السلام عليكم ورحمة اللَّه وبركاته..
حوامل المدينة تعالوا ندردش ونتناقش عن كل ما يخص الحمل من المتابعة والمستشفيات وتجارب وغيرها..
وربي يتمم لنا جميعاً ويسهل علينا ..
لاتنسو تضغطو 🔔 عشان التعليقات توصل بالاشعارات ❤
كيفكم بنات وحشتوني 😘
ما رضيت اكتب قصة ولادتي الا لما اراجع واتطمن من ناحية الخياطة
طبعا انا اخترت اولد في الزهراء عشان الدكتورة رحاب مساندة لعدم شق العجان وتابعت معاها من نهاية الثامن
يوم الجمعة المغرب وانا اتوضا اتفاجأت بالموية تنزل، ما كانت كمية كبيرة بس حسيت بنزولها وصارت تنزل على دفعات
ماما تقولي نروح المستشفى وانا بكل برود اقول لسة شوية ما ابغى اروح بدري
من كثر ما اقرأ قصص الولادات قلت اكيد بطول، ورحت اتعشيتلكم هديك العشوة رز وملوخية واخر روقان هههههه 😂
الحمد لله وقتها ما كان في الم، وطلعت كملت الاغراض في الشنطة بس ماما ما رضيت ناخد شنطتي ولا شنطة البيبي على اساس بنروح نكشف واذا فيه ولادة نطلبها. وانا في السيارة بدأ الالم بس محتمل وكان قريب كل 5 دقايق تقريبا
المهم وصلنا وكشفت قالتلي التوسع من 2 الى 3 سانتي، وعملولي سونار ولقو موية الجنين مخلصة فقالتلي انتي لسة مو ولادة بس ما نقدر نطلعك من المستشفى عشان الموية ناشفة وحطتلي التخطيط شوية وشالته
وقتها بدأ الالم الحقيقي والمصيبة قالولي ان دكتورتي راحت عمرة الله يهديها، واللي زاد خوفي كانت وحدة هندية تولد جنبي في غرفة الولادة واسمع صوتها تصرخ بقوة مسكينة وتجي الممرضة عندي تتريق عليها وتقول ماعندها صبر ليش تولد، وشوية اسمع الدكتورة تصرخ فيها. انا هنا قفلت في وجهي وكل شجاعتي راحت صرت اقولهم طلعوني من هنا بروح اي مكان تاني، واتصلنا على اخويا على اساس اروح المواساة واخد ابرة الظهر، بس سبحان الله على بال ما يجي جات الدكتورة وقاست الا تقولي ولادة
انا عيوني صارت كذا 😨 توها تقول 2 سانتي مو مستوعبة اقولها يعني كم 6 والا 8 تقولي اقولك ولادة يعني اكتر
واخدوني بسرعة على غرفة الولادة وتقولي لا تدفي وانا اقولها ما بدف اصلا مو حاسة بشعور الدفع اللي قريت عنه
وطبعا جاتني دكتورة تانية غير دكتورتي وجلسنا نتجادل واقولها ما ابغى شق ولا خياطة وهي تقولي لازم والبيبي حيشقك ومن دا الكلام الفاضي والممرضة تحاول تقنعني وانا اقولها حاولي وانا حساعدك بأي شي تقوليه
بعدين صارت تقولي ادفعي وانا برضو مو حاسة بشي يجبرني ادفع بس الم
وصرت ادفع من نفسي والحمد لله كلها كم دفعة وطلع حبيبي حتى ما حسيت بطلوع الراس الا لما سمعت صوته يبكي
وبعدها جلست تخيط وانا اقولها شقيتي قالتلي لا البيبي هو اللي شق بس برضو ما ارتحت ولا صدقتها
ودحين في المراجعة رحت لدكتورتي الاصلية عشان اتأكد وطمنتني الحمد لله انو الغرز مو شق وانها من راس البيبي وبسيطة جدا
الحمد لله لما قالتلي حسيت بانتصار وان ربي ما ضيع تعبي، وكمان ما شاء الله قالتلي ولادتك تعتبر غير طبيعية طبيا البكرية عادة تاخد معدل 12 ساعة وانتي ولدتي بسرعة
الحمد لله بركة الدعاء ورحمة من رب العالمين وعقبالكم كلكم حبايبي بولادات سهلة وميسرة واطفال سليمين وطعمين يارب 😍
العضوة: 34542 , 9 years ago
@user-39662ايوا حبيبتيالعضوة: 54945 , 9 years ago
@user-39662ايوا صحالعضوة: 18164 , 9 years ago
@user-39662 ايوا اول اسبوع الله يسهلك ويسهلنا يارب ❤العضوة: 39662 , 9 years ago
كم باقي وتدخلون اسبوع ٣٦ انا باقي لي ٤ ايام واخش ان شاءالله يوم١٩ ادخلالعضوة: 25661 , 9 years ago
بنات الله يسعدكمم مره حطيتو حساب وحدة بالاستقرام تتكلم عن الولادة بشكل ايجابي مين تعرف حسابها الله يسهل لكم 😘😘العضوة: 45168 , 9 years ago
.. @user-25661 positive_childbirthالعضوة: 25661 , 9 years ago
@user-45168 ربي يسسسسسعددكككككالعضوة: 45168 , 9 years ago
.. @user-25661 ويسسعدك حبيبتي وييسر لنا جميعا 🌸💕💕العضوة: 45168 , 9 years ago
.. @user-25661 بسألك حبيبتي شفاء طيبه التحاليل بكم ؟ اذا الكشف ٣٠ سونار الدكتوره ٧٠ ؟ والسونار ١٥٠ عند مختصه الاشعهالعضوة: 18454 , 9 years ago
كيفكم بنات وحشتوني 😘 ما رضيت اكتب قصة ولادتي الا لما اراجع واتطمن من ناحية الخياطة طبعا انا اخترت اولد في الزهراء عشان الدكتورة رحاب مساندة لعدم شق العجان وتابعت معاها من نهاية الثامن يوم الجمعة المغرب وانا اتوضا اتفاجأت بالموية تنزل، ما كانت كمية كبيرة بس حسيت بنزولها وصارت تنزل على دفعات ماما تقولي نروح المستشفى وانا بكل برود اقول لسة شوية ما ابغى اروح بدريالعضوة: 18454 , 9 years ago
من كثر ما اقرأ قصص الولادات قلت اكيد بطول، ورحت اتعشيتلكم هديك العشوة رز وملوخية واخر روقان هههههه 😂 الحمد لله وقتها ما كان في الم، وطلعت كملت الاغراض في الشنطة بس ماما ما رضيت ناخد شنطتي ولا شنطة البيبي على اساس بنروح نكشف واذا فيه ولادة نطلبها. وانا في السيارة بدأ الالم بس محتمل وكان قريب كل 5 دقايق تقريبا المهم وصلنا وكشفت قالتلي التوسع من 2 الى 3 سانتي، وعملولي سونار ولقو موية الجنين مخلصة فقالتلي انتي لسة مو ولادة بس ما نقدر نطلعك من المستشفى عشان الموية ناشفة وحطتلي التخطيط شوية وشالتهالعضوة: 53759 , 9 years ago
@user-18454 الحمد لله على سلامتكالعضوة: 18454 , 9 years ago
وقتها بدأ الالم الحقيقي والمصيبة قالولي ان دكتورتي راحت عمرة الله يهديها، واللي زاد خوفي كانت وحدة هندية تولد جنبي في غرفة الولادة واسمع صوتها تصرخ بقوة مسكينة وتجي الممرضة عندي تتريق عليها وتقول ماعندها صبر ليش تولد، وشوية اسمع الدكتورة تصرخ فيها. انا هنا قفلت في وجهي وكل شجاعتي راحت صرت اقولهم طلعوني من هنا بروح اي مكان تاني، واتصلنا على اخويا على اساس اروح المواساة واخد ابرة الظهر، بس سبحان الله على بال ما يجي جات الدكتورة وقاست الا تقولي ولادة انا عيوني صارت كذا 😨 توها تقول 2 سانتي مو مستوعبة اقولها يعني كم 6 والا 8 تقولي اقولك ولادة يعني اكترالعضوة: 18454 , 9 years ago
واخدوني بسرعة على غرفة الولادة وتقولي لا تدفي وانا اقولها ما بدف اصلا مو حاسة بشعور الدفع اللي قريت عنه وطبعا جاتني دكتورة تانية غير دكتورتي وجلسنا نتجادل واقولها ما ابغى شق ولا خياطة وهي تقولي لازم والبيبي حيشقك ومن دا الكلام الفاضي والممرضة تحاول تقنعني وانا اقولها حاولي وانا حساعدك بأي شي تقوليه بعدين صارت تقولي ادفعي وانا برضو مو حاسة بشي يجبرني ادفع بس الم وصرت ادفع من نفسي والحمد لله كلها كم دفعة وطلع حبيبي حتى ما حسيت بطلوع الراس الا لما سمعت صوته يبكي وبعدها جلست تخيط وانا اقولها شقيتي قالتلي لا البيبي هو اللي شق بس برضو ما ارتحت ولا صدقتهاالعضوة: 18454 , 9 years ago
ودحين في المراجعة رحت لدكتورتي الاصلية عشان اتأكد وطمنتني الحمد لله انو الغرز مو شق وانها من راس البيبي وبسيطة جدا الحمد لله لما قالتلي حسيت بانتصار وان ربي ما ضيع تعبي، وكمان ما شاء الله قالتلي ولادتك تعتبر غير طبيعية طبيا البكرية عادة تاخد معدل 12 ساعة وانتي ولدتي بسرعة الحمد لله بركة الدعاء ورحمة من رب العالمين وعقبالكم كلكم حبايبي بولادات سهلة وميسرة واطفال سليمين وطعمين يارب 😍