6 years ago
  • ما قبل الحمل
الحساب في كل شيء مؤجل الى يوم القيامة ، ما عدا ظلم الناس فلابد ان يقتص الله جل جلاله من الظالم في الحياة الدنيا حتى يعتدل ميزان الحياةو يعرف الناس ان الظلم له قصاص دنيوي بجانب قصاص الاخرة،لذلك يقول الرسول صلى الله عليه و سلم (اتقو دعوة المظلوم فانها ليس بينها و بين الله حجاب يرفعها الله فوق الغمام و يقول و عزتي و جلالي لانصرنك و لو بعد حين ) #الجزء الاول: ليث:حبيبي ..حبيبي صباح الخير .. صباحك ورد وفل ولوز يا عمري صباح النور .. يالله اصحى غنت فيروز الشمس طلعت يا زين .. وانته مغمض العينين من تصحى تشرق ع الدنيا .. مو شمس واحده شمسين يسعدلي صباحك يا رب سلام: و صباحك يا رب ..الله على ريحة القهوة ..يسلم ايديك  ليث: تفضلي ... سلام:يسلمو ،ليث حلمت فيك  ليث:خير انشالله سلام :خير انشاللله حلمتك واقف عم تكسر عفش غرفة نومنا ، و انا كنت واقفة و عم ابكي و قلك لا ما تعمل هيك ، اطلعت فيني و درت وجهك و تابعت تكسير يا لطيف شو كرهتك بالحلم  ليث:ههههه هلوسة حياتي ما تشغلي راسك بهيك شي يلا انا بدي انزل على شغلي سلام:ماشي شو بدك اطبخلك ؟ ليث:ولله ما بعرف اعملي يلي بدك اياه و الا قلك ما تطبخي و تعذبي حالك انا بجيب معي اكل انا و راجع من شغلي  سلام:الله على الدلال يخليلي اياك ليث:لكن لكن اكام سلام عندي و انت بعدك عروس دللي علينا يلا انا رايح هاتي بوسة  سلام :...الله معك  نزل زوجي على شغلو و انا قمت من التخت و فتت على الحمام غسلت وجهي و طلعت ،وقفت على المراية و شفتو كاتبلي بحبك ام الجود ،مسكت قلم الحمرة و كتبتلو و انا بعشقك ابو الجود ، اخدت قهوتي و رحت على غرفة القعدة حطيت على اغاني فيروز ، بعدين قمت اشتغلت بيتي شوي و حكيت امي عالتلفون و اهتميت بحالي شوي لصارت الساعة 1بعد الضهر ،كنت واقفة على المراية ،وقت انفتح باب بيتي و سمعت صوت ليث عم يناديلي ،انا استغربت من رجعتو على البيت بكير كتير  ليث:سلاااام وللللييه وينك سلااام  سلام:اي حياتي شو رجعك بكير ما بالعادة مسكني من شعري  ليث:تعا يا كلبة يا ...يا ...... سلام:ليث شبك اتركني عم توجعني ..ليث شو صرلك؟  ليث:وليه عم تخونيني يا بنت الحرام يا بنت ..... سلام: ليث لك شبك شو صرلك اخخخخ عم توجعني شوفي؟  قام قشاط بنطلونو بلش ضرب فيني و انا صرخ و ابكي  سلام (تبكي): لك ليش عم تضربني ؟ ليث:لسا بدي موتك .... مين هادا ..من ايمت بتعرفيه ...اكام مرة نمتي معو و انا متل الاهبل نايم على داني سلام (تبكي):اخ يا امي ،شو عم تحكي ما عم افهم عليك ولله #يتبع

85 تعليقات

العضوة: 694206 , 6 years ago

ولله يابنات عم اكل وعم طله على جوالي😂😂😂

العضوة: 717078 , 6 years ago

يلا بئا حاجتك😂تحمست

العضوة: 694206 , 6 years ago

اخر لقمة😁😁😁

العضوة: 694206 , 6 years ago

امزح امزح شبعت🤗🤗🤗

العضوة: 694206 , 6 years ago

لؤي:طيب هاتي اسمو حسابو لحكيه لهل الكلب و رح اسأل انا عن هالموضوع سلام:اكيد بيعرفك و رح يحظرك فورا تاني يوم كنت متسطحة بالتخت و تعبانة وقت رن الجرس و قامت امي تفتح الباب ،سمعت صوت حماتي  ام ليث:اولادك عملو مراجل على ابني و ضربوه يروحو يضبو شرف اختن  ام سامر: صرماية بنتي اشرف من كل عيلتكن ،ابنك يلي عامل حالو رجال على بنتي و نزل فيها ضرب  ام ليث:لك بنتك بدها دبح سيرتا صارت على كل لسان و صورها بكل موبايلات الشباب عم تتفرج عليها ،كأنو كاينة دايرة على حل شعرا و عم دخل شباب لعندا و ابني نايم على دانو  ام سامر:احترمي كبرتك و روحي من هون احسن ما سمعك حكي ما يعجبك و نفسية بنتي ما لقيانة  ام ليث:قليلا ليث ما رح يخليكي على ذمتو ولا دقيقة و بدو يطلقك اليوم قبل بكرا و بدو يفضحك للعالم كلها هالخاينة الفلتانة ام سامر:باب المحكمة بفوت جمل يلا فرجيني عرض اكتافك من هون انا كنت متسطحة بالتخت و عم اسمع الحكي و عم ابكي و تعبانة اعصابي و ما قادرة قوم من محلي و وقت رجعو اخواتي من شغلن ،خبرتن امي بحكي ام ليث سامر:يطلق بالناقص منو الله يلعنو هو و امو قليل الشرف ما بيعرف مرتو شو هي  لؤي:اعلى ما بخيلو يركبو اصلا نحن ما منكون رجال اذا منخليها على ذمتو بعد ما حط بشرفا و عرفت كل الناس شو عمل فيها  سامر:بس بدو يدفعلا كل متأخرا كامل  نحن و قاعدين بالسهرة ،رن موبايلو لاخي لؤي و رد عليه

العضوة: 717078 , 6 years ago

صحا ياروحي عم امزح خدي راحتك😂❤

العضوة: 664851 , 6 years ago

كلي منيح مشان ماتتشردقي ان شاء لله عوافي

العضوة: 690524 , 6 years ago

متابعين .. صحة صحة

العضوة: 675665 , 6 years ago

كملي شوقتينا

العضوة: 491590 , 6 years ago

يلاااااا وين باقي القصه🥺

العضوة: 724645 , 6 years ago

اوف كملي بليز

العضوة: 657096 , 6 years ago

وين الباقي يا حلوة

العضوة: 694206 , 6 years ago

نحن و قاعدين بالسهرة ،رن موبايلو لاخي لؤي و رد عليه لؤي:الو اهلين عامر ..ايه ....شووو ..مين هادا ابن الحرام يلي عم يلعب هيك لعبة وسخة ....وينك انت ...انا جاي  ام سامر:شوفي ابني  لؤي:رفيقي عامر قلي في واحد عالفيس باعتلي صور لاختك و عم يبعتا لكل شباب الحارة وولله رح جن سامر:العمى ...لحظة جاي معك  ام سامر(تبكي):حسبي الله و نعم الوكيل باولاد الحرام مين عم يشوه سمعتك الله ينتقم منن الهي  انا فتت على الغرفة و قعدت ابكي و اقتل حالي على الفضيحة يلي صابتني بين يوم و ليلة و ما الي يد فيها ، دعيت على حالي بانو موت و ما يطلع علي النهار ،حسيت عقلي رح يوقف مين و كيف و ليش ،اسئلة كتيرة و ما عرفت جاوب عليها ،دخلت امي تهديني و امي عم تضرب ايد بايد و تبكي و تدعي على السبب ، ،بقينا سهرانين انا و امي و نحن عم نبكي و ناطرين اخواتي ليرجعو و نعرف شو صار معن ،رجعو على الساعة 11باليل سلام: شو صار معكن  لؤي:الله يلعنو ولله لاعرفو و القطو لو كان اخر يوم بعمري  سامر:رحنا عند رفيقو للؤي قالو هيدا شاطر كتير بس طلع مسافر على الشام ،رحنا عند واحد تاني و قلنا رح يحاول يخترق حسابو و يفوت على معلوماتو الشخصية و اذا كان حاطط رقمو بيقدر يجبلنا اياه #يتبع