9 years ago
  • المرحلة الثالثة (الأشهر 9,8,7)
الحد لله والفضل لله ولدت امس وجبت بنوته ربي يحفظها انا حملت برمضان اخر دوره لي ١٥-٦ميلادي وكانت ولاده صعبه مافي مسكنات ولا بنج اصلا رحت للمستشفى مدينه الملك عبدالعزيز الطبيه بالحرس الوطني بالرياض وقالوا لي فانح الرحم ٤سانتي بس الراس بعيد عن عنق الرحم و٣ساعات مافي الم ولا شي وقعدت امشي ساعتين بالمستشفى وحسيت اني كل ٥دقايق يجيني مغص ماقدر اوقف منه ورجولي ترتعش واذا راحت المغصه ارجع امشي لين كل دقيقه يجيني نفس الالم ورجعت لسريري حق الملاحظه ماقبل الولاده وحطت الممرضه مراقبة الطلق وانهبلت على طول نادت الدكتوره وقالت جهزوا غرفة الولاده وفتحت موية الراس وودوني لغرفه الولاده وقالوا لاتدفعين الجنين تعبان بس اذا جاك الالم تنفسي من خشمك وطلعيه من فمك فقط بدون دفع وبدون بنج وبدونً مسكن والله العظيم اني ابوس ايديهن قالن مانقدر نسوي شي لانك جبتي قبل بعمليه لاتدفعين عشان مايفتح الجرح القيصري بس اذا قلنا لك ادفع ادفعي بقوه وبسرعه مره وحده ولمى جاء الطلق القوي قالوا الحين ادفعي بسرعه وفعلا دفعت مره وحده وطلعت بنتي بس الحمد لله والشكر لله على هالنعمه بعدها حطولي بنج موضعي البخاخ عشان الخياطه وبعدها قالوا ارتاحي شوي وحالولي تنامين وحنى نعتني بالجنين وجابوا لي حليب حار وشربته وقوموني وغسلوني ولبسوني وودوني للجناح وبعدها نمت نومه ارتحت فيها وبعدين صحيت بعد ٣ساعات ولقيت بنتي جنبي ونسيت كل الالم وانتهت رحلت الالم والتعب ياربي لك الحمد والشكر والعقبى للبقيه

27 تعليقات

العضوة: 33541 , 9 years ago

@user-39907 الله يسلمك ويبارك فيك

العضوة: 27206 , 9 years ago

الف مبروك ماجاك والحمد لله على سلامتك

العضوة: 29175 , 9 years ago

الحمدلله ع سلامتك وسلامة البنوته ❤

العضوة: 29175 , 9 years ago

أنا دورتي قبلك بيوم وللحين ما ولدت

العضوة: 22493 , 9 years ago

الف مبروووووك حبيبتي عقبالنا يا رب نشوف بيبياتنا و نفرح فيهن🎆🎆🎆🎆🌹🌹🌹🌹🌹🌹🌹

العضوة: 22324 , 9 years ago

الف الف مبروك يارب والحمدلله على السلامة الله يحميها ويحفظها يارب🌷

العضوة: 33541 , 9 years ago

الله يسلمكن جميعاً❤️❤️

العضوة: 55083 , 9 years ago

الف مبروك حبيبتي

العضوة: 64913 , 9 years ago

الف مبروووك والحمدالله ع سلامتك بس سؤال حساب البرنامج كان مظبوط وبنفس الاسبوع ع حساب البرنامج ولدتي

العضوة: 33541 , 9 years ago

@user-55083 الله يسلمك💕

العضوة: 33541 , 9 years ago

@user-64913 الله يبارك فيك ايوه حسابه صح بس ولدت قبله الموعد وماكان فيه بوادر ولاده مسكوني ولاده

العضوة: 64913 , 9 years ago

ahd441 الف مبروك ويعيش ويرى بعزكن