العضوة: 44872 , 9 years ago

@user-66374 حبيبتي هاي شنو من دكتوره اصلا اني جنت مثلج من بدايه الرابع كله يكلي ع مقعده ومن رحت دكتوري كلي مانحكم شنو لولاده اله بنهايه الثامن نشوف شنو وضعه ولعدين نقرر لولاده شنو. وانتي عندج هواي وقت منا لتاسع والطفل كل شوي يغير مكانه لاتخافين حبيبتي وربي يسهل عليج

العضوة: 43333 , 9 years ago

@user-44872 تسلمين ياعمري ربي يسهل عمليتج وتكومين بالسلامه حبي المستشفى بالكراده ساحت الاندلس بس توصلون اهناك كولو مستشفى الجراح ومن توصلون سالو عيادت هند سعران هيه عيادته قبل المستشفى بعماره وحده ونطيج الرقم وحجزي وتكلج يايوم موعدج واهناك روحي هم راح تستفسرين اكثر ربي يتمملج على خير واذا ردتي الرقم ادزه الج سكرتيره اسمهه ام عبد الله

العضوة: 44872 , 9 years ago

@user-66374 هو لان رجلبنه جوه هيج تحسين رجلينه جوه من يتحرك اني نفس الشي جنت وخايفه كلش واحس راح يطلع من جنت بسادس واتمني بس يكلب علمود مااحس بهاي الحركه وهم سألت الدكتور كلي عادي حركته بلمثانه وتاذي شوي

العضوة: 43333 , 9 years ago

@user-44872 حبي اني سالت البنات الي تعرفت عليهم بالعياده كالو السونر والتحليل بيوم العمليه عليج وكله يكلف بالخمسين الف

العضوة: 44872 , 9 years ago

@user-43333 تسلمين ياروحي ويسهل عليج ياربي ان شاءلله بس خلي اكوله ويارب يقتنع لان. ارتاحيت لهاي الدكتوره من كلامج وحسيته مواستغلاليه وهواي قريت عنه بلنت ماشاءالله. بس اريد اروح مراجعتي يوم 25واشوف شوكت يكولي موعد عمليتج علمود بلكت يقبل واهذ الرقم منح ونحجز ويارب ينطونه رقم وموعد قريب

العضوة: 44872 , 9 years ago

@user-43333 اهاا كلش زين حبيبتي ان شاءالله خير يارب ويسهل علينه ونولد بسلامه ياربي

العضوة: 43333 , 9 years ago

@user-44872 07902795556ام عبدالله تحجزين موعد حته ترحين حته تجيكج وتنطيج موعد ولاده شوكت لان سره هواي ناس حته محافظات ماشاء الله ٣قاعات ودرح وممر كاعده العالم بالكاع والله البارحه رجعنه بالوحده باليل كدما زدحام واني حاجزه قبل بيوم

العضوة: 44872 , 9 years ago

@user-43333 اووك حبيبتي مشكوره تعبتج وياي.

العضوة: 44872 , 9 years ago

@user-43333 ها يعني زين عبالي كلي حاجزه قبل شهر مدري شهرين وجنت افكر خاف ماتقبل تنطيني رقم زين. ً وهاي رقمج شكد جان اني ماكدر ابقا لهذا لوقت عدهه لان زوجي عنده شغل مايكدر. مستحيل اكدر احجز قبله بيومين او ثلاثه علمود يصير رقمي بلبدايه مومتاخر

العضوة: 43333 , 9 years ago

@user-44872 تسلمين حبيبتي اخت عزيزه بس امانه لتكطعين وبشريني شيصير وياج وموعد عمليتج يعني لتكطعين اخبارج حيضل بالي يمج الله شاهد

العضوة: 43333 , 9 years ago

@user-44872 حبي انطيهه اذا عندج امكانيه ٢٥ام عبدالله اكو هواي ينطوهه ويدخلون او حل ثاني كليلهم احنه من البصره راح يمشوج بساع اهواي كالو احنه محافظات ونريد نرجع ماعدنه احد بغداد

العضوة: 43333 , 9 years ago

@user-44872 ماطول داخله شهرج تستقبلج من تخابرين كليلهه داخله شهري وعمليه اولد واريد احجز حته دكتوره تحدد موعد عمليتي

العضوة: 44872 , 9 years ago

@user-43333 عاد حبيبتي يارت حتي 30انطيه لوتدرين هذا لمركز الي اراجع عنده كل مره شكد معاينتهم زين اذا تقبل ننطيه اوك اني حفظت الرقم بس ياربي يهدي زوجي ويقبل لان ماتدرين شكد خايفه ومحتاره وين اولد وخايفه من لمستشفيات حتي نوم مااكدر انام والله ربي يسهل علينه

العضوة: 44872 , 9 years ago

@user-43333 ياعمري انتي اعز والله صار كم يوم تعرفت عليج بس اكثر من اخت ربي شاهد واكيد مااكطع اخبار موجوده اني دوم بس مرات يكطع النت يومين وارجع ان شاءالله وكل اخباري يمج ان شاء الله تسلمين عمري انتي

العضوة: 43333 , 9 years ago

@user-44872 ربي يهدي عليج الله يوكفلج ياربي ويوكفلي الله كريم نخليهه على الله ميكطع حشه لله