫ ﻭﻳﻦ ﺑﻨﺘﻲ ﻟﻜﻴﺘﻮﻫﺔ ؟ ﺍﻟﻤﺪﻳﺮ : ﻟﺤﺪ ﺍﻻﻥ ﻣﺎ ﻟﻜﻴﻨﺎﻫﺔ ﻭ ﺍﻟﺤﺎﺭﺱ ﻭ ﺍﺳﺎﺗﺬﺓ ﺭﺍﺡ ﻳﺪﻭﺭﻭﻥ ﻋﻠﻴﻬﺔ ﺧﺎﺭﺝ ﺍﻟﻤﺪﺭﺳﺔ .. ﺳﺎﻟﻢ : ﻣﺴﺘﺤﻴﻞ ﺍﺧﺘﻲ ﺗﻄﻠﻊ ﻣﻦ ﺍﻟﻤﺪﺭﺳﺔ ! ﺍﻡ ﻣﺮﻭﺓ : ﺑﻨﺘﻲ ﻣﺎﻋﺪﻫﺔ ﻫﻴﺞ ﺣﺮﻛﺎﺕ ﺍﻛﺪﺭ ﺍﺷﻮﻑ ﺍﻟﻄﻼﺏ ﺍﻟﻲ ﻭﻳﺎﻫﺔ ﺑﺎﻟﺼﻒ .. ﺍﻟﻤﺪﻳﺮ : ﺍﻛﻴﺪ ﺗﻔﻀﻠﻲ ﺧﻠﻲ ﺍﺩﻟﻴﻜﻢ ﻋﻞ ﺻﻒ .. « ﺩﺧﻠﺖ ﺍﻡ ﻣﺮﻭﺓ ﻟﻠﺼﻒ ﻫﻲ ﻭﺳﺎﻟﻢ ﻭ ﺍﻟﻤﺪﻳﺮ » ﺍﻡ ﻣﺮﻭﺓ : ﻃﻼﺏ ﺍﻟﻲ ﺷﺎﻑ ﺑﻨﺘﻲ ﻣﺮﻭﺓ ﺧﻠﻲ ﻳﻜﻠﻲ « ﻃﺒﻌﺎ ﺟﺎﻧﺖ ﺗﺒﺠﻲ ﺣﺮﮔﺔ ﻋﻠﺔ ﺑﻨﺘﻬﺔ ﻭ ﺧﻮﻓﻬﺔ ﻋﻠﻴﻬﺔ ﺭﺍﺣﺖ ﻋﻠﺔ ﺟﻨﻄﺖ ﻣﺮﻭﺓ ﻭ ﻓﺘﺤﺘﻬﺔ ﻭﺩﻭﺭﺓ ﺑﻴﻬﺔ » ﻭﻳﻦ ﺭﺍﺣﺖ ﺣﺘﺔ ﻓﻠﻮﺱ ﻣﺎ ﻣﺎﺧﺬﺓ ﻭﻳﺎﻫﺔ ﻭﻳﻦ ﺭﺍﺣﺖ ﺑﻨﺘﻲ ؟ « ﺟﺎﻧﺖ ﺳﻠﻮﻯ ﺗﺒﺎﻭﻉ ﻭ ﺗﺒﻠﻊ ﺑﺮﻳﻘﻬﺔ ﻣﻦ ﺍﻟﺨﻮﻑ ﻭ ﺍﻟﺘﻮﺗﺮ ﻭ ﺳﻠﻤﻰ ﻧﻔﺲ ﺍﻟﺸﻲ ﺑﺲ ﻣﻊ ﻫﺬﺓ ﺳﻠﻮﻯ ﺟﺎﻧﺖ ﻣﺘﺄﻛﺪﺓ ﺍﻧﻮ ﻣﻦ ﺍﻟﻤﺴﺘﺤﻴﻞ ﻳﻠﻜﻮﻥ ﻣﺮﻭﺓ ، ﺍﺧﺬ ﺍﻟﻤﺪﻳﺮ ﺍﻡ ﻣﺮﻭﺓ ﻭ ﺍﺧﻮ ﻣﺮﻭﺓ ﺳﺎﻟﻢ ﻭﻳﺎ ﻟﻼﺩﺍﺭﺓ » ﻣﻬﻨﺪ : ﺍﻛﻠﻚ ﺍﺣﻤﺪ ؟ ﺍﺣﻤﺪ : ﻫﺎﺍﺍﺍ .... ﻣﻬﻨﺪ : ﺳﺌﻠﺘﻮﺍ ﺳﻠﻮﻯ ﻋﻠﺔ ﻣﺮﻭﺓ ؟ ﺍﺣﻤﺪ : ﻻ ﻟﻴﺶ ؟ ﻣﻬﻨﺪ : ﺷﻨﻮ ﻳﻌﻨﻲ ﻟﻴﺶ ﻭ ﺑﻌﺪﻳﻦ ﻣﺎ ﺷﻔﺖ ﺍﺣﺪ ﺩﻭﺭ ﺑﺎﻟﻤﻐﺎﺳﻞ ﺍﻟﺨﺎﺻﺔ ﻟﻠﻮﻟﺪ .. ﺍﺣﻤﺪ : ﺍﻟﻤﻐﺎﺳﻞ ﻣﺎﻝ ﻭﻟﺪ ﻣﺘﺮﻭﻛﺔ ﻣﺤﺪ ﻳﺴﺘﺨﺪﻣﻬﺔ ﺻﺎﺭ ﺳﻨﺘﻴﻦ ﻣﺤﺪ ﻳﺴﺘﺨﺪﻣﻬﺔ « ﻭﺑﻌﺪﻳﻦ ﻭﻛﻒ ﺍﺣﻤﺪ ﻋﻠﺔ ﺣﻴﻠﺔ ﻭ ﺻﺎﺡ » ﺳﻠﻮﻯ ﻭﻳﻦ ﻣﺮﻭﺓ ؟ ﻣﻬﻨﺪ : ﻣﺘﺮﻭﻛﺔ ؟ « ﻃﻠﻊ ﻣﻬﻨﺪ ﻳﺮﻛﺾ ﻣﻦ ﺍﻟﺼﻒ ﻭ ﻣﺎ ﺳﻤﻊ ﻛﻼﻡ ﺍﻟﻤﺪﺭﺱ » ﺳﻠﻮﻯ : « ﺑﺨﻮﻑ » ﺷﻨﻮ ﻗﺼﺪﻙ .. ﺍﺣﻤﺪ : ﺍﻧﺘﻲ ﺍﺧﺮ ﻭﺣﺪﺓ ﺷﻔﺘﻲ ﻣﺮﻭﺓ .. ﺳﻠﻮﻯ : ﻭﺷﻨﻮ ﻳﻌﻨﻲ ﺍﻧﻲ ﺍﺧﺮ ﻣﺮﺓ ﺷﻔﺘﻬﺔ ﺟﺎﻧﺖ ﺑﺎﻟﻤﻐﺎﺳﻞ ﺑﻌﺪ ﻣﺎ ﺍﻋﺮﻑ ﻭﻳﻦ ﺭﺍﺣﺖ .. « ﻋﻨﺪ ﻣﻬﻨﺪ » « ﻭﺻﻞ ﻟﻠﻤﻐﺎﺳﻞ ﻭ ﺟﺎﻧﺖ ﻣﻘﻔﻮﻟﺔ ﺑﺎﻟﺴﺮﻛﻲ ﻣﻦ ﺑﺮﺓ « ﺍﻛﻴﺪ ﺗﻌﺮﻓﻮﻥ ﺷﻨﻮ ﻳﻌﻨﻲ ﺳﺮﻛﻲ » ﻓﺘﺢ ﺍﻟﺒﺎﺏ ﻭ ﺑﺨﻮﻑ ﻓﺘﺢ ﺍﻟﺒﺎﺏ ﺩﺧﻞ ﻭ ﺑﺪﺓ ﻳﻔﺘﺢ ﺍﻟﺒﻮﺏ ﺑﺎﻟﺴﺮﺓ ﺑﺎﺏ ﺑﺎﺏ ﺣﺘﺔ ﻭﺻﻞ ﺍﺧﺮ ﺑﺎﺏ ﻭ ﻛﻒ ﻭﻟﻒ ﺭﺍﺩ ﻳﺮﺟﻊ ﺑﺲ ﺭﺍﺩ ﻳﺘﺄﻛﺪ ﺍﻧﻮ ﺍﻟﻤﻐﺎﺳﻞ ﻓﺎﺭﻏﺔ ﻓﺮﺟﻊ ﻭ ﻣﺸﺔ ﺑﺴﺮﻋﺔ ﻭﺻﻞ ﻟﻠﺒﺎﺏ ﺍﻻﺧﻴﺮ » ﻳﺘﺒﻊ ... العضوة: 522131 , 6 years ago
ﺍﻛﻴﺪ ﺗﻌﺮﻓﻮﻥ ﺷﻨﻮ ﻳﻌﻨﻲ ﺳﺮﻛﻲ » ﻓﺘﺢ ﺍﻟﺒﺎﺏ ﻭ ﺑﺨﻮﻑ ﻓﺘﺢ ﺍﻟﺒﺎﺏ ﺩﺧﻞ ﻭ ﺑﺪﺓ ﻳﻔﺘﺢ ﺍﻟﺒﻮﺏ ﺑﺎﻟﺴﺮﺓ ﺑﺎﺏ ﺑﺎﺏ ﺣﺘﺔ ﻭﺻﻞ ﺍﺧﺮ ﺑﺎﺏ ﻭ ﻛﻒ ﻭﻟﻒ ﺭﺍﺩ ﻳﺮﺟﻊ ﺑﺲ ﺭﺍﺩ ﻳﺘﺄﻛﺪ ﺍﻧﻮ ﺍﻟﻤﻐﺎﺳﻞ ﻓﺎﺭﻏﺔ ﻓﺮﺟﻊ ﻭ ﻣﺸﺔ ﺑﺴﺮﻋﺔ ﻭﺻﻞ ﻟﻠﺒﺎﺏ ﺍﻻﺧﻴﺮ ﺣﺎﻭﻝ ﻳﻔﺘﺢ ﺍﻟﺒﺎﺏ ﺑﺲ ﻣﺎﻛﺪﺭ ﻭ ﻛﺄﻧﻮ ﺍﻛﻮ ﺷﻲ ﻳﻤﻨﻊ ﺍﻟﺒﺎﺏ ﻳﻨﻔﺘﺢ » ﻣﻬﻨﺪ : ﻣﺮﻭﺓ ﺍﻧﺘﻲ ﺟﻮﺓ ﻣﺮﻭﺓ ﺟﺎﻭﺑﻲ ﺍﺫﺍ ﺍﻧﺘﻲ ﺟﻮﺓ ﻭﺧﺮﻱ ﻣﻦ ﺭﻭﺓ ﺍﻟﺒﺎﺏ ﻋﻠﻤﻮﺩ ﺍﻓﺘﺤﺔ . ﻣﺮﻭﺓ ﺟﺎﻭﺑﻲ ﻣﺮﻭﺓ ﺗﺴﻤﻌﻴﻨﻲ « ﺩﻙ ﻋﻞ ﺍﻟﺒﺎﺏ ﺑﺲ ﻣﺎ ﺳﻤﻊ ﺭﺩ / ﺗﻌﺮﻓﻮﻥ ﺍﻟﺤﻤﺎﻣﺎﺕ ﻃﺒﻌﺎ ﺍﻟﺤﺎﻳﻂ ﻣﺎﻟﻬﺔ ﻣﺎ ﻭﺍﺻﻞ ﻟﻠﺴﻜﻒ / ﻓﺼﻌﺪ ﻣﻬﻨﺪ ﻋﻞ ﺣﺎﻳﻂ ﻭ ﺩﺧﻞ ﺑﺲ ﺍﻟﺼﺪﻣﺔ ﺍﻟﻲ ﺷﺎﻓﻬﺔ ﺍﻧﻮ ﺟﺎﻧﺖ ﻣﺮﻭﺓ ﻣﺮﺑﻄﺔ ﺑﺎﻟﺸﺎﻝ ﻭ ﻓﺎﻗﺪﺓ ﺍﻟﻮﻋﻲ » ﻣﻬﻨﺪ : ﻣﺮﻭﺓ ! ﻣﺮﻭﺓ ! ﺍﻛﻌﺪﻱ « ﺣﺎﻭﻝ ﻳﺼﺤﻴﻬﺔ ﺑﺲ ﻣﺎﻛﺪﺭ ﻓﺘﺢ ﺍﻟﺒﻮﺭﻱ « ﺍﻭ ﺍﻟﺤﻨﻔﻴﺔ » ﺑﺲ ﺟﺎﻥ ﻣﺎﺑﻴﻬﺔ ﻣﻲ ﻭﺧﺮ ﻣﺮﻭﺓ ﻣﻦ ﻭﺭﺓ ﺍﻟﺒﺎﺏ ﻭ ﻓﺘﺢ ﺍﻟﺒﺎﺏ ، ﻃﻠﻊ ﻣﻬﻨﺪ ﻣﻦ ﺍﻟﻤﻐﺎﺳﻞ ﻭ ﻃﻠﻊ ﻣﺮﻭﺓ ﻭﻳﺎ ﺣﺎﻭﻝ ﺻﺤﻴﻬﺔ ﺑﺲ ﻣﺎﻛﺪﺭ ﻃﻠﻊ ﻳﺮﻛﺾ ﻟﻠﺼﻒ ﺩﺧﻞ ﻣﻦ ﺩﻭﻥ ﻣﺎﻳﺤﺠﻲ ﻭﻻ ﻛﻠﻤﺔ ﺍﺧﺬ ﻣﻲ ﻭ ﺭﺍﺩ ﻳﻄﻠﻊ ﻣﻦ ﺍﻟﺼﻒ ﺑﺲ ﺍﺳﺘﺎﺫ ﻗﺎﺳﻢ ﻣﺨﻼ » ﺳﺘﺎﺫ ﻗﺎﺳﻢ : ﻭﻳﻦ ﺭﺍﻳﺢ ﺑﻌﺪﻳﻦ ﺷﻠﻮﻥ ﺗﻄﻠﻊ ﻣﻦ ﺍﻟﺼﻒ ﺑﺪﻭﻥ ﺍﺫﻥ ﺍﺭﺟﻊ ﻟﻠﺮﺣﻠﺔ ﻣﺎﻟﺘﻚ ﻭ ﺣﺴﺎﺑﻚ ﺑﻌﺪﻳﻦ .. ﻣﻬﻨﺪ : ﺍﺳﺘﺎﺫ ﻟﻜﻴﺖ ﻣﺮﻭﺓ ﻭ ﻻﺯﻡ ﺍﺭﻭﺡ ﺍﻭﺩﻳﻠﻬﺔ ﻣﻲ ﺍﻻﻥ ﻣﺘﺨﺮﺑﻄﺔ ... ﺣﻼ : ﺷﻨﻮ ﺷﻜﻠﺖ ؟ « ﻃﻠﻌﻦ ﺣﻼ ﻭ ﺭﻧﺎ ﻳﺮﻛﻀﻦ ﻣﻦ ﺍﻟﺼﻒ ﻻﺣﻜﺎﺕ ﻣﻬﻨﺪ ﻭ ﺍﺳﺘﺎﺫ ﻗﺎﺳﻢ ﺭﺍﺡ ﻛﺒﻞ ﻟﻼﺩﺍﺭﺓ ﻋﻠﻤﻮﺩ ﻳﻜﻠﻠﻬﻢ « ﻃﺒﻌﺎ ﺍﻟﻤﺪﺭﺳﺔ ﻧﻜﻠﺒﺖ ﮔﻼﺏ ﺩﺍﻳﺮ ﻣﻴﺪﺭﻭ ﻣﺮﻭﺓ » ﻭ ﻣﻬﻨﺪ ﺣﻂ ﺭﺍﺱ ﻣﺮﻭﺓ ﻋﻠﺔ ﺭﺟﻠﻴﺔ ﻭ ﻳﺤﺎﻭﻝ ﻳﻜﻌﺪﻫﺔ ﺑﻜﻞ ﺍﻟﻄﺮﻕ ﻭ ﻃﺒﻌﺎ ﻣﺮﻭﺓ ﻣﺎ ﮔﻌﺪﺓ ﻭ ﻃﻠﻮﺍ ﺍﻻﺳﻌﺎﻑ ﻭ ﺍﻡ ﻣﺮﻭﺓ ﺗﺒﺠﻲ ﻣﻦ ﺧﻮﻓﻬﺔ ﻋﻠﺔ ﺑﻨﺘﻬﺔ ﻭ ﺍﺧﻮﻫﺔ ﻣﺎﺳﻚ ﻧﻔﺴﺔ ﺑﺎﻟﻜﻮﺓ ﻭ ﻳﺤﺎﻭﻝ ﻳﻬﺪﻱ ﺑﺄﻣﺔ ، ﻧﻘﻠﻮﺍ ﻣﺮﻭﺓ ﺍﻟﻤﺴﺘﺸﻔﻰ »العضوة: 522131 , 6 years ago
ﺍﻟﻤﺪﻳﺮ : ﻳﻠﺔ ﻃﻼﺏ ﺍﻟﻜﻞ ﻟﻠﺼﻔﻮﻑ ﻭ ﺍﻧﺖ ﻟﺤﻜﻨﻲ .. ﻣﻬﻨﺪ : ﺣﺎﺿﺮ ﺳﺘﺎﺫ .. « ﺑﺎﻟﺪﺍﺭﺓ » ﺍﻟﻤﺪﻳﺮ : ﺷﻠﻮﻥ ﻋﺮﻓﺖ ﻫﻲ ﻫﻨﺎﻙ ؟ ﻣﻬﻨﺪ : ﺍﺳﺘﺎﺫ ﺭﺣﺖ ﻟﻠﻤﻐﺎﺳﻞ ﻋﺎﺩﻱ ﻭ ﺣﺴﻴﺖ ﺍﻛﻮ ﺍﺣﺪ ﺑﻴﻬﻦ ﻓﺸﻔﺖ ﻭ ﻟﻜﻴﺘﻬﺔ .. ﺍﻟﻤﺪﻳﺮ : ﻟﻴﺶ ﻣﺘﺪﺭﻱ ﺍﻧﻮ ﻫﺎﻱ ﺍﻟﻤﻐﺎﺳﻞ ﻣﺘﺮﻭﻛﺔ ﻭ ﻣﺤﺪ ﻳﺴﺘﺨﺪﻣﻬﺔ ؟ ﻣﻬﻨﺪ : ﻻ ﺳﺘﺎﺫ ﻣﺎ ﺍﻋﺮﻑ ﺍﻻﻥ ﺍﻧﻲ ﺟﺪﻳﺪ ﺑﺎﻟﻤﺪﺭﺳﺔ ... ﺍﻟﻤﺪﻳﺮ : ﻣﺎﺷﻲ ﺭﺍﺡ ﺍﻛﻞ ﻟﻠﻤﺪﺭﺳﻴﻦ ﻳﺰﻳﺪﻭﻥ ﻣﻦ ﺩﺭﺟﺎﺗﻚ ﺍﻻﻧﻚ ﺳﺎﻋﺪﺓ ﻣﺮﻭﺓ .. ﻣﻬﻨﺪ : ﺷﻜﺮﺍ ﺳﺘﺎﺫ ﻫﺬﺓ ﻭﺍﺟﺒﻲ .. « ﺑﺎﻟﺼﻒ » « ﻃﺒﻌﺎ ﻣﺎﺑﻲ ﻣﺪﺭﺱ ﺍﻭ ﻣﺪﺭﺳﺔ ﺍﻻﻥ ﺍﻟﻤﺪﻳﺮ ﺳﻮﺓ ﺍﺟﺘﻤﺎﻉ » « ﺩﺧﻞ ﻣﻬﻨﺪ ﻭ ﺭﺍﺡ ﻛﺒﻞ ﻋﻠﺔ ﺳﻠﻮﻯ » ﻣﻬﻨﺪ : ﺳﻠﻮﻯ « ﺑﺼﻮﺕ ﻋﺎﻟﻲ ﺧﻠﺔ ﻛﻞ ﺍﻟﻲ ﺑﺎﻟﺼﻒ ﻳﻨﺘﺒﻪ ﻋﻠﻴﺔ » ﻟﻴﺶ ﻫﻴﺞ ﺳﻮﻳﺘﻲ ؟ ﺳﻠﻮﻯ : ﺷﻜﻮ ﻟﻴﺶ ﺍﻧﻲ ﺷﺴﻮﻳﺖ ؟ ﻣﻬﻨﺪ : ﻟﺘﻨﻜﺮﻳﻦ ﺷﺴﻮﻳﺘﻲ ﻟﻠﺒﻨﻴﺔ ﻫﺎﺍﺍ ﻛﻮﻟﻲ ؟ ﺳﻠﻮﻯ : ﻫﺎﻱ ﺷﺒﻴﻚ ﻳﺎ ﺑﻨﻴﺔ ؟ ﺍﻧﺖ ﻋﻠﺔ ﺷﻨﻮ ﺩﺗﺤﺠﻲ ﻭ ﺑﻌﺪﻳﻦ ﻟﻴﺶ ﺩﺻﻴﺢ ؟ ﻣﻬﻨﺪ : ﻟﻜﻴﺖ ﻣﺮﻭﺓ ﺑﺎﻟﻤﻐﺎﺳﻞ ﺷﻮﺩﺍﻫﺔ ﻫﻨﺎﻙ ﻛﻮﻟﻲ ؟ ﺳﻠﻮﻯ : ﺍﻛﻴﺪ ﻫﻴﺔ ﺭﺍﺣﺖ ﻭﺣﺪﻫﺔ ﺍﻧﻲ ﺷﻤﺪﺭﻳﻨﻲ ! ﻣﻬﻨﺪ : ﺍﺗﺮﻭﺡ ﻭﺣﺪﻫﺔ ﻫﺎﺍ ؟ ﻟﻌﺪ ﻫﻲ ﻫﻢ ﺭﺑﻄﺖ ﻧﻔﺴﻬﺔ ﺑﺎﻟﺸﺎﻝ ﻭ ﺳﺪﺕ ﺍﻟﻤﻐﺎﺳﻞ ﻣﻦ ﺍﻟﺨﺎﺭﺝ ؟ ﺳﻠﻮﻯ : « ﺑﺨﻮﻑ ﻭ ﺭﺟﻔﺔ » ﺍﻧﻲ ﺷﻤﺪﺭﻳﻨﻲ ﺍﺟﻮﺯ ﻣﺎﺩﺭﻱ ﺑﻌﺪﻳﻦ ﻣﻦ ﺭﺍﺣﺖ ﻟﻠﻤﻐﺎﺳﻞ ﻟﺤﻜﺘﻬﺔ ﺿﺤﻰ ﺍﺟﻮﺯ ﺿﺤﻰ ﻫﻴﺞ ﺳﻮﺕ ﺑﻴﻬﺔ .. ﻣﻬﻨﺪ : ﺫﻛﻴﺔ ﻛﻠﺶ ﻟﻌﺪ ﺷﻠﻮﻥ ﻛﻠﺘﻲ ﻟﺴﺖ ﺳﻌﺎﺩ ﺍﻧﻮ ﻣﺮﻭﺓ ﻣﻘﺒﻠﺖ ﺗﺠﻲ ﻟﻠﺼﻒ ﻭ ﺿﺮﺑﺘﺞ ﻛﻒ ﻋﻠﺔ ﻭﺟﻬﺞ ؟ « ﺳﻠﻮﻯ ﺿﻠﺖ ﺳﺎﻛﺘﺔ ﻭ ﻣﺘﻌﺮﻑ ﺷﺪﻛﻮﻝ » ﺣﻼ : ﻳﺎﺣﻘﻴﺮﺓ « ﻭﺿﺮﺑﺖ ﺳﻠﻮﻯ ﻛﻒ ﻋﻠﺔ ﻭﺟﻬﺔ ﺧﻠﺘﻬﺔ ﺗﻮﻛﻊ ﻋﻞ ﻛﺎﻉ » ﺻﺤﻴﺢ ﺍﻧﺘﻲ ﺗﻜﺮﻫﻴﻦ ﻣﺮﻭﺓ ﺑﺲ ﻣﺎ ﺗﻮﻗﻌﺖ ﺗﻮﺻﻞ ﻭﻳﺎﺝ ﻟﻬﺪﺭﺟﺔ .. ﺭﻧﺎ : ﺍﻧﻲ ﺍﻋﻠﻤﺞ ﻳﺎﺣﻘﻴﺮﺓ ﺍﺫﺍ ﻣﺎ ﺍﺧﻠﻴﺞ ﺗﺒﺠﻴﻦ ﺩﻡ ﻭ ﺗﻨﺪﻣﻴﻦ ﻋﻞ ﻳﻮﻡ ﺍﻟﻲ ﺣﻄﻴﺘﻲ ﺑﻲ ﺭﺍﺳﺞ ﻭﻳﺎﻧﺔ .. ﺳﺎﻟﻢ : ﺗﻒ « ﺣﺸﺎﻛﻢ » ﻋﻠﺔ ﻫﻴﺞ ﺗﺮﺑﻴﺔ .. ﺍﺣﻤﺪ : ﺍﻟﺔ ﻟﻨﺮﺑﻴﺞ ﻳﺎ ﻗﻠﻴﻠﺖ ﺍﺩﺏ .. ﻭﻟﻴﺪ : ﻛﻮﻟﻲ ﺷﺴﻮﻳﺘﻲ ﻟﻤﺮﻭﺓ ﻟﻮﺻﻠﺖ ﻟﻬﺎﻱ ﺍﻟﺪﺭﺟﺔ ؟ ﺳﻠﻮﻯ : « ﺑﻌﺒﺮﺓ ﻭ ﺑﺠﻲ » ﻛﻠﺸﻲ ﻣﺎ ﺳﻮﻳﺖ ﺑﺲ ﻣﻦ ﺩﺯﺗﻨﻲ ﺳﺖ ﺳﻌﺎﺩ ﻋﻠﺔ ﻣﺮﻭﺓ ﺭﺣﺖ ﻋﻠﻴﻬﺔ ﻟﻜﻴﺘﻬﺔ ﻓﺎﻗﺪﺓ ﺍﻟﻮﻋﻲ ﺣﺎﻭﻟﺖ ﺍﻛﻌﺪﻫﺔ ﺑﺲ ﻣﺎ ﮔﻌﺪﺕ ﺭﺩﺕ ﺍﺟﻲ ﺍﻛﻞ ﺳﺖ ﺳﻌﺎﺩ ﺑﺲ ﻛﻠﺖ ﺍﺫﺍ ﻛﻠﺘﻠﻬﺔ ﺩﺭﺟﺔ ﻣﺮﻭﺓ ﺭﺍﺡ ﺗﺒﻘﺔ ﺍﻋﻠﺔ ﻣﻨﻲ ﻭ ﻫﻲ ﺍﻟﻲ ﺭﺍﺡ ﺗﻄﻠﻊ ﺍﻻﻭﻟﺔ ﻋﻞ ﺻﻒ ﻓﺮﺑﻄﺘﻬﺔ ﻭ ﺍﺧﺬﺗﻬﺔ ﺍﻟﻤﻐﺎﺳﻞ ﺍﻟﻮﻟﺪ ﻻﻥ ﺍﻟﻤﻐﺎﺳﻞالعضوة: 522131 , 6 years ago
ﻣﺎﻝ ﻭﻟﺪ ﻣﺘﺮﻭﻛﺔ ﻭﻣﺤﺪ ﻳﻄﺒﻠﻬﺔ .. ﻭﺍﻟﻠﻪ ﻛﻠﺸﻲ ﻣﺎ ﺳﻮﻳﺖ .. ﺭﻧﺎ : ﻛﻞ ﻫﺬﺓ ﻭﻛﻠﺸﻲ ﻣﺎﺳﻮﻳﺘﻲ « ﺿﺮﺑﺖ ﺳﻠﻮﻯ ﻛﻒ ﻭ ﻟﺰﻣﺘﻬﺔ ﻣﻦ ﺷﻌﺮﻫﺔ « ﺍﻟﺒﻨﺎﺕ ﺍﻟﻲ ﺑﺎﻟﻤﺪﺭﺳﺔ ﻗﻠﻴﻼﺕ ﻣﺤﺠﺒﺎﺕ «« ﻟﺞ ﺍﻧﺘﻲ ﺍﻟﻴﻮﻡ ﺑﺘﻠﻴﺘﻲ ﻋﻠﺔ ﺭﻭﺣﺞ .. ﺣﻼ : « ﻟﺰﻣﺖ ﺳﻠﻮﻯ ﻣﻦ ﻛﺘﻔﻬﺔ ﻭ ﺿﻐﻄﺖ ﻋﻠﻴﺔ ﺑﻘﻮﺓ » ﻭﺍﻟﻠﻪ ﻟﺸﻮﻓﺞ ﻧﺠﻮﻡ ﺍﻟﻀﻬﺮ ﻳﺎ ﺣﻘﻴﺮﺓ .. « ﻃﺒﻌﺎ ﺳﻠﻤﻰ ﺳﻮﺕ ﺭﻭﺣﺔ ﻣﻮ ﻳﻤﻬﺔ ﻭ ﻣﺎ ﺩﺧﻠﺖ » ﺍﻟﻤﺪﻳﺮ : ﻫﺎﻱ ﺩﺳﻮﻥ « ﺑﻌﺼﺒﻴﺔ » ﻭﺭﺍﻱ ﻟﻼﺩﺍﺭﺓ ﺍﻧﺘﻦ ﺍﻟﺘﻼﺛﺔ .. « ﺭﺍﺣﻮﺍ ﺍﻟﺒﻨﺎﺕ ﻟﻼﺩﺍﺭﺓ » ﺍﻟﻤﺪﻳﺮ : ﺍﻧﺘﻦ ﺍﻟﺜﻨﻴﻦ ﻋﺘﺬﺭﻥ ﻣﻦ ﺳﻠﻮﻯ ﻳﻠﺔ . ﺣﻼ : ﻫﻲ ﺍﻟﻲ ﻻﺯﻡ ﺗﻌﺘﺬﺭ ﻣﻮ ﺍﺣﻨﺔ .. ﺍﻟﻤﺪﻳﺮ : ﻋﺘﺬﺭﻱ ﻣﻨﻬﺔ .. ﺭﻧﺎ : ﺷﻨﻮ ﻣﺎ ﺳﻤﻌﺖ ﻣﻨﻌﺘﺬﺭ ﻭ ﺷﺘﺮﻳﺪ ﺗﺴﻮﻱ ﺳﻮﻱ ﻫﺎﻱ ﺍﻝ .. ﻣﻨﻌﺘﺬﺭ ﻣﻨﻬﺔ ﻟﻮ ﻫﺴﺔ ﺗﻤﻮﺕ ﻛﺪﺍﻣﻨﺔ .. ﺍﻟﻤﺪﻳﺮ : ﺍﺫﺍ ﻣﺎ ﻋﺘﺬﺭﺗﻮﺍ ﺑﺎﺟﺮ ﻣﺘﺠﻦ ﻣﻦ ﺩﻭﻥ ﻭﺍﻟﻲ ﺍﻣﺮ .. ﺣﻼ : ﺍﻭﻻ ﺍﻧﻲ ﻣﺎ ﺳﻮﻳﺖ ﺷﻲ ﻏﻠﻂ ﻋﻠﻤﻮﺩ ﺍﻋﺘﺬﺭ .. ﺭﻧﺎ : ﺛﺎﻧﻴﺎ ﺍﻫﻠﻨﺔ ﻟﺪﺧﻠﻬﻢ ﺑﺎﻟﻨﺺ .. ﺍﻟﻤﺪﻳﺮ : ﻭ ﺛﺎﻟﺜﺎ ﺍﻧﺘﻦ ﻣﻔﺼﻮﻻﺕ .. ﺣﻼ : ﻻ ﻭﺍﻟﻠﻪ ﻋﻠﺔ ﺷﻨﻮ ﻓﺼﻠﺘﻨﺔ ؟ ﺍﻟﻤﺪﻳﺮ : ﺍﻟﺘﻬﺠﻢ ﺑﺎﻟﻤﺪﺭﺳﺔ ﻭ ﻋﺪﻡ ﺍﻻﺣﺘﺮﺍﻡ ﻭ ﺿﺮﺏ ﺍﺣﺪﻯ ﺍﻟﻄﺎﻟﺒﺎﺕ ... ﺣﻼ : « ﺿﺮﺑﺖ ﺳﻠﻮﻯ ﻛﻒ » ﻭ ﺳﺠﻞ ﻋﻨﺪﻙ ﻫﺬﺓ ﻫﻢ .. ﺍﻟﻤﺪﻳﺮ : « ﺑﻌﺼﺒﻴﺔ » ﻫﺎﻱ ﺷﺴﻮﻳﺘﻲ ؟ « ﻃﺒﻌﺎ ﺳﻠﻮﻯ ﻣﺴﻮﻳﺔ ﺭﻭﺣﻬﺔ ﺍﻟﻀﺤﻴﺔ ﻭ ﺗﺒﺠﻲ ﻭ ﺣﺘﻰ ﺍﺫﺍ ﺿﺮﺑﻨﻬﺔ ﺗﻀﻞ ﺳﺎﻛﺘﺔ » ﺭﻧﺎ : ﻛﺎﻓﻲ ﺗﺴﻮﻳﻦ ﻧﻔﺴﺞ ﺑﺮﻳﺌﺔ ﺗﺮﺓ ﻟﻌﺒﺖ ﻧﻔﺴﻲ ﻫﺬﺓ ﻛﻠﺔ ﻣﻴﻌﺎﺩﻝ ﺍﻟﻲ ﺳﻮﻳﺘﻲ ﺑﻤﺮﻭﺓ .. ﺍﻟﻤﺪﻳﺮ : ﺷﻨﻮ ؟ ﻟﻴﺶ ﺷﺴﻮﺕ ﺳﻠﻮﻯ ﻟﻤﺮﻭﺓ ؟ ﺳﻠﻮﻯ : « ﺑﺎﻧﻔﻌﺎﻝ » ﻻ ﺳﺘﺎﺫ ﻟﺘﺴﻤﻌﻠﻬﻦ ﻫﺬﻧﻲ ﺑﺲ ﻳﺮﻳﺪﻥ ﻳﺘﺒﻠﻦ ﻋﻠﻴﺔ .. ﻳﺘﺒﻊالعضوة: 522131 , 6 years ago
ﺳﻠﻮﻯ : « ﺑﺎﻧﻔﻌﺎﻝ » ﻻ ﺳﺘﺎﺫ ﻟﺘﺴﻤﻌﻠﻬﻦ ﻫﺬﻧﻲ ﺑﺲ ﻳﺮﻳﺪﻥ ﻳﺘﺒﻠﻦ ﻋﻠﻴﺔ .. ﺍﻟﻤﺪﻳﺮ : ﺍﺳﻜﺘﻲ ﺍﻧﺘﻲ ﻣﺎ ﺍﺭﻳﺪ ﺍﺳﻤﻊ ﻣﻨﺞ ﻭﻻ ﻛﻠﻤﺔ ، ﻭﺍﻧﺘﻲ ﺷﻜﻠﺘﻲ ﻛﻤﻠﻲ ﺍﻟﻲ ﻛﻠﺘﻲ ﺷﻨﻮ ﻗﺼﺪﺝ ﺍﻟﻲ ﺳﻮﺗﺔ ﺑﻤﺮﻭﺓ ﻟﻴﺶ ﻫﺒﺔ ﺷﺴﻮﺕ ؟ ﺭﻧﺎ : « ﺣﺠﺖ ﻟﻠﻤﺪﻳﺮ ﻛﻠﺸﻲ ﻭ ﻃﺒﻌﺎ ﺳﻠﻮﻯ ﺟﺎﻧﺖ ﻋﻠﺔ ﻛﻞ ﺳﺎﻟﻔﺔ ﺗﻨﻜﺮ ﺣﺠﻲ ﺭﻧﺎ » ﺍﻟﻤﺪﻳﺮ : ﺍﻧﺘﻦ ﺍﻻﺛﻨﻴﻦ ﺭﻭﺣﻦ ﻟﻠﺼﻒ ﻭ ﺑﺎﺟﺮ ﻟﺘﺠﻦ ﻣﻦ ﺩﻭﻥ ﻭﻟﻲ ﺍﻣﺮﺟﻦ .. ﺣﻼ ﻭ ﺭﻧﺎ : ﻧﻌﻢ ﺳﺘﺎﺫ .. « ﺑﺎﻟﺼﻒ » ﻭﻟﻴﺪ : ﻫﺎﺍ ﺷﺼﺎﺭ ﻭﻳﺎﺟﻦ ؟ ﺣﻼ : ﻣﺎﺻﺎﺭ ﺷﻲ ﺑﺲ ﺳﻠﻮﻯ ﻧﻜﺸﻔﺖ ﻭ ﺑﻘﺖ ﻳﻢ ﺍﻟﻤﺪﻳﺮ .. ﺭﻧﺎ : ﻣﻬﻨﺪ ؟ ﻣﻬﻨﺪ : ﻧﻌﻢ ... ﺭﻧﺎ : ﺷﻜﺮﺍ .. ﻣﻬﻨﺪ : « ﺑﺼﺪﻣﺔ » ﻋﻠﺔ ﺷﻨﻮ ﺗﺸﻜﺮﻳﻨﻲ ؟ ﺭﻧﺎ : ﻻﻧﻚ ﻟﻜﻴﺖ ﻣﺮﻭﺓ ﻭ ﻛﺸﻔﺖ ﺳﻠﻮﻯ ﻋﻠﺔ ﺣﻘﻴﻘﺘﻬﺔ .. ﻣﻬﻨﺪ : ﻻ ﻋﺎﺩﻱ ﺍﻱ ﻭﺍﺣﺪ ﺑﻤﻜﺎﻧﻲ ﺟﺎﻥ ﺳﻮﺓ ﻧﻔﺲ ﺍﻟﺸﻲ .. « ﺍﺟﺔ ﺍﺣﻤﺪ ﻳﺮﻛﺾ ﻭ ﻛﻤﺰ « ﻗﻔﺰ » ﻋﻠﺔ ﺿﻬﺮ ﻣﻬﻨﺪ » ﺍﺣﻤﺪ : ﻣﻬﻨﺪ ﺍﻧﺖ ﺻﺮﺓ ﻣﻨﺔ ﻭ ﺑﻴﻨﺔ ﺑﻌﺪ ﺍﻧﺖ ﻭﺍﺣﺪ ﻣﻨﺔ ﻣﻮ؟ ﻣﻬﻨﺪ : ﻫﻬﻬﻬﻬﻬﻬﻬﻪ ﺍﻛﻴﺪ ﺑﺲ ﺍﻧﺰﻝ ﻣﻦ ﻋﻠﻴﺔ ﺧﻨﮕﺘﻨﻲ .. ﻭﻟﻴﺪ : ﻫﻬﻬﻬﻬﻬﻬﻪ ﺍﺣﻤﺪ ﺍﻧﺘﺔ ﺩﺏ ﺷﻠﻮﻥ ﺗﺼﻌﺪ ﻋﻞ ﻣﻬﻨﺪ ﺍﻟﻀﻌﻴﻒ ﻫﻬﻬﻬﻬﻬﻬﻪ .. ﺍﻟﻜﻞ : ﻫﻬﻬﻬﻬﻬﻬﻬﻬﻬﻬﻬﻬﻬﻪ ﺍﺣﻤﺪ : « ﺑﻌﺼﺒﻴﺔ » ﺍﺳﻜﺘﻮ ﺍﺣﺴﻠﻠﻜﻢ ﺑﻌﺪﻳﻦ ﺍﻧﻲ ﻭ ﻣﻬﻨﺪ ﺍﻧﺘﺔ ﺷﺪﺧﻠﻚ ﺑﻌﺪﻳﻦ ﻣﻬﻨﺪ ﺭﻳﺎﺿﻲ ﻭ ﻋﺎﺩﻱ ﻋﻨﺪﺓ ﺍﻻﻥ ﻗﻮﻱ ... ﻣﻬﻨﺪ : ﻫﻬﻬﻬﻬﻬﻬﻬﻬﻬﻬﻪ ﺍﻛﻴﺪ ﺳﺘﺎﺫ ﺧﻠﻴﻞ : ﻋﻠﺔ ﺷﻨﻮ ﺩﺗﻀﺤﻜﻮﻥ ؟ ﺳﺎﻟﻢ : ﺍﺳﺘﺎﺫ ﻫﺬﺓ ﺍﻟﺪﺭﺱ ﺍﺣﻴﺎﺀ ؟ ﺍﺳﺘﺎﺫ ﺧﻠﻴﻞ : ﻻ ﺑﺲ ﻣﺎ ﺭﺍﺡ ﺗﺎﺧﺬﻭﻥ ﺷﻲ ﻟﻬﺬﺓ ﺍﻟﺴﺒﺐ ﺟﻴﺖ ﺍﻭﻛﻒ ﻋﻠﻴﻜﻢ .. ﺍﺣﻤﺪ : « ﻧﺰﻝ ﻣﻦ ﻋﻠﺔ ﺿﻬﺮ ﻣﻬﻨﺪ » ﻳﻌﻨﻲ ﻭﺍﺧﻴﺮﺍ ﺍﻧﺖ ﺭﺍﺡ ﺗﻮﻛﻒ ﻋﻠﻴﻨﺔ ﺑﺎﻟﺪﺭﺱ ﺍﻟﺸﺎﻏﻞ .. ﺍﺳﺘﺎﺫ ﺧﻠﻴﻞ : ﺍﻱ ﻳﻠﺔ ﻛﻞ ﻭﺍﺣﺪ ﻳﺮﺟﻊ ﻟﺮﺣﻠﺘﺔ .. ﺳﺎﻣﺮ : ﺍﺳﺘﺎﺫ ﺍﻣﺘﺤﺎﻥ ﺍﻻﺣﻴﺎﺀ ﻣﺮﺍﺡ ﺗﺄﺟﻠﺔ ؟ ﺍﻟﻜﻞ : ﻫﻬﻬﻬﻬﻬﻬﻬﻬﻬﻬﻪ .. ﺳﺘﺎﺫ ﺧﻠﻴﻞ : ﻛﻢ ﻣﺮﺓ ﻛﻠﺘﻠﻲ ﻋﻞ ﺍﻟﻤﺘﺤﺎﻥ ﻣﻦ ﺑﺪﺍﻳﺔ ﺍﻻﻣﺘﺤﺎﻥ ﻟﻲ ﻫﺴﺔ ؟ ﺳﺎﻣﺮ : ﺍﻋﺘﻘﺪ ﺧﻤﺲ ﻣﺮﺍﺕ .. ﺳﺘﺎﺫ ﺧﻠﻴﻞ : ﻫﻬﻬﻬﻬﻪ ﻭﻣﻜﻴﻒ ﻫﻢ ﻳﻠﺔ ﻟﺨﺎﻃﺮﻙ ﻣﺎ ﺭﺍﺡ ﺍﻣﺘﺤﻨﻜﻢ ﺍﻟﻴﻮﻡ .... ﺍﻟﻜﻞ : ﺷﻜﺮﺍ ﺳﺘﺎﺫ .. ﺳﺎﻣﺮ : ﺍﺳﻜﺘﻮﺍ ﻫﺎﻱ ﺑﺲ ﺍﻟﺨﺎﻃﺮﻱ .. ﺳﺘﺎﺫ ﺧﻠﻴﻞ : ﻫﻬﻬﻬﻬﻬﻬﻬﻬﻬﻪ ﻳﺎﺑﺔ ﺍﺳﻜﺘﻮﺍ ﻟﻴﺮﻭﺡ ﻳﺰﻋﻞ ﺍﻟﻤﺒﺮﺍﻃﻮﺭ .. ﺍﻟﻜﻞ : ﻫﻬﻬﻬﻬﻬﻬﻬﻬﻬﻬﻪ .. ﺣﻼ : ﺳﺘﺎﺫ ؟ ﺳﺘﺎﺫ ﺧﻠﻴﻞ : ﻫﺎﺍﺍ ﺷﺘﺮﺩﻳﻦ ﺣﻼ ؟ ﺣﻼ : ﺍﺳﺘﺎﺫ ﻣﺎ ﺳﻤﻌﺖ ﺷﻲ ﻋﻠﺔ ﻣﺮﻭﺓ ؟العضوة: 522131 , 6 years ago
ﺳﺘﺎﺫ ﺧﻠﻴﻞ : ﺍﻱ ﺍﺗﺼﻠﺖ ﻋﻠﺔ ﺍﺧﻮﻫﺔ ﻭ ﻛﻠﻲ ﻣﺎﻟﺒﻴﻬﺔ ﺷﻲ ﻭ ﺑﺎﻻﺣﺪ ﺗﺮﺟﻊ ﺍﺩﺍﻭﻡ .. ﺳﻠﻤﻰ : ﺯﻳﻦ ﺍﺳﺘﺎﺫ ﻭ ﺳﻠﻮﻯ ؟ ﺳﺘﺎﺫ ﺧﻠﻴﻞ : « ﺑﻐﻴﺾ » ﻟﻴﺶ ﺷﺒﻴﻬﺔ ﺳﻠﻮﻯ ؟ ﺳﻠﻤﻰ : ﺳﺘﺎﺫ .... « ﻗﺎﻃﻌﺘﻬﺔ ﺣﻮﺭﺍﺀ » ﺣﻮﺭﺍﺀ : ﻟﻴﺶ ﻣﺎ ﺗﺪﺭﻱ ﺍﻧﻮ ﺳﻠﻮﻯ ﻭﺭﺓ ﺍﻟﻲ ﺻﺎﺭ ﺑﻤﺮﻭﺓ؟ ﺳﺘﺎﺫ ﺧﻠﻴﻞ : « ﺑﺼﺪﻣﺔ » ﺷﻨﻮﻭﻭﻭﻭ ﻳﻌﻨﻲ ﻫﺬﺓ ﻛﻠﺔ ﻣﻦ ﻓﻌﻞ ﺳﻠﻮﻯ ؟ ﺣﻼ : ﺍﻱ ﺳﺘﺎﺫ ﻭ ﺍﻧﻲ ﻭ ﺭﻧﺎ ﻛﻠﻨﺔ ﻟﻠﻤﺪﻳﺮ ﻛﻠﺸﻲ .. ﺳﺎﻟﻢ : ﻭﻃﺒﻌﺎ ﺑﺎﺟﺮ ﻣﻴﺠﻦ ﺣﻼ ﻭ ﺭﻧﺎ ﻣﻦ ﺩﻭﻥ ﻭﻟﻲ ﺍﻣﺮﻫﻦ .. ﺳﺘﺎﺫ ﺧﻠﻴﻞ : ﺍﻟﻠﻪ ﻳﺴﺎﻋﺪﺟﻦ ﺷﺮﺍﺡ ﺗﻜﻮﻟﻦ ﻟﻬﻠﺠﻦ ؟ « ﻃﺒﻌﺎ ﻃﻨﺶ ﺳﻠﻤﻰ ﻭ ﻣﻮﺿﻮﻉ ﺳﻠﻮﻯ ﻭ ﺣﺠﺔ ﻭﻳﺔ ﺍﻟﻄﻼﺏ ﻭ ﻣﺸﺔ ﺍﻟﺪﺭﺱ ﻛﻠﺔ ﺿﺤﻚ ﻭ ﺳﻮﺍﻟﻒ » « ﻣﺮﺕ ﺍﻻﻳﺎﻡ ﻭ ﻣﺮﻭﺓ ﺑﺎﻟﻤﺴﺘﺸﻔﻰ ، ﻭﺍﺟﺔ ﻳﻮﻡ ﺍﻻﺣﺪ » ﻣﺮﻭﺓ : « ﺩﺧﻠﺖ ﺍﻟﺼﻒ » ﺳﻼﻡ ﻋﻠﻴﻜﻢ .. ﺍﻟﻜﻞ : ﻭﻋﻠﻴﻜﻢ ﺍﻟﺴﻼﻡ « ﻭﻣﺤﺪ ﺍﻧﺘﺒﻪ » ﻣﺮﻭﺓ : « ﺑﻌﺼﺒﻴﺔ » ﺷﻨﻮ ﻫﺬﺓ ﺍﻟﺴﺘﻘﺒﺎﻝ ﻣﻮ ﻟﻌﺴﺎﺱ ﺟﻨﺖ ﻣﺮﻳﻀﺔ ﻭﻧﺎﻳﻤﺔ ﺑﺎﻟﻤﺴﺘﺸﻔﻰ ؟ ﺣﻼ : « ﻗﻔﺰﺓ ﻣﻦ ﻣﻜﺎﻧﻪ ﻭ ﺭﺍﺡ ﺗﺮﻛﺾ ﻋﻠﺔ ﻣﺮﻭﺓ ﻭﺣﻀﻨﺘﻬﺔ » ﺍﺥ ﻣﺮﻭﺓ ﺷﺘﺎﻗﻴﺘﻠﺞ ﻫﻮﺍﻳﺔ ﺷﻠﻮﻥ ﺻﺮﺗﻲ ؟ ﺭﻧﺎ : ﻭﺳﻌﻲ ﻭ ﺳﻌﻲ ﺧﻠﻲ ﺷﻮﻳﺔ ﺍﻟﻲ ﺍﻧﻲ ﻫﻢ . « ﻭﺧﺮﺕ ﺣﻼ ﻋﻦ ﻣﺮﻭﺓ ﻭ ﺣﻀﻨﺘﻬﺔ ﺭﻧﺎ ﻳﻘﻮﺓ ﻭ ﺍﺟﻮﺍ ﺍﻟﺸﺒﺎﺏ ﻭ ﺳﻠﻤﻮﺍ ﻋﻠﺔ ﻣﺮﻭﺓ ﻭ ﻛﺎﻟﻮﻟﻬﺔ ﺍﻟﺤﻤﺪ ﺍﻟﻠﻪ ﻋﻞ ﺳﻼﻣﺔ ﻭﻣﻦ ﻫﺎﻱ ﺍﻟﺴﻮﺍﻟﻒ » ﺣﻼ : ﻣﻬﻨﺪ ﻭﻳﻦ ﺍﺷﻮ ﻣﺎﻛﻮ .. ﺍﺣﻤﺪ : ﺍﺟﺔ ﺍﺑﻮ ﻭﻫﺴﺔ ﻫﻮ ﺑﺎﻟﺪﺍﺭﺓ ﻳﻢ ﺍﻟﻤﺪﻳﺮ ... ﻭﻟﻴﺪ : ﻣﺎ ﺍﻋﺘﻘﺪ ﻫﺬﺓ ﺍﻟﻲ ﺍﺟﺔ ﺍﺑﻮ ﻻﻥ ﺑﻌﺪﺓ ﺻﻐﻴﺮ ﻳﻄﻠﻊ ﺑﺎﻟﻌﺸﺮﻳﻦ ﻣﻦ ﻋﻤﺮﺓ .. ﺳﺎﻟﻢ : ﺍﺟﻮﺯ ﺍﺧﻮ ﻣﻮ ﺍﺑﻮ .. ﺍﺣﻤﺪ : ﻻ ﻣﺴﺘﺤﻴﻞ ﺍﻧﻲ ﺳﺄﻟﺘﺔ ﻣﺮﺓ ﻭ ﻛﺎﻝ ﻫﻮ ﺍﻟﻮﺣﻴﺪ ﻟﻬﻠﺔ .... ﺣﻼ : ﻟﻌﺪ ﻫﺬﺓ ﻣﻨﻮ ؟ ﻣﺮﻭﺓ : ﻫﺴﺔ ﻳﺠﻲ ﻭ ﻧﻔﺘﻬﻢ ﻣﻨﺔ ، ﺻﺤﻴﺢ ﻭ ﻳﻦ ﺍﻟﻤﻜﺮﻭﻫﺔ ﻣﺎ ﺷﻔﺘﻬﺔ ؟ ﺭﻧﺎ : ﻣﻔﺼﻮﻟﺔ ﺳﺒﻮﻋﻴﻦ .. ﻣﺮﻭﺓ : « ﺑﺼﺪﻣﺔ » ﻟﻴﺶ ؟ ﺭﻧﺎ : ﺍﻟﻤﺪﻳﺮ ﻛﺸﻔﻬﺔ ﻭ ﻓﺼﻠﻬﺔ .. ﻣﺮﻭﺓ : ﻟﻴﺶ ﻣﺎ ﻛﻠﺘﻠﻲ ﻣﻦ ﺟﻨﺖ ﺍﺧﺎﺑﺮﺝ ؟ ﺣﻼ : ﻫﻮ ﻣﺎ ﺑﻘﺔ ﺑﺲ ﺍﺳﺒﻮﻉ ﻭ ﺗﺮﺟﻊ ﺩﺍﻭﻡ .. « ﺩﺧﻞ ﻣﻬﻨﺪ ﻭﺟﺎﻥ ﻋﺼﺒﻲ ﻣﺸﺔ ﻣﻦ ﻳﻤﻬﻢ ﻣﻦ ﺩﻭﻥ ﻣﺎ ﻳﺤﺠﻲ ﺑﺲ ﺟﺎﻧﺖ ﻋﻼﻣﺎﺕ ﺍﻟﻌﺼﺒﻴﺔ ﻣﺒﻴﻨﺔ ﻋﻠﺔ ﻭﺟﻬﺔ »العضوة: 522131 , 6 years ago
ﺍﺣﻤﺪ : ﻣﻬﻨﺪ ﺑﻴﻚ ﺷﻲ ﺻﺎﻳﺮ ﺷﻲ؟ ﻣﻬﻨﺪ : « ﺗﻨﻬﺪ ﺣﺎﻭﻝ ﻳﻬﺪﻱ ﻧﻔﺴﺔ ، ﺍﺑﺘﺴﻢ » ﻻ ﻣﺎﺑﻴﺔ ﺷﻲ ﺑﺲ ﺷﻮﻳﺔ ﺿﺎﻳﺞ .. ﻭﻟﻴﺪ : ﺷﻨﻮ ﻣﺘﺮﻳﺪ ﺗﻜﻮﻝ ﺍﻟﺤﻤﺪ ﺍﻟﻠﻪ ﻋﻞ ﺳﻼﻣﺔ ﻟﻤﺮﻭﺓ ؟ ﻣﻬﻨﺪ : « ﻣﺘﻔﺎﺟﺊ » ﻟﻴﺶ ﻫﻲ ﺩﺍﻭﻣﺖ ؟ ﻣﺮﻭﺓ : ﺳﺒﺮﺍﻳﺰ ! ﺍﻱ ﺩﺍﻭﻣﺖ .. ﻣﻬﻨﺪ : ﺍﻩ ﻣﻔﺎﺟﺌﺔ ﺣﻠﻮﺓ ﺍﻟﺤﻤﺪ ﺍﻟﻠﻪ ﻋﻞ ﺳﻼﻣﺔ .. ﻣﺮﻭﺓ : ﺗﺴﻠﻢ ، ﺍﻩ ﺷﻜﺮﺍ .. ﻣﻬﻨﺪ : ﻋﻠﺔ ﺷﻨﻮ ﺗﺸﻜﺮﻳﻨﻲ ؟ ﻣﺮﻭﺓ : ﺣﻼ ﺣﺠﺘﻠﻲ ﻛﻠﺸﻲ ﺍﻋﺘﻘﺪ ﺍﻧﻲ ﺍﺧﺬﺕ ﻋﻠﻴﻚ ﺻﻮﺭﺓ ﺧﻠﻂ .. ﻣﻬﻨﺪ : ﻻ ﺷﻲ ﻋﺎﺩﻱ ﺍﻱ ﻭﺍﺣﺪ ﺑﻤﺎﻛﺎﻧﻲ ﺟﺎﻥ ﺳﻮﺓ ﻧﻔﺲ ﺍﻟﺸﻲ .. « ﻣﺸﺔ ﺍﻟﻴﻮﻡ ﻋﻠﺔ ﺧﻴﺮ ﻣﻦ ﺩﻭﻥ ﺍﻱ ﻣﺸﺎﻛﻞ « ﻃﺒﻌﺎ ﻻﻥ ﺳﻠﻮﻯ ﻣﺎ ﻣﻮﺟﻮﺩﺓ » ﻭ ﺍﺟﺔ ﻭﻗﺖ ﺍﻟﺤﻠﺔ « ﺍﻱ ﺍﻟﺮﺟﻌﺔ ﻟﻠﺒﻴﺖ » ﻃﻠﻊ ﺍﻟﻜﻞ ﻣﻦ ﺍﻟﻤﺪﺭﺳﺔ ﺭﺍﺣﻦ ﺍﻟﺒﻨﺎﺕ ﺭﻧﺎ ﻭ ﺣﻼ ﻳﺘﻤﺸﻦ ﻭ ﻣﺮﻭﺓ ﺭﺍﺡ ﻟﺨﻮﻫﺔ ﻻﻥ ﺍﺧﻮﻫﺔ ﻫﻮ ﺍﻟﻲ ﻳﺠﻴﺒﻬﺔ ﻭ ﻳﻮﺩﻳﻬﺔ ، ﺟﺎﻧﻮ ﺍﻟﺸﺒﺎﺏ ﻳﻤﺸﻮﻥ ﺳﻮﺓ ﻭ ﻳﺤﺠﻮﻥ » ﺍﺣﻤﺪ : ﺷﺒﺎﺏ ﺷﻨﻮ ﺭﺋﻴﻜﻢ ﺍﻟﻴﻮﻡ ﻭﺍﺣﺪ ﻣﻨﻜﻢ ﻳﻌﺰﻣﻨﻲ ﻋﻞ ﻏﺪﺓ ؟ ﺍﻟﻜﻞ ﻋﺪﺓ ﻣﻬﻨﺪ : ﻻ ﻣﺴﺘﺤﻴﻞ .. ﻭﻟﻴﺪ : ﻟﻴﺶ ﻭﻳﻦ ﺍﻣﻚ ﻭﻣﺘﺴﻮﻳﻠﻚ ﻏﺪﺓ .. ﺍﺣﻤﺪ : ﻫﻮ ﻟﻮ ﺍﻣﻲ ﻣﻮﺟﻮﺩﺓ ﺟﺎﻥ ﺳﺌﻠﺘﻜﻢ .. ﻣﻬﻨﺪ : ﻣﺎﺷﻲ ﺗﻌﺎﻝ ﻭﻳﺎﻱ ﺍﻧﻲ ﺍﻏﺪﻳﻚ .. ﺍﻟﻜﻞ : ﺍﻭﻭﻭﻭﻭ ﻣﻬﻨﺪ ﻃﻠﻊ ﻣﻮ ﺑﺲ ﺷﺎﻃﺮ ﻭ ﺫﻛﻲ ﻭ ﻃﻴﺐ ﻃﻠﻊ ﻛﺮﻳﻢ ﻫﻢ .. ﺍﺣﻤﺪ : ﻣﻬﻨﺪ ﻭﻳﻦ ﺑﻴﺘﻜﻢ ﺍﻧﺖ ؟ ﻣﻬﻨﺪ : ﻣﻦ ﺍﺧﺬﻙ ﺭﺍﺡ ﺗﻨﺪﻟﺔ ﻭﻳﻦ .. « ﻭﺻﻞ ﻣﻬﻨﺪ ﻟﺴﻴﺎﺭﺓ ﻟﻮﻧﻬﺔ ﺍﺳﻮﺩ » ﻳﺘﺒﻊ .. العضوة: 522131 , 6 years ago
ﻭﺻﻞ ﻣﻬﻨﺪ ﻟﺴﻴﺎﺭﺓ ﻟﻮﻧﻬﺔ ﺍﺳﻮﺩ » ﺍﺣﻤﺪ : ﻫﺎﻱ ﺍﻟﺴﻴﺎﺭﺓ ﺍﻧﺖ ﺗﺮﻭﺡ ﺑﻴﻬﺔ ؟ ﻣﻬﻨﺪ : ﺍﻱ .. ﺍﺣﻤﺪ : ﻭﺍﻭ ﺣﻠﻮﺓ ﻳﻌﻨﻲ ﺭﺍﺡ ﺍﺭﻛﺐ ﺑﻴﻬﺔ ﻭﻳﺎﻙ .. ﻣﻬﻨﺪﺓ : « ﺑﺴﺘﻬﺰﺍﺀ » ﻻ ﺍﻧﺖ ﺭﺍﺡ ﺗﻠﺤﻜﻨﻲ ﻣﺸﻲ . ﻃﺒﻌﺎ ﺭﺍﺡ ﺗﺮﻛﺐ ﻭﻳﺎﻱ ﺑﻴﻬﺔ ... « ﻓﺘﺢ ﻣﻬﻨﺪ ﺍﻟﺒﺎﺏ ﺍﻟﻮﺭﺍﻧﻲ ﻟﻠﺴﻴﺎﺭﺓ » ﻣﻬﻨﺪ : ﺍﺭﻛﺐ ﺍﺣﻤﺪ .. ﺍﺣﻤﺪ : ﻳﻌﻨﻲ ﻫﺎﻱ ﺻﺪﻙ ﻣﻮ ﺟﺬﺏ « ﺭﻛﺐ ﺍﺣﻤﺪ ﻭ ﺟﺎﻥ ﻓﺮﺣﺎﻥ ﻻﻥ ﻫﻮ ﻳﺤﺐ ﺍﻟﺴﻴﺎﺭﺍﺕ ﻭ ﺟﺎﻧﺖ ﻣﻮ ﺍﻱ ﺳﻴﺎﺭﺓ ﺟﺎﻧﺖ ﻛﻠﺶ ﺣﻠﻮﺓ ﻭ ﺟﺎﻣﻬﺔ ﻣﻀﻠﻞ ، ﺭﻛﺐ ﻣﻬﻨﺪ ﻟﻠﺴﻴﺎﺭﺓ ﻭ ﻛﻌﺪﻭﺍ ﺑﺎﻟﺨﺎﻧﺔ ﺍﻟﻮﺭﺍﻧﻴﺔ » ﻣﻬﻨﺪ : ﺍﺣﻤﺪ ﻭﻳﻦ ﺗﺮﻳﺪ ﺗﺎﻛﻞ ﺑﺎﻟﺒﻴﺖ ﻟﻮ ﺑﺎﻟﻤﻄﻌﻢ ؟ ﺍﺣﻤﺪ : ﻫﺎﺍ ﺷﻨﻮ ﺷﻜﻠﺖ ؟ ﻣﻬﻨﺪ : ﻭﻳﻦ ﺗﺤﺐ ﺗﺎﻛﻞ ﻭ ﺷﺘﺤﺐ ﺗﺎﻛﻞ ﺍﻛﻞ ﺍﻟﺒﻴﺖ ﻟﻮ ﺍﻛﻞ ﺍﻟﻤﻄﺎﻋﻢ .. ﺍﺣﻤﺪ : ﻫﻬﻬﻬﻪ ﺩﺗﺸﺎﻗﺔ ﻣﻮ ؟ ﺷﻨﻮ ﻣﻄﻌﻢ ﺧﻠﻲ ﻧﺮﻭﺡ ﻟﻠﺒﻴﺖ ﻭ ﻣﻨﻬﺔ ﺍﻧﺪﻝ ﺑﻴﺘﻜﻢ ﻭ ﺍﺗﻌﺮﻑ ﻋﻠﺔ ﺍﻫﻠﻚ .. ﻣﻬﻨﺪ : ﻣﺎﺷﻲ ، ﺳﻠﻴﻢ « ﺍﻟﺴﻮﺍﻕ » ﺍﺧﺬﻧﺔ ﻟﻠﺒﻴﺖ .. ﺳﻠﻴﻢ : ﺣﺎﺿﺮ .. « ﻭﺻﻠﻮﺍ ﻟﺒﻴﺖ ﻣﻬﻨﺪ « ﺟﺎﻥ ﺑﻴﺖ ﻣﻬﻨﺪ ﺟﺒﻴﺮ ﻭﻓﺨﻢ ﻭ ﻛﺌﻨﻮﺍ ﻗﺼﺮ ﻭ ﺑﻲ ﺣﺪﻳﻘﺔ ﻛﻠﺶ ﺣﻠﻮﺓ ﻭ ﺟﺒﻴﺮﺓ ﻣﻠﻴﺎﻧﺔ ﻭﺭﺩ ﺟﻮﺭﻱ ﻣﻦ ﻛﻞ ﺍﻻﻟﻮﺍﻥ » ﺩﺧﻠﻮ ﻟﻠﺒﻴﺖ ﻭ ﺑﻘﺔ ﺍﺣﻤﺪ ﻳﻤﺸﻲ ﻭ ﻳﺘﻠﻔﺖ ﺣﻮﻟﻲ ﻭﻣﻦ ﺍﻟﺼﺪﻣﺔ ﻭ ﺟﻤﺎﻝ ﺍﻟﺒﻴﺖ » ﺍﺣﻤﺪ : ﻣﻬﻨﺪ ﻫﺬﺓ ﺑﻴﺘﻜﻢ ؟ ﻣﻬﻨﺪ : ﺍﻱ ﻫﺬﺓ ﺑﻴﺘﻨﺔ .. ﺍﺣﻤﺪ : ﺑﺲ ﻟﻴﺶ ﻃﻮﻟﻨﺔ ﻟﻤﺎ ﻭﺻﻠﻨﺔ ﻟﻬﻨﺎ ؟ ﻣﻬﻨﺪ : ﺍﻻﻥ ﺑﻴﺘﻲ ﺑﻐﻴﺮ ﻣﻨﻄﻘﺔ ﻭ ﺑﻌﻴﺪ ﻋﻦ ﺍﻟﻤﺪﺭﺳﺔ ﻭ ﻣﺘﻜﺪﺭ ﺗﺠﻲ ﻭﺗﺮﻭﺡ ﻟﻠﻤﺪﺭﺳﺔ ﻣﺸﻲ ﺍﻟﺔ ﺑﺎﻟﺴﻴﺎﺭﺓ .. ﺍﺣﻤﺪ : ﻟﻌﺪ ﺷﻠﻮﻥ ﺭﺍﺡ ﺍﺭﺟﻊ ﻟﻠﺒﻴﺖ ؟ ﻣﻬﻨﺪ : ﻫﻬﻬﻬﻬﻪ ﻟﺘﺨﺎﻑ ﺳﻠﻴﻢ ﺭﺍﺡ ﻳﺬﺑﻚ ﺑﺎﺏ ﺑﻴﺘﻜﻢ .. ﺍﺣﻤﺪ : ﺍﻛﺪﺭ ﺍﺳﺌﻠﻚ ﺳﺆﺍﻝ ؟ ﻣﻬﻨﺪ : ﻃﺒﻌﺎ ﺍﺳﺌﻞ ﺍﻟﻲ ﺗﺮﻳﺪﺓ ... ﺍﺣﻤﺪ : ﺍﻟﻴﻮﻡ ﻣﻦ ﺭﺟﻌﺖ ﻣﻦ ﺍﻻﺩﺍﺭﺓ ﺟﻨﺖ ﺿﺎﻳﺞ ﻟﻴﺶ ؟ ﻣﻬﻨﺪ : ﻗﺼﺘﻲ ﻃﻮﻳﻠﺔ ﺧﻠﻲ ﻧﺘﻐﺪﺓ ﻭ ﺑﻌﺪﻳﻦ ﺍﺣﺠﻴﻠﻚ ﻛﻠﺸﻲ .. ...... ﺗﻔﻀﻞ ﻫﺎﻱ ﻣﻼﺑﺲ ﺍﺫﺍ ﻣﺎ ﻣﺮﺗﺎﺡ ﺑﻠﺒﺴﻚ .. ﺍﺣﻤﺪ : « ﺗﻔﺎﺟﺊ » ﺍﺍﺍﺍﺍﺍﻩ ﺍﻧﺘﻲ ﻣﻨﻮ ؟ ﻣﻬﻨﺪ : ﻫﻬﻬﻬﻬﻬﻬﻪ ﻫﺎﻱ ﺧﻮﻟﺔ ﻫﻲ ﺍﻟﻲ ﺗﻬﺘﻢ ﺑﺎﻟﺒﻴﺖ .. ﺍﺣﻤﺪ : ﻻ ﺷﻜﺮﺍ ﺍﻧﻲ ﻣﺮﺗﺎﺡ ﺑﺲ ﻭﻳﻦ ﺍﻟﻤﻐﺎﺳﻞ ؟ ﺧﻮﻟﺔ : ﺗﻔﻀﻞ ﻭﻳﺎﻱ ﺍﻧﻲ ﺭﺍﺡ ﺍﺧﺬﻙ ﺍﻟﻬﺔ ..العضوة: 522131 , 6 years ago
ﻣﻬﻨﺪ : ﻣﻴﺤﺘﺎﺝ ﺍﻧﻲ ﺭﺍﺡ ﺍﺩﻟﻲ ﺑﺲ ﺟﻬﺰﻱ ﺍﻟﻐﺪﺓ ﻻﻥ ﻭﺭﺍﻧﺔ ﺳﻮﺍﻟﻒ .. ﺧﻮﻟﺔ : ﺣﺎﺿﺮ ﺧﻤﺲ ﺩﻗﺎﺋﻖ ﻭ ﻳﻜﻮﻥ ﺍﻻﻛﻞ ﺟﺎﻫﺰ ... « ﺍﺧﺬ ﻣﻬﻨﺪ ﺍﺣﻤﺪ ﻟﻠﻤﻐﺎﺳﻞ ، ﻭﺩﺧﻞ ﺍﺣﻤﺪ » ﻣﻬﻨﺪ : ﺍﻧﻲ ﺭﺍﺡ ﺍﻧﺘﻀﺮﻙ ﺑﺎﻟﺼﺎﻟﺔ .. ﺍﺣﻤﺪ : ﺍﻱ ﻣﺎﺷﻲ « ﻏﺴﻞ ﻭ ﺑﺎﻭﻉ ﻋﻠﺔ ﻧﻔﺴﺔ ﺑﺎﻟﻤﺮﻯ » ﻣﻌﻘﻮﻟﺔ ﻣﻬﻨﺪ ﻫﻴﺞ ﺍﻫﻠﺔ ﺯﻧﺎﻛﻴﻦ ﺑﺲ ﻫﻮ ﻟﻴﺶ ﻣﻴﺘﻔﺎﺧﺮ ﻛﺪﺍﻣﻨﺔ ﻋﻞ ﺍﻟﻲ ﻋﻨﺪﺓ ؟ ﻳﺎﺍ ﺷﻜﺪ ﻣﺘﻬﻨﻲ ﺑﺤﻴﺎﺗﺔ ﺍﻟﻠﻪ ﻳﺪﻳﻤﻠﺔ ﻫﺎﻱ ﺍﻟﺤﻴﺎﺓ ﻭ ﺍﻟﺮﺍﺣﺔ ﻭﻳﺒﻌﺪ ﻋﻨﺔ ﺍﻟﺸﺮ ﻭ ﺍﻟﺤﺰﻥ .. « ﻃﻠﻊ ﺍﺣﻤﺪ ﻣﻦ ﺍﻟﺤﻤﺎﻡ ﻭ ﺭﺍﺡ ﻟﻠﺼﺎﻟﺔ ﻟﻜﺔ ﻣﻬﻨﺪ ﻛﺎﻋﺪ ﻋﻠﺔ ﺍﻟﻘﻨﻔﺔ ﻭ ﻣﺒﺪﻝ ﻣﻼﺑﺴﺔ ﻭ ﺟﺎﻥ ﻛﻠﺶ ﻣﻐﺘﻠﻒ ﻋﻦ ﺍﻟﻤﺪﺭﺳﺔ » ﻣﻬﻨﺪ : ﺍﺣﻤﺪ ﺍﺫﺍ ﻣﺎ ﻣﺮﺗﺎﺡ ﻛﻠﻲ .. ﺍﺣﻤﺪ : ﻻ ﺷﻜﺮﺍ ﺍﻧﻲ ﻣﺮﺗﺎﺡ ... ﺧﻮﻟﺔ : ﺍﻟﻜﻞ ﺟﻬﺰﺓ ﺗﻌﺎﻟﻮﺍ ﺗﻐﺪﻭﺍ .. ﻣﻬﻨﺪ : ﻳﻠﺔ ﺍﺣﻤﺪ ﺧﻠﻲ ﻧﺮﻭﺡ ﻧﺘﻐﺪﺓ ﻭﺭﺍﻧﺔ ﻗﺼﺔ ﻃﻮﻳﻠﺔ ﻻﺯﻡ ﺗﺎﻛﻞ ﺯﻳﻦ .... « ﺍﻧﺘﻬﻰ ﺍﻟﻴﻮﻡ ﻭ ﺭﺟﻊ ﺍﺣﻤﺪ ﻟﻠﺒﻴﺖ ﻭ ﺟﺎﻥ ﻳﻔﻜﺮ ﺑﻤﻬﻨﺪ » ﺍﺣﻤﺪ : « ﺑﻐﺮﻓﺘﺔ » ﻭﺍﻟﻠﻪ ﻗﺼﺔ ﻣﻬﻨﺪ ﻏﺮﻳﺒﺔ ﺍﺥ ﻟﻮ ﻳﺪﺭﻭﻥ ﺍﻟﺸﺒﺎﺏ ﺟﺎﻥ ﻟﺰﻛﻮ ﺑﻴﻨﺔ ، ﻫﻬﻬﻬﻬﻬﻬﻪ ﻭﺍﻟﻠﻪ ﺍﻻﻛﻞ ﻛﻠﺶ ﻃﻴﺐ ... « ﻫﻬﻬﻬﻪ ﻭﺍﻟﻠﻪ ﺗﺬﻛﺮﺕ ﺍﻟﻌﻼﻥ ﻣﺎﻝ ﻣﻌﺠﻮﻥ ﺍﻟﻄﻤﺎﻃﺔ ﺍﻟﺘﻮﻧﺴﺎ ﻋﻞ ﺷﺮﻗﻴﺔ 😂 ﻋﺮﻓﺘﻮﺍ : ﺧﻠﻲ ﻧﺮﺟﻊ ﻟﻠﻘﺼﺔ ﻫﺴﺔ » « ﻳﻢ ﻣﺮﻭﺓ » ﻣﺮﻭﺓ : ﻣﺎﻣﻲ ﺟﻮﻋﺎﻧﺔ .. ﺍﻻﻡ : ﺛﻮﺍﻧﻲ ﻭ ﻳﺼﻴﺮ ﺍﻟﻐﺪﺓ ﺟﺎﻫﺰ .. ﺳﺎﻟﻢ : ﻟﺘﺪﻟﻠﻴﻦ ﻭﻛﻮﻣﻲ ﺳﺎﻋﺪﻱ ﺍﻣﻲ ﺑﺎﻟﻤﻄﺒﺦ .. ﻣﺮﻭﺓ : ﻣﻴﺤﺘﺎﺝ ﺗﻜﻠﻲ ﺷﺴﻮﻱ ﺍﻧﻲ ﺍﻋﺮﻑ ﺷﺴﻮﻱ .. " ﻃﺒﻌﺎ ﻣﺮﻭﺓ ﺭﺍﺡ ﺳﺎﻋﺪﺓ ﺍﻣﻬﺔ ﻭﺟﺎﻧﺖ ﺗﻔﻜﺮ ﺑﺴﻠﻮﻯ ﻭ ﺗﺴﺎﺋﻞ ﻟﻴﺶ ﺳﻮﺕ ﺑﻴﺔ ﻫﻴﺞ ﻭﺑﻌﺪﻳﻦ ﺷﺴﺘﻔﺎﺩﺕ ، ﻣﺮ ﺍﻟﻴﻮﻡ ﻣﺜﻞ ﺍﻱ ﻳﻮﻡ " ( ﺛﺎﻧﻲ ﻳﻮﻡ ﺍﻟﺼﺒﺢ ﺑﺎﻟﻤﺪﺭﺳﺔ ) ﻣﺮﻭﺓ : ﺻﺒﺎﺡ ﺍﻟﺨﻴﺮ .... ﺍﻟﻜﻞ : ﺻﺒﺎﺡ ﺍﻟﻨﻮﺭ .. ﻣﺮﻭﺓ : ﺍﺷﻮ ﻛﻠﻜﻢ ﻣﺠﺘﻤﻌﻴﻦ ﺑﺎﻟﺼﻒ ؟ ﻭﻟﻴﺪ : ﺻﺎﺭﻟﻨﺔ ﺳﺎﻋﺔ ﻧﺘﻮﺳﻞ ﺑﺄﺣﻤﺪ ﻳﺤﺠﻴﻠﻨﺔ ﺷﺼﺎﺭ ﻭﻳﺎ ﺑﻴﺖ ﻣﻬﻨﺪ ﺑﺲ ﻣﺪﻳﻘﺒﻞ ﺣﺘﻰ ﻳﺪﻟﻴﻨﺔ ﻭﻳﻦ ﻣﻮﺟﻮﺩ .. ﻣﺮﻭﺓ : ﻟﻴﺶ ﺍﺣﻤﺪ ﺷﻤﺪﺭﻱ ﻭﻳﻦ ﺑﻴﺖ ﻣﻬﻨﺪ ؟ ﺣﻼ : ﺍﻟﺒﺎﺭﺣﺔ ﻣﻬﻨﺪ ﻋﺰﻡ ﺍﺣﻤﺪ ﻋﻞ ﻏﺪﺓ .. ﺭﻧﺎ : ﻗﺼﺪﺝ ﻋﺰﻡ ﻧﻔﺴﺔ .. ﺣﻼ : ﺍﻟﻤﻬﻢ ، ﻣﻴﻘﺒﻞ ﻳﺤﺠﻲ ﺷﺼﺎﺭ ﻭﻳﺎﻫﻢ ، ﻟﻮ ﺑﺲ ﺍﻋﺮﻑ ﺷﻨﻮ ﻫﺬﺓ ﺍﻟﺴﺮ ﺍﻟﻲ ﺻﺎﺭ ﻭﻣﺘﻜﺪﺭ ﺗﻜﻮﻟﺔ ؟ ﺍﺣﻤﺪ : ﻛﺎﻓﻲ ﻟﺘﻀﻠﻮﻥ ﺗﻠﺤﻮﻥ ﻛﻠﺘﻠﻜﻢ ﻛﻠﺸﻲ ﻣﺎ ﺻﺎﺭ ﻃﺒﻴﺖ ﻟﺒﻴﺖ ﻣﻬﻨﺪ ﻛﻌﺪﻧﺔ ﻭﺭﺓ ﺷﻮﻳﺔ ﺗﻐﺪﻳﻨﺔ ﻭ ﺭﺟﻌﺖ ﻟﻠﺒﻴﺖ ﻛﻠﺸﻲ ﻣﺎ ﺻﺎﺭ . « ﻫﻮ ﻭﻳﻬﺰ ﺑﺮﺟﻠﺔ » ﻭﻟﻴﺪ : ﻟﺠﺬﺏ ﻛﻞ ﻣﺎ ﺟﺬﺏ ﺗﻬﺰ ﺑﺮﺟﻠﻚ ﻭﻛﻠﻨﺔ ﻧﻌﺮﻑ ﻣﻦ ﺗﻬﺰ ﻳﻌﻨﻲ ﺩﺗﺠﺬﺏ .. ﺍﺣﻤﺪ : « ﻋﺼﺒﻲ » ﻟﺘﻠﺤﻮﻥ ﻳﻠﺔ ﻣﻬﻨﺪ ﻛﻠﻲ ﺳﺮ ﻭﺍﻧﻲ ﻣﺎ ﺍﺭﻳﺪ ﺍﻛﻮﻝ ﺑﻌﺪ ﺷﺘﺮﺩﻭﻥ ﻭﻫﺴﺔ ﻟﻮ ﺷﻮ ﺷﺴﻮﻥ ﻣﺎ ﺭﺍﺡ ﺍﻛﻮﻝ ..العضوة: 522131 , 6 years ago
ﺩﺧﻞ ﻣﻬﻨﺪ ﻟﻠﺼﻒ ﻭﻣﻦ ﺷﺎﻓﻮﺍ ﻣﻬﻨﺪ ﺩﺧﻞ ﺍﻟﻜﻞ ﺭﺟﻌﻮﺍ ﻟﺮﺣﻼﺗﻬﻢ » ﺣﻼ : ﺻﺒﺎﺡ ﺍﻟﺨﻴﺮ ﻣﻬﻨﺪ ... ﻣﻬﻨﺪ : ......... ﺻﺒﺎﺡ ﺍﻟﻨﻮﺭ . ﺍﺣﻤﺪ : ﻣﻬﻨﺪ ﺍﺭﻳﺪ ﺍﺣﺠﻲ ﻭﻳﺎﻙ .. ﻣﻬﻨﺪ : ﻟﺤﻈﺔ ﺍﺣﻂ ﻏﺮﺍﺿﻲ ﻭﺍﺟﻲ .. ﺍﺣﻤﺪ : ﻣﻨﺘﻀﺮﻙ .. « ﻃﻠﻊ ﺍﺣﻤﺪ ﻣﻦ ﺍﻟﺼﻒ ﻭﺭﺍﺡ ﻭﻛﻒ ﻭﺭﺓ ﺍﻟﺒﺎﺏ ، ﺩﺧﻞ ﻣﻬﻨﺪ ﻭﺣﻂ ﻏﺮﺍﺿﺔ ﺍﻭ ﺑﺎﻻﺣﺮﻯ ﺍﻟﺠﻨﻄﺔ ﻣﺎﻟﺘﺔ ﺑﺎﻟﺮﺣﻠﺔ ﻭﻃﻠﻊ ﻋﻠﺔ ﺍﺣﻤﺪ ﻣﺸﻮﺍ ﺳﻮﺓ ﻭﻫﻤﺔ ﻳﺤﺠﻮﻥ » ﺣﻼ : ﻭﺍﻟﻠﻪ ﻏﻴﺮ ﺻﺎﻳﺮ ﺷﻲ ﺑﻴﻦ ﻫﺬﻭﻟﺔ ﺍﻟﺜﻨﻴﻦ .. ﻣﺮﻭﺓ : ﻳﻠﺔ ﻋﺎﺩ ﻟﺘﻜﺒﺮﻳﻦ ﺍﻟﻤﻮﺿﻮﻉ .. ﺭﻧﺎ : ﻣﺮﻭﺓ ﻭﻻ ﻛﻠﻤﺔ ﺍﺫﺍ ﺍﻧﺘﻲ ﻣﻮ ﻓﻀﻮﻟﻴﺔ ﻓﻬﺬﺓ ﻳﺮﺟﻌﻠﺞ ﻣﺎ ﺍﻧﻲ ﺭﺍﺡ ﺍﻣﻮﺕ ﺍﺫﺍ ﻣﺎ ﺍﻋﺮﻑ ﺷﻜﻮ ... ﺿﺤﻰ : ﺑﻨﺎﺕ ﺳﻤﻌﺖ ﺳﻠﻮﻯ ﻭﺍﺡ ﺩﺍﻭﻡ ﺍﻟﻴﻮﻡ ... ﺣﻼ : ﺷﻨﻮ ﻣﻮ ﻟﻌﺴﺎﺱ ﺍﺳﺒﻮﻉ ﺍﻻﺥ ﺩﺍﻭﻡ .. ﺭﻧﺎ : ﺑﻌﺪ ﻋﻤﻬﺔ ﺍﻟﻤﺪﻳﺮ .. « ﺩﺧﻠﺖ ﺳﻠﻮﻯ ﻭﻓﺎﺗﺖ ﻣﻦ ﺻﻒ ﻣﺮﻭﺓ ﻭ ﺿﺮﺑﺖ ﻛﺘﻔﻬﺔ ﺑﻜﺘﻒ ﻣﺮﻭﺓ » ﺣﻼ : ﻋﻤﺔ ﻣﺘﺸﻮﻓﻴﻦ .. ﺳﻠﻮﻯ : ﺷﻨﻮ ﺷﻜﻠﺘﻲ ؟ ﺣﻼ : ﻳﺎ ﺧﻄﻴﺔ ﺍﻟﻔﺼﻞ ﻣﻮ ﺑﺲ ﺧﻼﻫﺔ ﻋﻤﻴﺔ ﺧﻼﻫﺔ ﻃﺮﺷﺔ ﻫﻢ ﻫﻬﻬﻬﻬﻬﻬﻬﻪ .. ﺭﻧﺎ ﻭﺿﺤﻰ : ﻫﻬﻬﻬﻬﻬﻬﻬﻬﻬﻬﻬﻬﻬﻪ ﻣﺮﻭﺓ : ﻛﺎﻓﻲ ﺑﻨﺎﺕ ﻣﻨﺮﻳﺪ ﻣﺸﺎﻛﻞ .. ﺳﻠﻮﻯ : ﻭﺍﺧﻴﺮﺍ ﺍﻛﻮ ﻭﺣﺪﺓ ﻣﻨﺠﻦ ﻓﻜﺮﺕ ﻭﺍﻧﺼﺤﺠﻦ ﺗﺴﻤﻌﻦ ﻛﻼﻣﻬﺔ ... ﺳﻠﻤﻰ : ﻫﻬﻬﻬﻪ ﻟﻴﺶ ﺗﺤﺠﻴﻦ ﻭﻳﺔ ﻋﺎﻟﻢ ﻣﺘﻔﺘﻬﻢ ... ﺳﻠﻮﻯ : « ﺑﻀﺤﻜﺔ ﺧﺒﻴﺜﺔ » ﻃﺒﻌﺎ ﺍﻟﻴﺘﺎﻣﺔ ﻣﻴﺤﺴﻮﻥ ﺍﻻﻥ ﻣﺎ ﻣﺘﺮﺑﺎﻳﻴﻦ .. ﻣﺮﻭﺓ : « ﺑﻌﺼﺒﻴﺔ » ﺳﻠﻮﻯ ﺍﺳﻜﺘﻲ ﺍﺣﺴﻠﺞ ﻟﺘﺠﺎﻭﺯﻳﻦ ﺣﺪﻭﺩﺝ .. ﺳﻠﻮﻯ : ﻳﺎﺍ ﺻﺪﻙ ﺻﺮﺗﻲ ﻋﺼﺒﻴﺔ ! ﺿﺤﻜﺘﻴﻨﻲ ﻟﻴﺶ ﺍﻧﺘﻲ ﻣﻦ ﺷﻮﻛﺖ ﻋﻨﺪﺝ ﮔﻠﺐ ﻳﺤﺲ ؟ ﻣﺮﻭﺓ : « ﺑﻌﺼﺒﻴﺔ ﻭﺣﺰﻥ » ﺳﻠﻮﻯ ﻛﺎﻓﻲ ﻟﻴﺶ ﻫﻴﺞ ﺗﺘﺼﺮﻓﻴﻦ ﻭﻳﺎﻱ ﺗﺮﺓ ﺍﻧﻲ ﻣﺎ ﻣﺴﻮﻳﺘﻠﺞ ﺷﻲ ﻋﻠﻤﻮﺩ ﺗﺘﺼﺮﻓﻴﻦ ﻭﻳﺎﻱ ﺑﻘﺒﺢ .. ﺳﻠﻮﻯ : ﺍﻧﻲ ﺍﻛﺮﻫﺞ ﻭ ﻓﻮﻙ ﻣﺎ ﺍﻛﺮﻫﺞ ﺍﻧﺘﻲ ﻳﺘﻴﻤﺔ ﻭ ﻣﻮ ﻳﺘﻴﻤﺔ ﻻﻥ ﺍﺑﻮﺝ ﺳﺘﺸﻬﺪ ﻟﻮ ﻣﺎﺕ ﺍﻻﻥ ﺟﺎﻥ ﻣﺮﻳﺾ ﻻﻥ ﺍﻧﺘﺤﺮ ﻭ ﺍﻣﺜﺎﻟﺞ .. « ﻗﺎﻃﻌﺘﻬﺔ ﺣﻼ » ﺣﻼ : ﺍﺣﺴﻠﺞ ﺗﺴﻜﺘﻴﻦ ﺍﻭ ﻧﺴﻴﺘﻲ ﺍﻟﻜﻒ ﺍﻟﻲ ﺍﻧﻄﻴﺘﺠﻴﺎ ﺫﺍﻙ ﺍﻟﻴﻮﻡالعضوة: 522131 , 6 years ago
ﺩﺧﻞ ﻣﻬﻨﺪ ﻭﺍﺣﻤﺪ » ﺍﺣﻤﺪ : ﻫﺎﺍ ﺑﻨﺎﺕ ﺍﻛﻮ ﺷﻲ .. ﻣﺮﻭﺓ : « ﺑﻌﺒﺮﺓ ﻭ ﺧﻨﻜﺔ » ﻻ ﻣﺎﻛﻮ ﺷﻲ ﺑﺲ ﺷﻮﻳﺔ ﺣﺠﻴﻨﺔ ﺳﻮﺓ ﻭﺍﻋﺘﻘﺪ ﺍﻧﻲ ﻭ ﺳﻠﻮﻯ ﺗﺼﺎﻓﻴﻨﺔ .. ﺳﻠﻮﻯ : ﻻ ﻣﺎ ﺗﺼﺎﻓﻴﻨﺔ ﻭ ﻣﺎ ﺭﺍﺡ ﻧﺘﺼﺎﻓﺔ ﺍﺑﺪ ... « ﺩﺧﻠﻮﺍ ﺍﻟﻄﻼﺏ ﺑﻌﺪ ﻣﺎ ﺟﺎﻥ ﺍﻟﺼﻒ ﻓﺎﺭﻍ ﻣﺎﻟﺒﻲ ﻏﻴﺮ ﺍﻟﺒﻨﺎﺕ ﻳﻌﻨﻲ ﻣﺮﻭﺓ ﻭﺣﻼ ﻭ ﺭﻧﺎ ﻭ ﺳﻠﻮﻯ ﻭ ﺿﺤﻰ ﻭ ﺳﻠﻤﻰ ، ﺩﺧﻠﺖ ﺳﺖ ﺍﻧﻐﺎﻡ » ﺳﺖ ﺍﻧﻐﺎﻡ : ﺍﻟﺴﻼﻡ ﻋﻠﻴﻜﻢ .. ﺍﻟﻜﻞ : ﻭﻋﻠﻴﻜﻢ ﺍﻟﺴﻼﻡ .. ﺳﺖ ﺍﻧﻐﺎﻡ : ﻳﻠﺔ ﺧﻠﻲ ﻧﺸﺮﺡ ﺍﻟﺪﺭﺱ ﻋﻠﻤﻮﺩ ﺍﻭﺯﻉ ﻻﻭﺭﺍﻕ .. « ﺍﻧﺸﺮﺡ ﺍﻟﺪﺭﺱ ﻭ ﺧﻠﺼﻮﺍ ﻭﺯﻋﺖ ﺳﺖ ﺍﻧﻐﺎﻡ ﺍﻻﻭﺭﺍﻕ » « ﺑﺎﻟﻔﺮﺻﺔ » ﺳﻠﻮﻯ : ﻛﻠﺔ ﻣﻦ ﻭﺭﺍﻫﻢ ﺍﺧﺬﺕ ﺗﺴﻌﻴﻦ ﻟﻮ ﺍﺩﺭﻱ ﺟﺎﻥ ﺍﺧﺬﺕ ﻣﻴﺔ .. ﺳﻠﻤﻰ : ﻳﻠﺔ ﻋﻞ ﺍﻗﻞ ﺍﺧﺬﺗﻲ ﺑﺎﻟﺘﺴﻌﻴﻦ ﻣﻮ ﻧﻔﺴﻲ ﻣﺎﺧﺬﺓ ﺧﻤﺴﻴﻦ .. ************* ﺣﻼ : ﻣﺮﻭﺓ ﺷﻜﺪ ﺩﺭﺟﺘﺞ ؟ ﻣﺮﻭﺓ : ﺛﻤﺎﻧﻴﺔ ﻭﺗﺴﻌﻴﻦ ﻭﺍﻧﺘﻲ ؟ ﺣﻼ : « ﺑﻔﺮﺣﺔ » ﻭﺍﺧﻴﺮﺍ ﺍﺧﺬﺕ ﺩﺭﺟﺔ ﻋﺎﻟﻴﺔ ﺧﻤﺴﺔ ﻭ ﺛﻤﺎﻧﻴﻦ .. ﺭﻧﺎ : ﻫﻬﻪ ﺍﻧﻲ ﺳﺘﺔ ﻭﺛﻤﺎﻧﻴﻦ ﺍﻋﻠﺔ ﻣﻨﺞ .. ﺣﻼ : ﻫﻴﺔ ﺩﺭﺟﺔ ﻭﺣﺪﺓ .. ﺭﻧﺎ : ﻣﻨﻮ ﺍﻋﻠﺔ ﺍﻧﻲ ﻓﺄﺳﻜﺘﻲ ﺍﺣﺴﻠﺞ ﻟﻮ ﻋﺴﺔ ﻧﺺ ﺩﺭﺟﺔ ﺍﻧﻲ ﺍﻋﻠﺔ ﻣﻨﺞ .. ***************** ﺍﺣﻤﺪ : ﻣﻬﻨﺪ ﺷﻜﺪ ﺩﺭﺟﻨﻚ ؟ ﻣﻬﻨﺪ : ﻣﻴﺔ ﻭﺍﻧﺖ ؟ ﺍﺣﻤﺪ : « ﺑﺼﺪﻣﺔ » ﻣﻴﺔ ؟ ﺍﻧﻲ ﺳﺒﻌﻴﻦ .. ﻣﻬﻨﺪ : ﻫﻬﻬﻬﻬﻬﻪ ﻣﻮ ﻟﻌﺴﺎﺱ ﺟﻨﺖ ﺣﺎﻓﺾ ﺍﻧﻲ ﺟﻨﺖ ﻣﺘﻮﻗﻊ ﺗﺎﺧﺬ ﻣﻴﺔ ... ﺍﺣﻤﺪ : ﻟﺘﻀﺤﻚ ﺍﻧﺖ ﺷﻠﻮﻥ ﺍﺧﺬﺕ ﻣﻴﺔ ﻭﺍﻧﺖ ﺍﺻﻼ ﺟﻨﺖ ﻣﺘﺪﺭﻱ ﺑﺎﻻﻣﺘﺤﺎﻥ ؟ ﻣﻬﻨﺪ : ﺍﺣﻤﺪ ﻣﻴﺤﺘﺎﺝ ﺍﻟﺴﺆﺍﻝ ﺍﻧﻲ ﺟﻨﺖ ﺣﺎﻓﻆ ﻫﺎﻱ ﺍﻟﻤﺎﺩﺓ ... ﺍﺣﻤﺪ : ﺍﻱ ﺻﺤﻴﺢ ﺗﺬﻛﺮﺕ .. ﻳﺘﺒﻊ ...العضوة: 522131 , 6 years ago
ﻋﻨﺪ ﻭﻟﻴﺪ ﻭﺳﺎﻟﻢ » ﻭﻟﻴﺪ : ﺍﻛﻠﻚ ﺳﺎﻟﻢ ﺍﻛﻮ ﺷﻲ ﺑﻴﻦ ﺍﺣﻤﺪ ﻭ ﻣﻬﻨﺪ ﺷﻲ .. ﺳﺎﻟﻢ : ﺍﻧﻲ ﻫﻢ ﺣﺎﺱ ﺍﻛﻮ ﺷﻲ ﺑﻴﻨﺎﺗﻬﻢ .. « ﻭﻓﺠﺌﺔ ﺩﺧﻞ ﺍﺳﺘﺎﺫ ﺧﻠﻴﻞ » ﺃﺳﺘﺎﺫ ﺧﻠﻴﻞ : « ﺑﺨﻮﻑ » ﻭﻳﻦ ﻣﺮﻭﺓ ؟ ﻣﺮﻭﺓ : « ﻣﺒﺘﺴﻤﺔ » ﻧﻌﻢ ﺍﺳﺘﺎﺫ .. ﺃﺳﺘﺎﺫ ﺧﻠﻴﻞ : « ﺑﺨﻮﻑ ﻭ ﺟﺪﻳﺔ » ﻣﺮﻭﺓ ﺗﻌﺎﻟﻲ ﻭﻳﺎﻱ ﻟﻼﺩﺍﺭﺓ .. ﻣﺮﻭﺓ : « ﺣﺴﺖ ﺑﺸﻲ ﻭ ﺍﺧﺘﻔﺖ ﺍﻟﺒﺴﻤﺔ ﻣﻦ ﻋﻠﺔ ﻭﺟﻬﺔ » ﺃﺳﺘﺎﺫ ﺍﻛﻮ ﺷﻲ، ﺻﺎﻳﺮ ﺷﻲ .. ﺃﺳﺘﺎﺫ ﺧﻠﻴﻞ : ........ ***************** ﻣﻬﻨﺪ : ﺍﺣﻤﺪ ﺍﻧﺖ ﻣﺎﻛﻠﺖ ﻟﺤﺪ ﻣﻮ ؟ ﺍﺣﻤﺪ : ﻣﻬﻨﺪ ﻟﺘﺨﺎﻑ ﺍﻧﻲ ﺳﺒﻖ ﻭ ﻛﺘﻠﻚ ﺳﺮﻙ ﺑﻴﺮ ﺑﻌﺪﻳﻦ ﺷﻠﻮﻥ ﺗﺮﻳﺪﻧﻲ ﺍﺧﻮﻥ ﺛﻘﺘﻚ ... ﻣﻬﻨﺪ : ﻫﻬﻬﻬﻪ ﺍﻭﻳﻠﻲ ﻳﻠﻤﻮﺛﻮﻕ ..😂 ﺍﺣﻤﺪ : 😒 ﻟﻴﺶ ﺗﻀﺤﻚ ﺷﻨﻮ ﻣﺎ ﻋﺎﺟﺒﻚ ؟ ﻣﻬﻨﺪ : ﻻ ﻋﺎﺟﺒﻨﻲ ﺑﺲ ﻣﻀﺤﻜﻨﻲ ﻫﻢ ..😂 ﺍﺣﻤﺪ : 😌 ﺍﺩﺭﻱ ﺑﻨﻔﺴﻲ ﺣﺒﺎﺏ .. ﻣﻬﻨﺪ : ﺍﻱ ﺣﺒﺎﺏ ﻭﺍﻟﻠﻪ ﺿﺤﻜﺘﻨﻲ ..😂 « ﺍﺣﻤﺪ ﻭﻣﻬﻨﺪ ﺟﺎﻧﻮ ﻛﺎﻋﺪﻳﻦ ﻗﺮﻳﺐ ﻣﻦ ﺍﻻﺩﺍﺭﺓ ، ﻭﻓﺠﺄﺓ ﺷﺎﻑ ﻣﻬﻨﺪ ﻣﺮﻭﺓ ﺗﺮﻛﺾ ﻟﻼﺩﺍﺭﺓ » ﻣﻬﻨﺪ : « ﻭﻛﻒ ﻋﻠﺔ ﺣﻴﻠﺔ » ﻣﺮﻭﺓ ؟ ﺍﺣﻤﺪ : ﻣﺮﻭﺓ ؟ ﺷﺒﻴﻬﺔ ؟ ﻣﻬﻨﺪ : ﺭﺍﺡ ﺗﺮﻛﺾ ﻟﻼﺩﺍﺭﺓ ! ﺍﺣﻤﺪ : « ﺑﺼﺪﻣﺔ » ﻣﺘﺄﻛﺪ ؟ ﻣﻬﻨﺪ : ﺍﻱ ﻣﺘﺄﻛﺪ ﻫﻲ ﻧﻔﺴﻬﺔ ﻣﺮﻭﺓ ﺭﺍﺡ ﺗﺮﻛﺾ ﻟﻼﺩﺍﺭﺓ ﻣﺎﻝ ﻣﺪﻳﺮ .. ﺍﺣﻤﺪ : « ﺑﻌﺼﺒﻴﺔ » ﺑﺲ ﻻ ﺳﻠﻮﻯ ﺳﻮﺕ ﺷﻲ ﻟﻤﺮﻭﺓ ؟ ﻣﻬﻨﺪ : ﺧﻠﻲ ﻧﺮﻭﺡ ﻟﻠﺼﻒ ﻭﻧﻔﺘﻬﻢ ﺷﻜﻮ .. « ﻭﻓﺠﺎﺓ ﻃﻠﻌﺖ ﺣﻼ ﻭ ﺭﻧﺎ ﻳﺮﻛﻀﻮﻥ ﻟﻼﺩﺍﺭﺓ ﻭ ﺍﺳﺘﺎﺫ ﺧﻠﻴﻞ ﻳﺮﻛﺾ ﻭﺭﺍﻫﻦ » ﺍﺣﻤﺪ : « ﺑﺨﻮﻑ » ﺍﻛﻴﺪ ﺻﺎﻳﺮ ﺷﻲ « ﻭﻃﻠﻊ ﺍﺣﻤﺪ ﻳﺮﻛﺾ ﻭ ﻣﻬﻨﺪ ﻳﺮﻛﺾ ﻭﺭﺍ » ************************************* « ﺧﻠﻲ ﻧﺮﺟﻊ ﺑﺰﻣﻦ ﺷﻮﻳﺔ ﻟﻴﻮﺭﺓ ﺑﺼﻒ ﻟﻤﻦ ﺩﺧﻞ ﺍﺳﺘﺎﺫ ﺧﻠﻴﻞ ﻳﺴﺌﻞ ﻋﻠﺔ ﻣﺮﻭﺓ » ﺍﺳﺘﺎﺫ ﺧﻠﻴﻞ : « ﺑﺨﻮﻑ » ﻭﻳﻦ ﻣﺮﻭﺓ ؟ ﻣﺮﻭﺓ : « ﻣﺒﺘﺴﻤﺔ » ﻧﻌﻢ ﺍﺳﺘﺎﺫ .. ﺍﺳﺘﺎﺫ ﺧﻠﻴﻞ : « ﺑﺨﻮﻑ ﻭﺟﺪﻳﺔ » ﻣﺮﻭﺓ ﺗﻌﺎﻟﻲ ﻭﻳﺎﻱ ﻟﻼﺩﺍﺭﺓ .. ﻣﺮﻭﺓ : « ﺣﺴﺖ ﺑﺸﻲ ﻭ ﺍﺧﺘﻔﺖ ﺍﻟﺒﺴﻤﺔ ﻣﻦ ﻋﻠﺔ ﻭﺟﻬﺔ » ﺍﺳﺘﺎﺫ ﺍﻛﻮ ﺷﻲ ، ﺻﺎﻳﺮ ﺷﻲ .. ﺍﺳﺘﺎﺫ ﺧﻠﻴﻞ : ﻣﺮﻭﺓ ﺻﺎﺭ ﺣﺎﺩﺙ ﻟﻌﺎﺋﻠﺘﺞ .. ﻣﺮﻭﺓ : « ﺑﺼﺪﻣﺔ » ﺷﻨﻮ ﺍﺳﺘﺎﺫ ! ﺣﻼ : ﻣﺮﻭﺓ ﺍﻧﺘﻲ ﺑﻮﻋﻴﺞ ؟ ﺭﻧﺎ : ﺍﺳﺘﺎﺫ ﺗﺸﺎﻗﺔ ﻣﻮ ؟ ﺍﺳﺘﺎﺫ ﺧﻠﻴﻞ : ﻳﻠﺔ ﻣﺮﻭﺓ ﺭﺍﺡ ﺍﺧﺬﺝ ﻟﻠﻤﺴﺘﺸﻔﻰ .. ﻣﺮﻭﺓ : « ﺑﺨﻮﻑ ﻭ ﺻﺪﻣﺔ ﻭ ﺣﺰﻥ ﻭ ﺩﻣﻮﻉ » ﺍﺳﺘﺎﺫ ﻟﺘﻜﺬﺏ ﻋﻠﻴﺔ ﺍﺭﺟﻮﻙ ﻛﻠﻲ ﻫﺬﺓ ﻛﻠﺔ ﻛﺬﺏ .... ﺣﻼ : « ﻫﻲ ﻭﺗﺒﻜﻲ » ﻣﺮﻭﺓ ﺧﻠﻴﻨﺔ ﻧﺮﻭﺡ ﺍﻟﻤﺴﺘﺸﻔﻰ .. ﺭﻧﺎ : « ﻫﻲ ﻫﻢ ﺗﺒﻜﻲ » ﻣﺮﻭﺓ ﻟﺘﺨﺎﻓﻴﻦ ﺍﺣﻨﺔ ﻭﻳﺎﺝ ﺧﻠﻴﻨﺔ ﻧﺮﻭﺡ ..العضوة: 522131 , 6 years ago
ﻣﺮﻭﺓ : « ﻭﮔﻌﺖ ﻋﻞ ﻛﺎﻉ ﻭ ﺗﺒﻜﻲ » ﻛﻠﻜﻢ ﺍﺗﻜﺬﺑﻮﻥ ﺍﻫﻠﻲ ﻛﻠﺸﻲ ﻣﺎﺑﻴﻬﻢ ﻣﺎﻋﻨﺪﻱ ﻏﻴﺮﻫﻢ ﻭﺍﻟﻠﻪ ﺍﺫﺍ ﺻﺎﺭ ﻋﻠﻴﻬﻢ ﺷﻲ ﺍﻣﻮﺕ ﻭﺭﺍﻫﻢ .. ﺍﺳﺘﺎﺫ ﺧﻠﻴﻞ : ﻣﺮﻭﺓ ﺧﻠﻲ ﻧﺮﻭﺡ ﻟﻠﻤﺴﺘﺸﻔﻰ ، ﻛﻮﻣﻲ .. ﻣﺮﻭﺓ : « ﺑﺎﻭﻋﺖ ﻋﻠﺔ ﺍﺳﺘﺎﺫ ﺧﻠﻴﻞ ﻭ ﺑﻌﺪﻳﻦ ﻋﻠﺔ ﺣﻼ ﻭ ﺭﻧﺎ ﻭ ﻫﻨﺔ ﻳﺒﻜﻦ » ﻻﺯﻡ ﺍﺭﺡ ﻷﻣﻲ ﺍﺭﻳﺪ ﺍﻣﻲ ﻭﻳﻦ ﺍﺧﻮﻳﺔ ﺳﺎﻟﻢ « ﻭﻛﻔﺖ ﻋﻠﺔ ﺣﻴﻠﻬﺔ ﻭﻃﻠﻌﺖ ﻣﻦ ﺍﻟﺼﻒ ﺗﺮﻛﺾ ، ﻭﺑﻨﻔﺲ ﺍﻟﻮﻗﺖ ﺷﺎﻓﻬﺔ ﻣﻬﻨﺪ ﻭ ﺍﺣﻤﺪ ﻭ ﺑﻌﺪﻳﻦ ﺣﻼ ﻭﺭﻧﺎ ﻭ ﺍﺳﺘﺎﺫ ﺧﻠﻴﻞ ، ﻭﺑﻌﺪﻳﻦ ﻟﺤﻜﻮﻫﻢ ﻣﻬﻨﺪ ﻭﺍﺣﻤﺪ ﻟﻼﺩﺍﺭﺓ » ﺍﺣﻤﺪ : « ﺍﺗﺠﻪ ﻟﺤﻼ » ﺣﻼ ﺍﻛﻮ ﺷﻲ ﺑﻌﺪﻳﻦ ﺍﻧﺘﻲ ﻟﻴﺶ ﺩﺗﺒﺠﻴﻦ ؟ ﻣﻬﻨﺪ : ﺣﻼ ﺍﺣﺠﻲ ﻣﺮﻭﺓ ﺷﺒﻴﻬﺔ ؟ ﺣﻼ : « ﻭﻫﻲ ﺗﺒﺠﻲ » ﺍﻫﻞ ﻣﺮﻭﺓ ﺻﺎﺭ ﻭﻳﺎﻫﻢ ﺣﺎﺩﺙ .. ﻣﻬﻨﺪ : « ﺑﺼﺪﻣﺔ » ﺷﻨﻮ ﺣﺎﺩﺙ ! ﺣﻼ : ﺍﻱ ﻭﻫﺴﺔ ﻣﺮﻭﺓ ﺟﻮﺓ ﻳﻢ ﺍﻟﻤﺪﻳﺮ ﺭﺍﺡ ﻳﺎﺧﺬﻫﺔ ﺍﺳﺘﺎﺫ ﺧﻠﻴﻞ ﻟﻠﻤﺴﺘﺸﻔﻰ .. ﺍﺣﻤﺪ : ﺑﺲ ﺷﻠﻮﻥ ﺻﺎﺭ ﻭ ﺷﻮﻛﺖ ﺻﺎﺭ ﺍﻟﺤﺎﺩﺙ ؟ ﺭﻧﺎ : ﻛﻠﺸﻲ ﻣﻨﻌﺮﻑ ﺑﺲ ﺍﻫﻠﻬﺔ ﻣﺴﻮﻳﻦ ﺣﺎﺩﺙ .. « ﻃﻠﻌﺖ ﻣﺮﻭﺓ ﻣﻦ ﺍﻻﺩﺍﺭﺓ ﻭﺟﺎﻧﺖ ﻣﻨﻬﺎﺭﺓ ﻭﺟﺎﻧﺖ ﻣﺴﻨﻮﺩﺓ ﻋﻠﺔ ﺍﺳﺘﺎﺫ ﺧﻠﻴﻞ ﻻﻥ ﺟﺎﻧﺖ ﻧﻔﺴﻴﺘﻬﺔ ﺗﻌﺒﺎﻧﺔ » ************************************* « ﻭﺑﻌﺪ ﺷﻬﺮ ﻣﻦ ﺍﻟﺤﺎﺩﺙ ﺗﻘﺮﻳﺒﺎ » « ﺟﺎﻧﺖ ﻣﺮﻭﺓ ﻧﺎﻳﻤﺔ ﻋﻠﺔ ﺳﺮﻳﺮ ﺻﻐﻴﺮ ﻭ ﺑﻐﺮﻓﺔ ﺻﻐﻴﺮﺓ » .......... ﻣﺮﻭﺓ ﻟﺞ ﻣﺮﻭﺓ ﻛﻮﻣﻲ ﻋﺎﺩ ﺻﺎﺭﺕ ﺍﻟﺴﺎﻋﺔ ﺑﺎﻟﺘﺴﻌﺔ « ﻭﺑﻌﺼﺒﻴﺔ » ﻟﺞ ﻣﺮﻭﺓ ﻣﻮ ﺩﻛﻮﻝ ﻛﻮﻣﻲ « ﻣﺎﺣﺴﺖ ﻣﺮﻭﺓ ﻏﻴﺮ ﺑﻤﻲ ﺑﺎﺭﺩ ﺍﻧﻜﺐ ﻋﻠﻴﻬﺔ » ﻣﺮﻭﺓ : « ﺑﺸﻬﻘﺔ » ﻫﺌﺌﺌﺌﺊ ......... ﻭﺍﻟﻠﻪ . ﺍﻣﺒﻴﻦ ﻣﺤﻼﻟﺘﺞ ﺍﻟﻨﻮﻣﺔ ﻳﻠﺔ ﻛﻮﻣﻲ ﺑﻌﺪﻳﻦ ﻣﻦ ﺑﺎﺟﺮ ﺗﺮﺟﻌﻴﻦ ﺍﺩﺍﻭﻣﻴﻦ ﺑﺎﻟﻤﺪﺭﺳﺔ ﺍﻧﻲ ﻣﺎ ﻋﺎﻳﺰﺓ ﺩﻭﺧﺖ ﺭﺍﺱ ﺑﺎﻟﺒﻴﺖ ﻣﺎﺷﻲ ، ﻳﻠﺔ ﻛﻮﻣﻲ ﻧﻀﻔﻲ ﺍﻟﺒﻴﺖ ﻭ ﺑﻌﺪﻳﻦ ﺳﻮﻱ ﻏﺪﺓ ﺍﻧﻲ ﺭﺍﻳﺤﺔ ﻟﺒﻴﺖ ﺍﻡ ﺃﻳﻮﺏ .. ﻣﺮﻭﺓ : ﺣﺎﺿﺮ « ﻛﺎﻣﺖ ﻣﺮﻭﺓ ﻭ ﺑﺪﻟﺖ ﻣﻼﺑﺴﻬﺔ ﻭ ﺻﻠﺖ ﻭﻃﻠﻌﺖ ﻭﻧﻀﻔﺖ ﻣﺮﻭﺓ ﺍﻟﺒﻴﺖ ﻭ ﺑﻌﺪﻳﻦ ﺳﻮﺓ ﻏﺪﺓ » ﻭﺍﺧﻴﺮﺍ ﺭﺍﺡ ﺍﺷﻮﻑ ﺍﺻﺪﻗﺎﺋﻲ ﺻﺎﺭ ﺷﻬﺮ ﻣﺎ ﺷﻔﺘﻬﻢ .. « ﺍﻛﻴﺪ ﺩﺗﻔﻜﺮﻭﻥ ﻣﻦ ﻫﺎﻱ ﺍﻟﻲ ﺣﺠﺖ ﻭﻳﺔ ﻣﺮﻭﺓ ﺑﻬﺎﻱ ﺍﻟﻄﺮﻳﻘﺔ ﻭ ﻟﻴﺶ ﺻﺎﺭ ﺷﻬﺮ ﻣﺮﻭﺓ ﻣﺎ ﺭﺍﻳﺤﺔ ﻟﻠﻤﺪﺭﺳﺔ ﻭﺷﻨﻮ ﺻﺎﺭ ﻭﻳﺔ ﺍﻡ ﻭ ﺍﺥ ﻣﺮﻭﺓ ﺑﻌﺪ ﺍﻟﺤﺎﺩﺙ » ********** ﻗﺒﻞ ﺷﻬﺮ ﺑﺎﻟﻤﺴﺘﺸﻔﻰ ********** « ﻭﺻﻠﺖ ﻣﺮﻭﺓ ﻟﻠﻤﺴﺘﺸﻔﻰ ﻭﻳﺔ ﺍﺳﺘﺎﺫ ﺧﻠﻴﻞ » ﺍﻟﺪﻛﺘﻮﺭ : ﻣﻦ ﻭﻟﻲ ﺍﻣﺮ ﺍﻟﻌﺎﺋﻠﺔ ...... ﻣﺮﻭﺓ : ﺍﻧﻲ ﺩﻛﺘﻮﺭ ﺍﻫﻠﻲ ﺷﻠﻮﻧﻬﻢ ﺷﻠﻮﻥ ﺻﺎﺭﻭﺍ ﻫﺴﺔ ؟ ﺍﻟﺪﻛﺘﻮﺭ : ﺍﻟﺒﻘﻴﺔ ﺑﺤﻴﺎﺗﺞ ﺍﻟﻤﺮﺓ ﻭﺍﻟﻮﻟﺪ ﺍﻟﻲ ﻭﻳﺎﻫﺔ ﺍﻋﻄﻮﻛﻢ ﻋﻤﺮﻫﻢ .. « ﻃﺒﻌﺎ ﻣﺮﻭﺓ ﺍﻏﻤﺔ ﻋﻠﻴﻬﺔ ﻣﻦ ﺍﻟﺼﺪﻣﺔ ﻭ ﺑﻌﺪ ﻧﺺ ﺳﺎﻋﺔ ﺍﺟﺔ ﻋﻢ ﻣﺮﻭﺓ ﻭ ﺻﺎﺭ ﺍﻟﻲ ﺻﺎﺭ ، ﻭﻫﺴﺔ ﻋﺮﻓﺘﻮﺍ ﻣﻨﻮ ﻫﺬﺓ ﺍﻟﺸﺨﺺ ﺍﻟﻲ ﺣﺠﺔ ﻭﻳﺔ ﻣﺮﻭﺓ ﺑﺬﻳﺞ ﺍﻟﻄﺮﻳﻘﺔ « ﺗﺼﻴﺮ ﺯﻭﺟﺔ ﻋﻢ ﻣﺮﻭﺓالعضوة: 522131 , 6 years ago
ﺍﻟﺤﻘﻮﺩﺓ ﻭ ﺍﻟﻤﻐﺮﻭﺭﺓ » » ﺳﻤﻴﺮﺓ : « ﺑﻨﺖ ﻋﻦ ﻣﺮﻭﺓ ، ﻃﺎﻟﺒﺔ ﺟﺎﻣﻌﻴﺔ » ﻣﺮﻭﺓ ﺳﻮﻳﺘﻲ ﻏﺪﺓ ؟ ﻣﺮﻭﺓ : ﻟﻴﺶ ﺍﻧﺘﻲ ﺍﻟﻴﻮﻡ ﻣﺎ ﺩﺍﻭﻣﺘﻲ ؟ ﺳﻤﻴﺮﺓ : « ﺑﻐﻴﺾ » ﻟﻲ ﺗﺴﺌﻠﻴﻦ ﺍﻧﺘﻲ ﺳﻮﻱ ﺍﻟﻲ ﻋﻠﻴﺞ ﻭ ﺍﺳﻜﺘﻲ ﻓﺘﻬﻤﺘﻲ ﺑﻌﺪﻳﻦ ﺳﻤﻌﺖ ﺑﺎﺟﺮ ﺩﺍﻭﻣﻴﻦ .. ﻣﺮﻭﺓ : ﺍﻱ ﻋﻤﺘﻲ ﺭﻭﻧﻖ ﻛﺎﻟﺖ ﺑﺎﺟﺮ ﺍﺩﺍﻭﻡ .. ﺳﺎﺭﺓ : « ﺍﺧﺖ ﺳﻤﻴﺮﺓ » ﻫﻠﻮ ﻣﺮﻭﺓ ﺷﻠﻮﻧﺞ ﺍﻟﻴﻮﻡ ﺍﻧﺸﺎﺀ ﺍﻟﻠﻪ ﺍﺣﺴﻦ ؟ ﻣﺮﻭﺓ : ﺯﻳﻨﺔ ﻭﺍﻧﺘﻲ ﺷﻠﻮﻧﺞ ؟ ﺳﺎﺭﺓ : ﻣﻴﺔ ﻣﻴﺔ « ﺳﺎﺭﺓ ﺑﻨﺖ ﻋﻢ ﻣﺮﻭﺓ ﺑﻨﻴﺔ ﺣﺒﺎﺑﺔ ﻫﻲ ﻭ ﻣﺮﻭﺓ ﺻﺪﻳﻘﺎﺕ ﻭ ﻫﻲ ﺑﻨﻔﺲ ﻋﻤﺮ ﻣﺮﻭﺓ ﺑﺲ ﺑﻐﻴﺮ ﻣﺪﺭﺳﺔ » .... ﻳﺘﺒﻊ ..