9 years ago
  • المرحلة الثالثة (الأشهر 9,8,7)
يا جماعه اللي بتعرف بالطب العربي الشعبي تيجي لهون تساعدني انا هاد خامس يوم مرض ثمي مع حلقي ولوزي سكروا حتى الالتهاب طلع ع اللثه وسناني ولساني كله عمل ومجروح فما بقدر اكل او احكي جوزي بعملي حليب وبشرب بالمصاصه بس هيك وانا حامل بالشهر السابع الاسبوع ٢٩ ...وبتصيبني حراره لل ٤٠ وبرجع باخد حبتين بندول بالزور ...ورحت ع مستشفيين فحصوا البيبي بحكو تمام واعطوني خافض حراره والدكتوره تبعتي اعطتني اوغمنتين مضاد للالتهاب وبيتادين دوا غرغره لتطهير الفم بس المشكله صار عندي زي مغص الدوره تقريبا كل يوم مره والدكتوره وصفتلي سباسفون للمغص ... المصيبه اني يوم عن يوم بيزيد المرض ما بيخف وانا صرت ادوخ من المرض وقله الاكل وانا ما عندي مناعه .. وانا تعبت فوق ما تتصوروا خواتي وانا بغربه لوحدي انا وجوزي عموما نشكر الله ع كل حال ... بس اللي بتقدر تفيدني بالطب العربي مشكوره لانه مش حاسه الادويه جايبه نتيجه

40 تعليقات

العضوة: 36894 , 9 years ago

@user-14904 حبيبتي ازا عندك معلومه تفيدني ؟!

العضوة: 14904 , 9 years ago

@user-36894 حبيبة قلبي سلامتك ماتشوفي شر ربي يكتب لك الاجر والعافية يارب طيب حبيبتي شوفي حطي كاسة ماء بالاناء اللي بتغلي فيه الشاي وحطي ع كاسة الماء ملقة كبيرةمليانة شاي فرط يعني مو اكياس ولو اللي عندك اكياس قصي الكيس وطلعي الشاي منه بمقدار ملعقة كبيرة مليانةوخليهم يغلوا جيدا طبعا بدون سكر مر وبس تنزليه من ع النار اعصري عليه 3ليمونات الصغيرة الخضرا صبعا بدون البزر وقلبيه وخليه يهداء للحرارة اللي فيكي تتحمله واعملي غرغرة ومضمضة منه بدون شرب ممنوع

العضوة: 14904 , 9 years ago

@user-36894 الشرب هو بس مضمضة وغرغرة وخليه وقت الغررة المدة اللي فيكي تخليه وبالمضمضة كمان يعني كل ماكانت مدة بقاء السائل اكثر بيزيل الاغشية والاخلاط اللي مكونها الالتهاب اكثر وشوفي شكل السائل قبل تشربيه وشوفي شكله بس تنزليه راح تتفاجئ راح تنزل بأذن الله الاخلط والمواد اللي تكونة من الالتهاب وراح بأذن الله ترتاحي بس لازم تنهي الكاسة كاملة في مرة وحدة وفيكي تعمليه من مرة الى ثلاث مرات باليوم

العضوة: 14904 , 9 years ago

@user-36894 ولازم تاكلي حتى يكون عندك مناعة انا عارفة انك مو قادرة بس لو بتجلسي بدون اكل مناعتك بتضعف وبتزيد الامور خلي زوجك يعملك شوربات لحم او دجاج بس خليه يسوي اللحوم مظبووووط تكون مستوية ع الاخر حتى ما تتألمي من اسنانك وانتي بتاكلها او حتى شوربة خضار او شوفان اهم شيء هلئ الشوربات منها عشان اسنانك وفمك لأنك مابتقدري ع الاشياء الصلبة ومنها الشوربات بأذن الله تقوي مناعتك وتساعدك انتي والبيبي الحليب هلئ مامنه فايدة وبيزيد لك البلغم وبالشفا يارب وطمنيني عنك كل ماقدرتي وحاولي تريحي اجلي شغل البيت

العضوة: 14904 , 9 years ago

@user-36894 وكثري عصيرات او اكل الفواكة الغنية بفيتامين سي برتقال ليمون كيوي او اطلبي من دكتورتك تعطيكي فوار فيتامين سي بينشرب مرة باليوم كويس بأذن الله يقوي مناعتك ويساعدك تقاومي ويساعد بأذن الله ع شفاء التقرحات والجروح

العضوة: 36894 , 9 years ago

@user-14904يسلمو يا حبيبتي ما قصرتي بس انا بالنسبه لشغل البيت ما بشتغل بالمره لانه عندي دوخه وجوزي صرله من ما مرضت معطل عن الشغل عندي لانه عندي دوخه والمشكله يا حبيبتي ما فيي استخدم سناني لانه اللثه طالعه ع طواحيني صارت من شده الالتهاب اللثه بنص الطاحونه وعنجد شكرا تسلمي يا قلبي الله يجزيكي كل الخير مثل الاخت وأعز

العضوة: 14904 , 9 years ago

@user-36894 ولو حبيبتي احنا اخوات وسلامة قلبك يارب طيب حبيبتي ع الاقل لو شوربة بدون لحوم او مرقة لحم او دجاج بس حتى تقدري تشدي جسمك لو بالمصاص الشوربة بتقوي جسمك ودفيكي كمان ربي يحفظكم لبعض ويقومك بالسلامة والشوربة كمان عشان البيبي محتاج كثير غذى بهالفترة اسمعي مني الشوربة ما بتعبك سائلة مثل المي والعصير ياليتك قريبة عندك واقوم فيكي ربي يكتب لك الشفا عاجلا غير اجل

العضوة: 36894 , 9 years ago

@user-14904الله يسعدك وينولك اللي ببالك ويحفظك انتي وكل غالي عليكي من كل شر والله ما قصرتي كلمه مشكوره قليله عليكي عنجد من جوات قلبي شكرا

العضوة: 14904 , 9 years ago

@user-36894 حبيبتي انتي ربي يسعدك يارب طمنيني عملتي العلاج

العضوة: 36894 , 9 years ago

@user-14904 يا قلبي عملته طلع من ثمي خيوط بني وكتل بنيه ونشف ثمي وصار يشفط ان شاء الله اكون استفدت ويسلموو ايديكي ❤️

العضوة: 14904 , 9 years ago

@user-36894 ماشاء الله لاقوة الا بالله الحمدالله اي حبيبتي هذا الاحتقان والالتهاب والصديد يارب بالشفاء ان شاء الله استمري حبيبتي وكل ماتعمليه بأذن الله ترتاحي اكثر وتصيري تقدري تتنفسي وتحسي نفسك رجعتي طبيعي 😙💗😍

العضوة: 36894 , 9 years ago

@user-14904طيب ممتاز نشكر الله ويسلم ايديكي بس قديش استمر عليه ؟!

العضوة: 14904 , 9 years ago

@user-36894 الحمدالله حبيبتي فرحتلك والله يعني لو فيكي تعمليه ثلاث مرات باليوم كويس بالذات هلئ لأن من كلامك الالتهاب قوي واله كم يوم استمري شي ثلاث ايام او حتى اسبوع بس تشوفي الاعراض انتهت وقفيه وبالسلامة يارب💗😍😙

العضوة: 36894 , 9 years ago

@user-14904 الف مره الحمدلله ونشكر الله عنجد خف بنسبه منيحه وعنجد الله يسعدك على الوقفه اللي وقفتيها معي وهيني مستمره عليه وكل مره بطلع ...ا انا عارفه غلبتك معي سامحيني بس سؤال انا خدودي من جوا ثمي فيهم التهاب و عمل وداخلات لحمتهم بين طواحيني لدرجه ما بقدر اسكر اسناني ع بعض هلا هو خف اللون الابيض مع الدوا بس مش عارفه كيف بدي ينسحبوا من بين طواحيني حتى عندي اخر طاحونه بالجهه اليسار صارت مغطيه كامله بلحمه اللثه انتي شو رأيك اضل مستمره عالمضمضه وبيروحوا ولا لازم اعمل جراحه للفم ؟!

العضوة: 14904 , 9 years ago

@user-36894 الحمدالله ياقلبي الله يبشرك بالخير لا حبيبتي ان شاء الله ماتحتاجي جراحة بعيد الشر عنك استمري عليه وراح بأذن واحد احد ترتاحي بس بدك كم يوم حتى يشيل الصديد وينظف منيح وكله بيرجع بأذن الله طبيعي بس الله يرضى عليكي ابدي شوربات وعصيرات حتى تساعدي جسمك يقاوم الالتهاب حتى مايكون الاعتماد ع العلاج بس جسمك كمان يقوى ويقاوم وهيك بأذن الله تشفي اسرع والله والله تعبك راحة انتي اخت وغالية وبأذن الله راح الكثير ومابقى الا القليل وبأي وقت بدك شيء ماتفكري ع طول كلميني