قلت ارتاح واهدأ بعد ولادتي واكتب لكم قصة ولادتي الثانية ولله الحمد والمنّة 😭☝🏼 بالبداية كان عندي برنامج امشي عليه وانصح فيه كل حامل فعلاً لانو بيطرّي عنق الرحم وممكن يسرّع او يعجّل بالولادة ،، انا خفت تكون استجابتي بطيئة لهالجدول فبديت فيه من نص الثامن والجدول هو على كلام رولا قطامي اكل الاناناس والتمر والمشي كل يوم ٢٠ د لااكثر عشان لايقل الاكسجين ع البيبي او الام وطلوع الدرج ونزوله والقرفصاء ( بالنسبة للمشي وطلوع الدرج والقرفصاء ) مابديت فيهم الا ببداية التاسع وعلى اخر اسبوع كمان قبل ولادتي بطلّت اعمل قرفصاء لانو صرت كثير اتوجع من ظهري والثقل الحمدلله ،، طيب اقولكم الحين قصتي اولاً انا اخر دورة بالهجري 1439/8/14 هـ يوافق بالميلادي 2018/4/30 وولدت ماشاءالله قبل الوقت المتوقع للولادة باسبوعين طبعاً بدأت ببداية التاسع لما خلصت اسبوع بس رحت ع المستشفى وكشفت حصلت مفتوح 1 سانتي وقتها انا تفائلت الحمدلله ،، دام الرحم مفتوح فالاكل مثل التمر وغيره من مطرّيات عنق الرحم والمشي كمان راح يجيبوا نتيجة بإذن الله ورجعت ع البيت وكملت ثاني اسبوع من التاسع وعلى آخر الاسبوع حصل علاقة مع زوجي ورحت بعدها للطوارئ لان كان في آلام خفيفة مثل الشد بتاريخ 1440/5/16 هـ وعملوا كشفيه وحصّلت الرحم مفتوح 2 سانتي ، طبعاً كان راح يمسكوني للتنويم ويعطوني طلق صناعي فرفضت وطلعت ابداً ماسمحت لانو انا لسأ باقي لي اسبوعين من التاسع ولما رجعت ي بنات اول شيء كان عندي مغص بالبطن طبعاً مو مغص اسفل بالرحم لا كان فوق ببطني كانو ماكله شيء موجعني 😅،، وبعدها تخيلوا نمت نوومه مدتها تقريباً 12 ساعة بس اقوم اصلّي الفروض وارجع انام واحس وانا منسدحة بتحجر وشد قوووي ببطني ماحصلت حتى مع ولدي الاول طبعا الغريب بالتحجر والشد انو مستمر طول ساعات النوم ومرّات بصحى اعدل من وضعية نومي عشان يخف ،، وبعده لما خلصت تقريبا 10 ساعات نوم صحيت على ألم اسفل بطني يشبه ألم الدورة وكان الم يجلس معاي ثواني معدودة ويروح ويرجع بعد ٥ دقايق ويجلس ثواني وهكذا طبعا انا ماتوقعته طلق لانو كان ساعتين مثلا والفرق ٥ د وبعده ساعتين والفرق بين كل الم والثاني نص ساعة بعدين الساعة اللي بعدها تقل وتصير ربع ساعة ، واحنا دايم نقرا بالنت ونسمع كلام الدكاترة انو الطلق الحقيقي لازم يكون منتظم بالدقة 😭 المهم من الساعة 12 الليل لما شكّيت انو في شيء غريب وانو احتمال تكون ولادة بديت ارتب اموري وجهزت الشنط وغسلت المواعين 👍🏼😂 ورتبت ملابس ولدي وسبّحته وانا جالسة اعاني بشدة من التقلصات الله يكتب اجررنا ي ررب 🤲🏼♥️وجهزت له الرضعة والحفايض عشان بحطه عند حالتي وسويت وقتها عشا مكرونة لي ولولدي و كمان معاها مغلي التمر مع رشة زنجبيل ورشة فلفل اسود وكمان اخذت ملعقة كبيرة عسل مع حبة سوداء ، والتقلصات مستمرة عندي حتى ولدي ي عمري عليه يشوفني اتوجع كل شوي يبوسني عشان يخفف الالم حزنت من قلبي وبكيت لانو مايدري ايش جالس يصير فيني 😢😔 الله يحفظ لنا ولكم ذريتنا ي رب ويصلحهم المهم جلست معاي التقلّصات مدة ٧ ساعات المدة بينهم مش منتظمة بس الاعراض اعراض ولادة لانو تقلص يروح ويرجع مع الم باسفل البطن والظهر وبعدها بشوي نزلت السدادة (مادة مخاطية وفيها دم صريح ) وقتها بلغت زوجي انو لازم نروح الطوارئ 😂خفت يطردوني ثلاث ليال متتالية وانا عندهم بالطوارئ وبس وصلت وهذا كان بتاريخ 1440/5/17 هـ وعملوا كشفية حصلوه فاتح ماشاءالله 5 سانتي وانا كذذا صررت 😦😳 وقلت ربي ستر ماجلست اكثر الى درجة عدم التحمل وطبعا كلهم يسألوني شربتي قرفة 😂 وانا احلف لهم انو لا ماشربته بس هما شاكين فيني لانو كان الطلق حامي والتوسع ماشاءالله جالس يصير بسرعة دخلوني ع غرفة الولادة ولما صار 6 سانتي بدأت آلام تشتد أكثر الله يكتتتب اجر كل ام ي رب العالمين 😭🤲🏼 ودعيت بالدعوات اللي بقلبي ودعيت لكم ي صديقاتي الحوامل كلكم بانو ربي يفرج كربتكم ودعيت لكل متأخرة وتتمنى ضمة طفل انو ربي يطعمهم ويفرح قلوبهم ان شاءالله المهم لمّا وصل التوسع 7 سانتي رفضت القابلة انو ادفع في حال جا دفع للبيبي لانو مركبين لي مضاد عشان كان عندي التهابات خفيفة وبينتظروا لحتى يخلص وبعدها مسموح ادفع عشان اساعد البيبي يخرج وبس خلص الدكتورة فكّت موية البيبي ووقتها الطلق حمِي اكثر واكثر لدرجة شديدة صرت ابكي وادعي الله 😭🤲🏼 وبعدها بدأت مرحلة الدفع وصارت تطلب مني اساعدها بالدفع وانو لازم اكون مركزة بس مشكلتي انو الطاقة زيرو للاسف ماحسبت حساب والا كان افطرت فطور جامد واكلت كثير ووفرت جهدي لهاللحظة انصح كل وحدة بتولد طبيعي بيوم ولادتها تاكل كثير كثير عشان الطاقة لااازم المهم انو صرت ارجف وبديت اتعب بس القابلة جزاها الله خير اعطتني شاي حار وقطعة صغيرة توست وصارت تحفّزني وتشجعني وطلبت اصحصح معاها وانو لازم اساعدهم بالدفع والحمد لله دفعت تقريباً 3 دفعات قوية احتاجت الدكتورة انو تقصّني ( وتخيّطت طبعاً ) وطلع ولدي الله يحفظه بتمام الساعة 8 ونص 😭💙 وبكيت ماتحملت لحظة مؤثرة صراحة وحطوه ع صدري وحسيت بفرح عظيم وجلست احمدالله طول الوقت 😢 لانو تيسرت الولادة حمداً لله ومااخذت من التاسع الا اسبوعين بالاضافة الى ذلك كان طلق طبيعي مش صناعي الحمدلله الحمدلله وبس حبيباتي هذي كانت قصة ولادتي الثانية و الحمدلله على تيسير الامور بنات بنصحكم بـ ٣ ادعية كنت ارددها طول وقتي وعلى طول لساني يلهج به وهو ( اللهم يا خالق النفس من النفس ويا مخرج النفس من النفس ويا مخلّص النفس من النفس خلصني ) 🤲🏼✨ وكمان دعاء ( اللهم يا ولي نعمتي وملاذي عند كربتي، اجعل ولادتي برداً وسلاماً علي كما جعلت النار برداً وسلاماً على ابراهيم ) 🤲🏼✨ وكمان ( اللهم إنّي اسألك هون الطلق وحسن الخلق ) 🤲🏼✨ المهم ربي يفرج كربة كل حامل ويفرحنا فيكم ويصلح لنا جميعاً ي رب ذرّياتنا ويحفظهم ♥️