9 years ago
  • المرحلة الثالثة (الأشهر 9,8,7)
اريد اسأل كم سؤال .اني دخلت بلثامن صارلي 10 وعفت الدكتوره لراجعهه لئن تشتغل بستشفى خصوصي وماعدهه عام .عفيه اذا دخلت بشهري كم يوم واروح للمستشفى اجيب .اني هذا ثالث طفل اليه وكله عمليه اجيب هم لازم اخلص شهري لو على موعد السونار الخارجي اروح للمستشفى ..وسؤال ثاني اذا رحت المدينة الطب بدون تحويل من اي دكتوره يستقبلوني لو شلون عفيه ساعدوني كلش محتاره وخايفه اخاف ميستقبلوني واني مااتمكن اروح بلخاص .لاتبخلون عليه بلجواب

55 تعليقات

العضوة: 33760 , 9 years ago

حبيبيتي نصيحة روحي مستشفى العلوية بغداد حكومي

العضوة: 39276 , 9 years ago

والله ياحبي اذا مليون رخيص بالخارج العمليه تكلف 6000 يورو والليله ب500 يورو للي ماعنده كارت الصحه كان لازم تچيكين امورج قبل لتحبلين وتجمعين فلوس العمليه حاولي تدبريها من اهلج او اهل زوجج يساعدوكم وروحي خاص هناك شويه يعتنون بالوحده اختي ولدت طبيعي بمستشفى قريبه لحي الجهاد بس دفعوا 500 دينار الدخوليه وولدت وطلعت

العضوة: 39276 , 9 years ago

@user-34326 شلون متدفعين شي كارت الصحه هم لازم، كل شهر تدفعون احنه، كل شهر ندفع 300 يورو اذا رحنه دكتور او منروح

العضوة: 34326 , 9 years ago

@user-39276 اااابد ماندفع كلشي ولافلس على اي شي باصحة ولامدرسة ولافواتير ولاايجار كلشي ماندفع حتى على الطفل ماندفع كلشي من يصير بالبطن لحد اخر يوم بعمرة الله يطول عمرة وحتى احنة اني مقيمة بفنلندا صارلي سنتين

العضوة: 39276 , 9 years ago

@user-34326 انتي لاجئه حبي؟؟ اذا طالبين لجوء اكيد متدفعون اي شي بس اني مقيمه بالمانيا مو طالبه لجوء فكل شي لازم ندفعه

العضوة: 42548 , 9 years ago

@user-34326 اسم الله عليج كلبي ...اي والله شسوي اهنا كله بفلوس يادوب واحد يكدر للبخاشيش الممرضات .والله ميعرفون واحد ماعنده ....الله يسهلج ان شاء الله وتكومين بلسلامه حبيبتي

العضوة: 42548 , 9 years ago

@user-39276 والله محد يساعد كلهه تكول ياروحي .وحتى اني مدريد حمل لئن اعرف ماعدنه بس هو رزق من الله بعد الحمدلله على كلشي .بلكي البنات يشوفن المنشور ويدلني على دكتوره اسوي تحويل بلحكومي ..خليتهه بعد على الله

العضوة: 42548 , 9 years ago

@user-39276 اشعجب هيجي غالي يمكم .اني سامعه كله ببلاش ...الله يعينكم ويسهل اموركم ...

العضوة: 42548 , 9 years ago

@user-33760 اشلون اروحلهه بدون تحويل عفيه جاوبيني .اني سامعه مشتشفى العلويه خاص ..اذا اروحلهه اشلون تخاف ميستقبلوني

العضوة: 42548 , 9 years ago

@user-35453 اي والله مااعرف دكتوره تشتغل بلحكومي اشو ياهي الاروحلهه تشتغل بلخاص

العضوة: 33760 , 9 years ago

@user-42548 لا حبيبتي مو خاص حكومي اني ولدت بهية قبل 20يوم وبدون تحويل بس إني اكلج يموتوج بلبخاشيش علة كل شي انطينة

العضوة: 39276 , 9 years ago

@user-42548 حبي ابلاش للجايين لجوء الحكومه تدفع مصاريف كل شي اني مو لاجئه فالمصاريف كلها ندفعها

العضوة: 42548 , 9 years ago

@user-33760 حمدلله على سلامتج .حبي ان شاء الله يتربى بعزكم ...والله ياريت اتكوليلي يعني اذا اروح اروح على موعد السونار اجيب ..وشكد اخذ ويايه للبخاشيش ...

العضوة: 33760 , 9 years ago

@user-42548 حبيبتي تسلمين يوم الج ويجيج النونو ويشلع كلبج بسهر مثل ماشالع كلبي اخذي وياج 100كافي

العضوة: 42548 , 9 years ago

@user-33760 تسلمين كلبي هههههه .اي والله هسه اني مشلوع كلبي، عندي بنيه و ولد .يعني هذا ثالث حمل اليه ..بس ماشايله هم اله للعمليه اخاف محد يقبل يجيبني ويضل بطني .😢