العضوة: 125245 , 8 years ago

مرحبا ماميز 💓 الله يبارك فيكم جميعا وعقبال اللي ماولدت يسهل لها ربي ويريحها ويقومها وبيبيها بالسلامه فنونه كنتي على بالي ادعي لك تولدين طبيعي ولاده سهله يارب يستجيب 😢❤️ ودعيت للكل من الأحد اول ماصحيت الظهر كانت معاي طلوق خفيفه يعني من ١٢ الظهر كذا تجي كل نص ساعه او ربع او عشر دقايق تألم بس مره محتمل كنت انتظرها تروح زي العاده بس استمرت صرت اقرفص عالمغرب كذا وتحممت بمويه دافيه وهي تشد شوي شوي ابطأ شي في العالم من ١٢ الليل بدت ماتمزح بس لازال محتمل ولا زلت اشك انه بيروح اكلت كمون وشوي حبة البركه ( لي ثلاث ايام اكلها ) عالفجر قررت انام طفشت والالم لازال خفيف صح اشد من قبل بس خفيف من انسدحت بدت تزيد وصحتني من غفوتي قلت بس جت طلعت المستشفى ٥ ونص وصلت ٦ كشفوا ٧ لقوا مفتوح من ٥-٦ طلبت ابرة ظهر ووقعت عليها ويالله دخلوني من الطوارئ لغرفة الولادة ٨ والطلوق صارت حاره لاتطاق اخذت الكمام على مايجي دكتور التخدير وطووول ماجاء ووقت ماجاء كنت قايمه بروح افضي المثانه على حظي لما رجعت لقيته راح وانشغل بمرضى ثانين وطووول ثانيه والطلوق تشتد بسرعه والرحم خلاص فتح ٧ قالوا مايحتاج والحمدلله ولدت الساعه ١٠ ونص ( بدوخة الكمام مدري شلون دفعت والله متمسكه فيه عييت افكه 😭😩) وزن بنتي ٢ و ٥٠٠ نتيفففه الحمدلله وكانت متبرزه ببطني كل مره يقولون لي خذي نفس اتاري عشان كذا تبرزت وجاء دكتور التخدير الساعه ١١ بيخدرني قالوا خلاص ولاده 😂 وبس الحمدلله عالنعمه والسلامه وهذي بنتي ماخلتني انام بس تبكي شكل معاها غازات

العضوة: 139300 , 8 years ago

السلام عليكم كيفكم بنات وش اخباركم الحمدلله ولدت بالسلامه وجبت ولد وكانت ولادتي قيصريه والحمدلله على كل حال ..

العضوة: 187400 , 8 years ago

@user-125245 الحمدالله على سلامتك وسلامة البنوته ومبروك ماجبتي والله يخليها لك ويرزقك برها وعقبالي والبقيه يارب

العضوة: 187400 , 8 years ago

@user-139300 وعليكم السلام الحمدالله على سلامتك يارب وسلامة النونو والله يقومكم بالصحه والعافيه يارب

العضوة: 187400 , 8 years ago

@user-219814 دكتوره ايه مشاء الله ممتازه يعني ماعليها خوف ان شاء الله

العضوة: 145441 , 8 years ago

انا توي جيت من المستشفى الدكتوره السودانيه تهوجس تقول اذا ماولدتي هالاسبوع اسبوع الجاي طلق صناعي..قلت افحصي يمكن فاتح لان طلوقي خفيفه قالت لا إلا جاك طلق قوي أو مويه ..قالت خلاص من بعد ٤١ لازم صناعي واطلع من عندها

العضوة: 145441 , 8 years ago

@user-125245 الحمد لله على السلامه تصدقين اعراضك نفسي بس حدي ٣ ساعات أو ٤ و يروح كل يوم يعني لو تروشت و اشتد حالي بيزود الطلق أكثر انا اذا جاني كذا احط حرتي بالنوم مدري هو خوف أو كسل 🤔 وما انام زين اقعد اتقلب يمين ويسار.. وهذاني دخلت الاسبوع ٤١ 😅

العضوة: 199558 , 8 years ago

انا توني بدايه الخامس

العضوة: 46393 , 8 years ago

@user-152902 أبشرك وضعت وجبت ولد الحمدلله جاني نزيف وعطوني علاج عدت على خير اللهم لك الحمد

العضوة: 140422 , 8 years ago

@user-152902 😂😂😂😂😂😂 زوجي يقول اولدي باليوم الوطني .. واخوي يقول اولدي في عاشوراء .. واللي يشوفهم يقول بيدي الولاده 😂😂 اليوم الوطني هو اليوم اللي محددته الدكتورة اساسا من حملت 23 / 9 هو اليوم الوطني يوم الاحد .. عاد ما يندرى تولدني بنفس اليوم لو ما جاني الطلق وانفتح الرحم من ربي او تعطيني كم يوم زيادة ..

العضوة: 140422 , 8 years ago

@user-152902 تخيلي بس اسميها وطن والله لوها قضت الاسماء اللي عاجبتني 😂😂

العضوة: 140422 , 8 years ago

@user-152902 يا حليلك زوجي يقول لوها ولد سميتها عبدالعزيز عشان المؤسس 😂😂

العضوة: 140422 , 8 years ago

@user-125245 يا حبي لك ايه والله يارب اولد ولاده طبيعيه سهله ميسره .. اجل ولدتي بدون تخدير بس الكمامة .. يووووه اشين شي لما يتبرز الطفل .. الان بغيتي تخلصين التاسع ووزنها كيلوين و 500 .. نشوف وش تطلع بنيتي التتفه الثانيه 😂 ايه بنوتك يمكن معها غازات بس حطي ببالك اول الايام يصيرون صياحين بزود حتى لو ما فيهم شي يعني عادي .. شوي شوي لما تتأقلم على الجو الجديد .. لما تصيح وتهبل بكرجربي حطيها على صدرك لما تسمع نبضك تهجد سبحان الله .. واذا انتي من النوع اللي متعوده تشغلين قران ببيتك او تقرين قران دائما شغلي لها لانها تكون تعودت عليه كذا كان ولدي كان يعذبني ما ينام واذا شغلت له القران نام لانه تعود طول الوقت مشغل القران وقت نومي وانا حامل .. والحمدلله على سلامتك وقرّة عينك ببنوتك .. الا وش سميتيها ؟!

العضوة: 140422 , 8 years ago

@user-139300 مبرووووووك حبيبتي .. والحمدلله على سلامتكم .. وش سبب انها قيصريه ؟!

العضوة: 140422 , 8 years ago

@user-145441 لا يقولون اذا جاك طلق افضل شي تجلسين او تمشين .. التسدح يقلل الطلق ويخففه .. احسن لك اجلس او امشي اسرع لك تخلصين بسرعه .. طبعا غير التروش والمويه الدافيه عالظهر ..