9 years ago
  • المرحلة الثالثة (الأشهر 9,8,7)
مرحبا يا حبوبات 💖💞 انا حضرت شنطه الولادة من هلأ انا ب الاسبوع 33 ففكرت احضر الشنطه من هلأ منشان ازا نسيت شي يكون معي وقت اني اضيف الاشياء اللي نسيتها بدي احكيلكم شو حضرت وبتمنى منكم ازا نسيت شي تزكروني او تعطوني اضافات احطها بالشنطه 💞.....الاحتياجات الخاصة للبيبي.....💞 3. كباسات (الافرهول بكباس) 1. بيجامه شتويه 3. بلايز خنق تحت البيجامه 3. جرابات +كيلوت تحت البنطلون 1. طقيه للراس 1. لفاع(للتلفيع والتقميط) 1. حرام (لتغطيه الطفل) 1. كوت (لحمايه الطفل من البرد) 1. علبة شامبو من جونسون 1. علبة بودرة من جونسون 1. باكيت فوط بامبرز حديثي الولادة 1. رشوش للصرة 1. لهاية +علبة حليب نان من عمر يوم +ميزان حرارة +قنينة حليب صغيرة +مناديل مبلله (هاي جين) 1. كرسي السيارة للطفل 💖....الاحتياجات الخاصة للأم....💖 1. بيجامه شتويه 2. ستيان 2. كيلوت 1. جرابات 1. جلباب للخروج من المستشفى 1. باكيت فوط نسائي يفضل نانا او فام حجم كبير لمنع التسرب 1. علبة شامبو وفرشاة للشعر وربطة للشعر 1. بشكير باكيت فاين وطقم الصلاه شاحن للتلفون وسخان من القرفه بتمنى ازا نسيت شي تزكروني فيه حبايبي واتمنى اكون أفدتكم وأفدتت البكريات

102 تعليقات

العضوة: 23495 , 9 years ago

@user-37481 وبس نولد بيعطونا شك للولادة يعني مصاري علولد الاول 1500 والثاني 900 والثالث400 شيكل💘

العضوة: 37481 , 9 years ago

@user-23495 هلا والله ساكنه ب فلسطين اتشرفت فيكي بنت بلدي

العضوة: 37481 , 9 years ago

@user-23495 والله طب حلو نحنا ما عنا هاي الاشياء

العضوة: 23495 , 9 years ago

@user-37481 هلا حبيبتي بس احنا هون ما مندفع مصاري للمستشفى بلعكس هني الي بدفعولنا مساعدة للطفل غير تأمينه كل شهر 200 شيكل مساعدة بلحفاضات والحليب

العضوة: 37481 , 9 years ago

@user-23495 اها طيب يلا منيح

العضوة: 36212 , 9 years ago

هههههههههههااااااي وانا حضرت شنطه انا بشهر الثامن

العضوة: 37481 , 9 years ago

@user-36212 ههههه شعور جميل صح

العضوة: 36212 , 9 years ago

كل هاد بتخدي ع المستشفى ولي بضلي ٣ايام عمليه يعني

العضوة: 36212 , 9 years ago

ام الما النجار

العضوة: 37481 , 9 years ago

@user-36212 ان شاء الله عمليه منشان هيك مع انهم بالنسبه الي مو كتار لانو بولادتي الاولى خواتي كانو يجيبولي غيارات وتندمت منشان هيك يزيد ولا ينقص

العضوة: 36212 , 9 years ago

اه والله محضر ملابسي وصابون هههههههههههااااااي كل شي

العضوة: 36212 , 9 years ago

الله يقومك بسلامه يارب

العضوة: 37481 , 9 years ago

@user-36212 اها اريحلك لانو انا بالشهر التاسع بقضيها مشي ف بفضاش

العضوة: 36212 , 9 years ago

انا حكولي بنوته وعندي الحمد لله بنوته كمان وانتي الله يخليلك شو حكولك

العضوة: 37481 , 9 years ago

@user-36212 حبيبتي ربي يسعدك وانتي كمان الله يقومك بالسلامه وتشوفي البيبي بخير وسلامه وبأتم صحه وعافيه يا رب