😔😔😔😔😔😔😔😔
كل مرآة بي اول حملها بتكون مبسوطة وفرحانة بحملها بس لما يعدي الشهور وتوصل للأشهر الأخيرة من حملها تبلش تخاف وتتوتر وهاشي عم يصير معي حاليآ . انا اول ماحبلت كتير فرحت متلي متل غيري بس هلق انا بشهر سابع وبلشت خاف واتوتر كتير بعرف هاشي طبيعي وكل مرآة حامل بتمرق بي هاشي
بس بتمنى منكم يا بنات يلي تقدر تخفف هل خوف والتوتر وتساعدني وتساعد بنات غيري حوامل بالاشهر الاخير كتر الله خيرها انا برتاح وغيري بتشوف الموضوع وبترتاح لانستفيد كلنا سوا
بدي نصيحة أو تشجيع لحتى اقدر اتغلب ع مشاعر الخوف وتوتر وتفكير بالولادة
غير دعاء لانو هاد شي ماعم قصر في عم بدعي عطول بس هاشي ماعم يكفيني لانو الخوف والتفكير مسيطرين علي للأسف
فيدونا اذا بتقدرو
العضوة: 655484 , 6 years ago
ههههههه دخيل روحك شو كلامك حلو 😂😂 أي قوليلو مابكفي الهم يلي شايلينو والخوف شو الوحدة بدها تعمل والله انا كمان بفوت وبتسلى معكم لحتى طنش بس اول مابسكر أو بتروح شبكة او برجع بضل لحالي برجع بجيني هاشعور الله يخفف عنا يارب 💓العضوة: 572474 , 6 years ago
حبيبتي لاتخافي هي وجع كم ساعه وانتي مو اول حمل يعني بتكون الولادا الاولى اصعب شي وانتي ولدانه قبل يعني مافي داعي لاكل هالخوف 😘🌷العضوة: 655484 , 6 years ago
إنشاءالله ياقلبي الله يسمع منك يارب ويهونها علينا 🤲🏻💓😘العضوة: 572474 , 6 years ago
حبيبتي سيلينو♥🌷العضوة: 446511 , 6 years ago
أنا ثالث حمل ليا ماخايفاش من الولادة بغيت يمر الوقت بسرعة ونولد ونرتاح فقطالعضوة: 655484 , 6 years ago
الله يتمملك على خير يارب 😘العضوة: 597276 , 6 years ago
@user-655484 صدقيني اختي كنت بدي نزل نفس موضوعك وانا بكريه وفتت بسابع لحمدلله يارب وكل مره بفكر بلولاده وبتوتر وخصوصي انا قيصريه وبفكر بس صحيت من عمليه شقد رح اتوجع بس بعدين صرت قول وقت شوف بيبي بحضني واسمع صوته عم يبكي رح انسى كل وجع مريت فيه لان رب العالمين رح يهون علينا يارب وبقول كتير ناس محرومه هي نعمه وربي يطعم كل مشتهي انتي فكري بطفلك وقت تحضنيه وقولي وجع ساعه وبعدين تشوفي بيبي رح تنسي كلشي باذن اللهالعضوة: 655484 , 6 years ago
تسلميلي ياروحي عالنصيحة حلوة 😘😘 بس اختي في نقطة مافهمت عليكي فيها كيف انتي بكرية وعم تقولي عم فكر بعمليتي وانا قيصرية ؟ مافهمتي عليكي منيح !!العضوة: 597276 , 6 years ago
هههههه حقك عليي فتت بلموضوع وتحمست بقصد انا بفكر كتير لان ولادتي قيصريه هيك قلي دكتور وهي ولادتي الاولىالعضوة: 655484 , 6 years ago
عادي ولا يهمك ياقلبي بس انا فكرت حالي اني ماعم شوف منيح أو ماعم ركز لانو متلخبطة شوي الله يقومك بسلامة يارب وتفرحي بطفلك 😘🌹💝العضوة: 597276 , 6 years ago
والله انا متلك تماما وبضل كنت فكر بس بعدين خليتها لربي هوي يلي بصبرك على كل شي ويعينك😘 تسلمي يارب وانتي كمان نشالله ياربالعضوة: 643596 , 6 years ago
اول شي نشالله بتقومي بالسلامة تاني شي لا تفكري من هلق انا كمان اول ولد هيك صار فيني لدرجة صرت ابحث وشوف ولادات ع اليوتيوب وهيك وخفت وصار يجيني مغص كتر ما توترت واسمع قصص الولادات اشكال والوان وكل وحدة تحكي شكل بعدين قلت ليش حتى خاف من هلق وتعب اعصابي خلي ايمانك بالله كبير وادعي الله يسهلك ولادتك ولا تفكري صدقيني شغلة طبيعية وبإذن الله بتكون ميسرة القطة بتولد 😑 الطلق طبيعي يوجع بس متلو متل المغص وانتي لازم تعرفي تتصرفي بس اجاكي طلق حاولي تتمشي تلهي حالك بأي شي لا تفكري بالوجع اتنفسي بطريقة صح وقت الولادة واتجنبي تعيطي او تصرخي لانو رح تتعبي عالفاضي ورح تجهدي نفسك بنصحك تضلي هادية وطبيعية وتعملي يلي لازم تعملي لحتى تشوفي طفلك بخير وسلامة وكمان بنصحك بإبرة الضهر لانو بتخفف كتير من الام الطلق وبس صرتي بالشهر التاسع امشي كل يوم بدون ما تتعبي حالك على راحتك يعني منشان تتوسع عضلات الرحم لانك بكرية وجسمك مو متعود ع هيك شي سمعي مني ولا تخافي اصلا قد ما خفتي ما رح تقدري تعملي شي ولا رح تحسي بالوجع خلي كل شي لوقتو والله بيعينك كل شي بهون ورح تنسي كل وجعك بس تشوفي ابنك انا وعم اولد ما عد همني الوجع ولا التعب صرت بس بدي شوف ابني وضمو والحمد لله بس حطيتو ع صدري نسيت وجع الحمل والولادةالعضوة: 655484 , 6 years ago
ونعم بالله الله يسرها يارب 🤲🏻💝🌹💗العضوة: 597276 , 6 years ago
امين يارب العالمينالعضوة: 655484 , 6 years ago
بعجبني كلامك بكل مطرح بشوفك بتعلقي في عنجد كلامك مريح ومتوازن إنشاءالله باذن الله راح اعمل هيك وانسى وحاول طنش تفكير بالولادة لحتى ارتاح وعن إبرة ضهر باذن الله راح اخدها انتي قبل هل مرة نصحتيني فيها 😍 بس متل ما قلتي اذا بيت رحم مفتوح اكتر من ٤ سانتي مابيعطوني ياها كيف بدي اعرف اني عم بطلق وروح عالمشفى بسرعة قبل مايوصل بيت رحمي لا ٤ سانتي ؟ عندك فكرة شي عن هاشغلة ؟ لانو احيانا بجي طلق بارد ومابتحسي انو هاد طلق وبجوز بسرعة يفتح بيت رحم ومالحق الإبرة تبع ضهر شلون اعمل ؟