9 years ago
  • المرحلة الثالثة (الأشهر 9,8,7)
بوست ٣ قصه ولادتي قلت له ما بنخليها ف الحضانه قامت تحاول تقنعنه قلت له خلاص خل يودونها والله يصبر قلبي قالت الدكتوره لزوجي انت وديها وخل الام تنتظر مع اولادها ف الغرفه جلست انتظر زوجي يرجع وانه ابكي وادعي ربي المهم جات ممرضه اتقول احتمال ما ننومها عندنا زوجج يتكلم مع الحضانه فرحت اشوي جاني زوجي من غير بنتي قلت له وينها قالت خليتها عندهم قومي تأكدي من الكلام يقولون مافيها شي وليش جايبينها عندنا أصلا مافيها شي وهذه طبيعي وسو لها فحص سريع وقالو كل شي تمام خبرو الدكتوره لكن الدكتوره ما كسرت كلامها وأصرت عاد انه اهني قلت خلاص أبغى بنتي وبوقع على مسؤليتي وباخذها لاني انه ام وإحساس الام ما يخيب لو شنو ما صار واتصلو لدكتوره قلت لها خلاص باخذ بنتي واذا انتي تبغي تخليها ٢٤ ساعه عشان فحص الساعه ٩ الصباح انه بجيبها لك ٨ الصباح قبل الوقت بساعة قالت لي اذا خرجت اوراقها ماراح ارجعها قلت لها دامك ماتبغي تتساعدين شكراً لك وانه بنتي بوديها لأكبر اخصائي ومو محتاج ٢٤ ساعه فقط نص ساعه للفحص اله اتقول انتي الدكتوره وبراتحتك قلت لها انا ما اقلل من قيمتك ولكن انه ام واكيد بخاف على بنتي وبلاحظ كل شي فيها ولكن مافيها شي تنفسها طبيعي وكل شي فيها سليم ولله الحمد حتى وانه اتكلم كانت بنتي تبكي من بين ٨ أطفال ميزت صوتها سبحان الله ووقفت الكلام وقلت لهم هذه صوت بنتي وبالفعل طلعت اهي الي تبكي وماوقفت بكي في حضن الممرضه اله لمه خذيتها بس خذيتها نامت مباشره ولمه شفت هذه الموقف أصريت اكثر ولله الحمد اخذيت بنتي وطلعت من المستشفى الساعه ١١ ونص باليل ورحت البيت وكان عندي موعد في حال ما طاح السر تبع البيبي ورحت الموعد وقصيت القصه على الدكتوره وسوت لها فحوصات كامله قالت البنت مافيها شي ولله الحمد ولكن الحين تعاني من المغص وهذه الشي طبيعي من الاطفال يحصل وهذي قصتي بالكامل اتمنى الاستمتاع والاستفادة والعبره 😘😘😘😘🌹❤

34 تعليقات

العضوة: 24502 , 9 years ago

@user-6940 اللهم امين يااارب ويحفظ لك كل عزيز وغالي

العضوة: 24502 , 9 years ago

@user-45415 الله يبارك فيكي ويسهل لك ولادتك

العضوة: 20397 , 9 years ago

مبرووك ما اجاكي حبيبتي والحمدلله على سلامتك تتربى بعزك ودلالك يااارب دسألك احساس الامومه تحسي في وقت الحمل ولا وقت ما تخرج من بطنك ويحطوها بحضنك؟

العضوة: 45415 , 9 years ago

@user-20397 أنا بكرية وأحس مافيه هذيك الأحاسيس للبيبي بعد الولادة أكيد بيتغير الموضوع ولا؟

العضوة: 20397 , 9 years ago

@user-45415 مهو عشان هيك بسأل لانه انا كمان بكريه وما اعرف وبعدني ما حسيت بأحساس الامومه الجدي

العضوة: 16754 , 9 years ago

مدري عن ذول يطلعو بالطفل الف عيب صار معاي تقريبا نفس الشي وطلعت بنتي على مسؤليتي كان عندها صفار بس يحبو يهولو الف حمد لله على سلامتك ومبرووووك العروسه تتربى بعزك ودلالك😘😘

العضوة: 24502 , 9 years ago

@user-20397 بس يحطون البيبي على صدرك بتحسي بأحساس الأمومة ومشاعرك كلها راح تتغير

العضوة: 24502 , 9 years ago

@user-45415 بس يحطون البيبي على صدرك بتحسي بأحساس الأمومة ومشاعرك كلها راح تتغير

العضوة: 24502 , 9 years ago

@user-16754 قالت الدكتوره شفايفها زرقه قلت لها البنت عندي ٢٩ ساعه مو ٢٤ ساعه ما شفت فيها اي شي مو طبيعي بالعكس تتنفس طبيعي وترضع وتنام وتبكي وكل شي طبيعي وهذي مو اول طفل عشان ما تكون عندي خلفيه ولو حسيت فيها شي مو طبيعي لو واحد ب ١٠٠ اكيد راح اخاف واسأل ولكن الحمدالله ما فيها شي وغير جذي وينكم عنها طول الوكت انتو اول ما ولدت خذيتوها تنضفوها وتمت عندكم بساعات ما شفتو شفايفها وبعد ٢٤ ساعه جت الدكتوره تكشف عليها وما شافت شفايفها؟! وسألتها اذا رخصه وقالت اي رخصه والحين جيتي بعد ٢٩ ساعه تقولي كلام فاضي

العضوة: 16754 , 9 years ago

@user-24502 صح شي يقهر 😕 يطلعوكي غلطانه باي طريقه

العضوة: 20397 , 9 years ago

@user-24502 يا ويلييي حمستيني اووولد هسا 😍😍😍😍😍😍😍

العضوة: 49310 , 9 years ago

@user-24502 الف مبرؤؤؤؤك قريت قصتك بالكامل

العضوة: 51184 , 9 years ago

مبرووووووووووك بس ما قلتيلنا اسم البنوتة 👼👼👼

العضوة: 4324 , 9 years ago

ألف ألف مبروووك تتربى في عزك و عز ابوها