بعد عناء وصبر وانتظار ممكن تلاقو انتظاري مدة مو طويله عالبعض بس بالنسبة لي اطول فترات بحياتي الي جربت هالشعور اكيد بتعرف الله بعتلي بنت وولد كمان طولت شوي لحملت فيهن بس لما صار ابني عمرو ست سنين قررت انا وزوجي اني جيب بيبي وكنت اخد حب مانع لما تركتو طلعت حامل الشهر الي بعدو وبعد فرح ومفاجئة اني حملت بسرعة ماكملت فرحتي اجهضت بالاسبوع 12توقف نبض الجنين فجأه وبعد صبر خمس شهور الله كرمني وطلعت حامل بعد اخد منشطاات وابر تفجير كنت فرحانه كتيرررررر فرحي لايوصف الا ان اجا يوم وفقت عنزول ماء الجنين رحت عمشفى خاص ماكان في حاضنه بعتوني عمشفى دوله لوقت وصلت كان الجنين متوفي كنت بالاسبوع 34 الله ماراد لي يتم الحمل الحمدلله رب العالمين بكيت كتير وزعلت وكنت دائماً ادعي الله بالعوض وانا باصعب لحظاتي ولدت طبيعي بعد عناء تلات ايام وطلعت من المشفى فارغة الفؤاد واليدين كل الولدانات طلعو كانو حاملين باقات الورد ب ايد والبيبي ب ايد كنت اقول الحمدلله على كل حال ربي يحفظلهم بيبياتهم ويعوضني وحاولت اروح عن نفسي وانسى حزني بس كتيرررر صعب كتيرررر صعب شي ينتسى وبعدها بدئت رحلة انتظار الحمل ومنشطات وادويه واعشاب ولا صار حمل سنه كامله تعبت من الادويه وحمض الفوليك وتحاليل سلبيه كل شهر تنين او تلاته وكل شي يساعد عالحمل يوم زكرى وفاة ابني كان موعد دورتي وما اجت وتاني يوم عملت تحليل طلع خطين كنت فاقده الامل بهداك الشهر تابعت التبويض وكانت البويضه حجمها صغير وطنشتها سبحان الله الله كرمني وطلعت حامل وكل لحظه ادعي الله بالتمام على خير والحمدلله الله كرمني ورزقني ب ولد لما حطيتو بحضني نسيت كل الامي وتعبي وانتظاري وكل شي مريت في الله يرزق كل وحده مشتاقه للذريه الصالحه ويعوض كل من فقدت جنينها والله كريم بس خلي املك بالله كبير وشوفي عطاء الله............