9 years ago
  • المرحلة الثالثة (الأشهر 9,8,7)
ولدي عمره شهرين يابنات انا بالمستشفى حاليا تنويم مادري شفيه ولدي يبكي بكاء شديد لدرجه وجه يزرق ولساعات متواصله توصل خمس ست ساعات لما يتعب وينام وهو يبكي والدكتور يقول غازات امانه بنات طفل يبكي بكاء شديد ومتواصل وبدون توقف من غازات ؟! مع العلم اعطيه حليب طبيعي وممكن رضعه باليوم صناعي واترعه ابي اعرف شالسبب انا تعبت والله يكسر الخاطر دموع وسعابيل تنزل ويشهق من البكي لحول ولا قوة الا بالله قولولي صادف معاكم طفل جذي وفعلا مافيه شي ؟! مجرد غازات والا فيه شي ثاني ومع العلم ولدي فيه فتحه بالقلب صغيره انا ودي اعرف شنو سبب البكاءالهستيري صار يخوفني وابكي معاه تكفون ارشدوني انا بضيقه 💔

42 تعليقات

العضوة: 2332 , 9 years ago

@user-33461 بنت اختي كانت كدا مهما تعملها ماتسكت ماخلت شي وماتخليها تنام ولو نامت امكن نص ساعه وتصحي تكمل بكي وماترضع مزبوط وودتها للدكتور ولا جديد فضلت على هالحال لين كبرت كم شهر بعدين سارت طبيعيه

العضوة: 28053 , 9 years ago

انا كان ولدي عمره ايام وماينام الا كم ساعه ودائم متمغص ويزرق ويزحم كم بطنه طول اليوووم ودائما يقولو غازات بس اخر شي وديته شيخ طلعت فيه نفس وعين واخذت اثر ووضوء من اللي زاروني وسبحان الله روشته وطلع غازااات متواصل بشكل مخيف ومن نفس اللحظه راحت كل الأعراض والمغوص والزحره ولونه الغامق يارب لك الحمد شهرين وهو تعبان ياعمري لك الحمد

العضوة: 33461 , 9 years ago

@user-2332 اليوم واقفه فيه اهزه ارفعه انزله ارضعه ماكو فايده صياح متواصل يخرع الله المستعان ان شالله مافيه شي انا ودي مافيه شي ويروح عنه

العضوة: 33461 , 9 years ago

@user-28053 فيه ناس اعوذ بالله منهم عيونهم فارغه وقشره مهما يكون عندهم مايشوفون الا اللي بايد الناس واستغفر الله في ناس من نفوسهم القشره يحسدونج حتى لو علي شربة ماي

العضوة: 31721 , 9 years ago

@user-33461 الله يعافيه. ويحفظو يارب

العضوة: 17153 , 9 years ago

فصخي كل ملابسه وشوفي اصابع ايديه او رجوله احيانا يكون ملتف عليها شعره او خيط وتوجعه وسوي له مساج وتأكدي مافيه شي يضايقه والحفاظ مو مسبب له حساسيه

العضوة: 31265 , 9 years ago

@user-33461 جربتي تغيري نوع الحليب يمكن هوا السبب

العضوة: 31721 , 9 years ago

@user-33461 دفي الغرفه واعمليله حمام دافي بعد الحمام ادهني بطنو وضهرو بزيت زيتون دافي دلكي بطنه بشكل دائري كوفليه ولفيه كويس اعملي له حليب صناعي 150مل خلي يشبع كويس واعطيه دواء المغص (دنتينوكس)كثير منتاز وروح المغص وغزات بسرعه شغلي له الرقيه الشرعيه وانشاء الله ينفع 🌸🌸🌸🌸🌸🌸

العضوة: 31721 , 9 years ago

@user-33461 وجربي تحركي ايديه رجوله اذا صرخ اوبكي بكون ملوي يعني مشيول بطريقه غلط الله يشفيه

العضوة: 53691 , 9 years ago

انتبهي لطريقتك بالرضاعه يدخل معها هوا واجد الرضاعه الطبيعيه وكمان استخدمي ماية غريب ابتعدي عن كل شي يزيد الغازات مدامك ترعين والله يشفيه ويحفظه حصنيه وشغلي البقره واستغفري بنية شفا

العضوة: 34003 , 9 years ago

يابنات نصيحه مني كاخت لكم الوحده من تحمل وهي تقرا الاذكار على نفسها وتنفث على بطنها من تحمممممل الاذكار يابنات حصن حصين من رب العالمين لاتتساهلوون فيها ابدا وحتى لو ماكنتي حامل اقروؤا الاذكار انفثوا على انفسكم وعلى اولادكم وعلى ازواجكم واذا كنتي حامل اقرأي الاذكار وامسحي على بطنك ثلاث مرات يمكن تكون العين اصلا وانتي حامل من قبل ماتودلدين مو شرط من بعد الولاده يصاب الطفل بعين اوحسد حصنوووا انفسكم وتوكلوا على الرحمن اسال الله لي ولكم الشفاء والعافيه لنا ولذرياتنا واحبابنا

العضوة: 29619 , 9 years ago

@user-33461 الله يشافيه ياخيتي حاولي تغيرين المستشفى

العضوة: 62323 , 9 years ago

حبيبتي سبب البكاء هي فتحت القلب انا ولدي كان كذا وكان يعطونه اكسجين وتنومت عليه اسبوعين وطلعلت ولا خف الا بعد ما تقفل الثقب اللي بقلبه الله يشفي ولدك يارب

العضوة: 62323 , 9 years ago

وترا ما يقدر ينام الا اذا رفعتي راسه عشان يتنفس زين

العضوة: 29175 , 9 years ago

أناعلنيت من نفس المشكله مع ولدي لما كان عمره ٦ شهور وما نفعني الا الرقيه افتحي اليوتيوب كل ما بدا يصيح وشغليله رقية الحسد بيرتاح