صباح الخير عسولات ..انا عند المشيمه نازله من الشهر الرابع تقريبا وكان عندي نزيف قبل لاكنت اعرف بأن المشيمه نازله لأن في الغالب مايكون واضح الا في الرابع وفوق والدم مستمر وينزل قطع ايضا بعدها عطوني حبوب الدافستون حبيتين باليوم كل 12ساعه مانفع عطوني ابر اضرب كل اسبوع وحده بس في البدايه عطوني ابرتين مع بعض عشان يوقف النزيف مع تنويم في المستشفى تقريبا 4 ايام وصلت الى الشهر السابع وكل مره اروح مراجعه مايطمنوني ويمنعوني من الحركه اكثر وحتى العلاقة الزوجية رجعوا منعوني عنها وانا من كثر ماتعبت من وجع الأبر المثبته استشرت دكتوره اخرى وقالت عادي تتركينهم وياريت ماتركتهم ..كان في شهر رمضان تعبت جدا من الثقل في اسفل البطن شي ماينوصف ولااتحرك ابدا على العيد رحت طوارئ .خبرني الدكتور المناوب ان فيه دم بينزل انتبهي وان الوضع مش اوكيه قلت عادي اعيد مع اهلي وارجع اتنوم في المستشفى قال انتبهي واي نقطة دم تنزل تعالي ..بعدها بأسبوع تقريبا فجأه وانا أتغذا نزلت عليا كمية دم ..انا بحياتي ماشفت هالمنظر .كأن شلال .بركه ..شي مخيف قدام بناتي وزوجي طلعت المستشفى مباشره دخلت غرفة الولاده من الجمعه المساء الى الأربعاء وكان هذا الشي في الأسبوع 32من الحمل ..طبعا ركبوا عليا دم كيس رجعت نزفت الأحد ركبوا عليا كيس اخر دم ودكاتره يقولون نولدها ودكاتره ترفض وانا اسمع اصوات النسوان يدخلون يولدون ويطلعون ..وانا مكاني 7ايام ولاحركه ولاجوال ولاتلفزيون حتى الزياره يادوب يدخلون لابسين لبس خاص 45دقيقه وفقط ..المهم ضليت بالمستشفى الى الأسبوع 36واربع ايام دخلت غرفة الولاده ايضا بالاسبوع 34كان عندي طلق وبعدين رجعوني الغرف العاديه فقط مدة 24ساعه عقب دخلت غرفة العمليات في 9الشهر الحالي 9/8/2017 وولدت بروحي وعقلي عبدالله فديته يهبل واتمنى لكم تذوقون هاللحظه اجمل اللحظات ..قبل الولاده وقعوني على اوراق ان احتمال يستأصلون الرحم وممكن ان يركبون عليا دم اضافة الى انه ليلة الا بكره راح ادخل العمليات ركبوا عليا كيس دم ومغذيات احتياط ولحظة الولاده ايضا نزفت واحتجت كيسين دم وبعد الولاده كيس يعني فقط يوم الولاده بليلتها 4 اكياس دم ..الحمدلله رب العالمين انا اللحين بدأت بالتعافي بس لازلت مع الجرح والرضاعه وراح اضع موضوع جديد بتجربتي بغرفة الولاده .. واذا حابين تابعوني على سنابي ايضا smasmali866 علما بأني استاذه في علم النفس 💓❤❤💓💓👌