9 years ago
  • المرحلة الثالثة (الأشهر 9,8,7)
السلام عليكم بنات فدوه اني قبل 3ايام تقريبا طحت وصارت طيحتي على فخذي وجانب بطني الايمن بس الحمدلله مانزفت والبيبي يتحرك طبيعي بس حسيت ابوجع بسيط لاكن من البارحه واليوم احس بالم ابطني يشبه الم الدوره يجي ويروح من كثرة المقص احس اريد اطب لدوره المياه الصحيه اجلكم الله بس من اروح مايطلع وياي شي بس مقص الي تكدر اساعدني واطمن قلبي راح اموت من الخوف خصوصا اختي كالتلي يمكن هذا بدايه طلق اني ثاني اسبوع بلثامن جاوبني الله يفرحجن ويسهل امرجن ابساع

163 تعليقات

العضوة: 3807 , 9 years ago

روحي اعملي فحص داخلي لا تخافي الفحص الداخلي لا يألم ابدا انا عملتو و ما حسيت بشيئ اعمليه مشان تطمني 100% على جنينك

العضوة: 26419 , 9 years ago

@user-35679 السونار يكفي م انصحك فحص داخلي لا تعملي بيكون تحريض للرحم... و اشوف مالو داعي المغص طبيعي انا معايا كان طول الثامن بس أخذت إبرة الرئه خذيها م راح تضرك لو كان إنذار ولاده ب يكتمل نمو الرئه و تكون ولادتك عادي كأنك ولدتي في التاسع

العضوة: 35679 , 9 years ago

@user-24906 اي الحمدلله الحمدلله والشكر والله شايله هم بس الله اليعرف بي شكراً حبيبتي طمنتيني الله يفرح قلبج فرحت والله

العضوة: 35679 , 9 years ago

@user-26419 شكراً ع النصيحه يااحلى ماما بلدنيه ربي يوفقج ابحياتج اني بعد 5 ايام اروح للدكتوره وراح اطلب منها ابره الرئه

العضوة: 35679 , 9 years ago

@user-24906 اخيتي إذا ممكن احجيلي ع وكعتج شلون صارت وبيا شهر جنتي من وكعتي وانشاالله تذكريها وماتعيديها

العضوة: 24906 , 9 years ago

@user-35679 ههههه والله ياحبي بحملي الاول بشهر الرابع بالشتاء وزين مانجفيت ع الصوبه 😬وكلهم حجو عليه بالبيت بس مرت ع خير

العضوة: 35679 , 9 years ago

@user-24906 ههههه الحمدلله عدت سلامات اني جاي امشي اريد اوصل رجلي للباب ويه مشيتي طفت الكهرباء ماوكفت كملت جان اوكع ابمكينه مال خياطه عند امي بلهول صرت بس ابجي واصيح تعالولي راح اموت هههه خطيه كلها خافت عليه بعد 5 دقايق من الحدث صارو يحجون عليه اشبيج مشوفين كلت الهم وين اشوف وهيه ظلمه ع اساس اعرف اجاوب هههه

العضوة: 35679 , 9 years ago

@user-24906 حبي اشكد عمرج ؟ انتي ومن وين؟؟

العضوة: 24906 , 9 years ago

@user-35679 هههههه ويلي ضحكتيني والله اني اكو دجه بين الهول والكيلدور دامشي وعثرت كلهم خافو عليه وبعدين بهذلوني احس روحي فشلت لان جنت بعدني عروس شهر من زواجي وحبلت😚😛

العضوة: 35679 , 9 years ago

@user-24906 هههههه رجلج جان موجود بلحدث ؟؟

العضوة: 35679 , 9 years ago

@user-32746 شكراً

العضوة: 24906 , 9 years ago

@user-35679 عمري 23 سنه واني من بغداد لا مجان بالبيت ههههه لو موجود ماظلت احجايه مايحجيها بس من رجع كتله اني حتئ ميكول ليش مكلتيلي بيش ذكرتتيني خيه😊

العضوة: 35679 , 9 years ago

@user-24906 العمر كله اني هم 21 سنه عمري من الناصريه ههههه اني رجلي جان موجود وصل للمطبخ بس ع الصوت رجع هاها سلامات فوك الوكعه فوك الخوف والوجع استحيت صار يحجي ويايه وادير وجهي للصوب الثاني واجاوبه ثاني يوم خابرني ايكول ماادري ازعل لو اضحك بس طمنيني شلون صرتي والله اني خايفه وكتلج الوجع الي ديصير ويايه كتله لالا صدك جذب ماوكعت حيل اني هيج ع الخفيف هوه بس يضحك ويكلي اي اي بس إذا تعبانه كولي نوديج للطبيب