الحمد لله الذي تتم بنعمته الصالحات ابشركم ولدت امس الاربعاء الصباح 22 رجب من حوامل 2 شوال وبخبركم ايش الاعراض الي حسيت فيها قبل الولادة بأسبوع
اولا لاحظت زيادة الافرازات البيضاء بدون رائحه او حكه
ثانيا الطلق الكاذب طول الاسبوع وطبعا مع النوم وتغيير الوضعيه يروح مو منتظم وكان الطلق غير مؤلم مغص دورة
قبل الولاده بيوم هو يوم الثلاثاء نزلت عندي سدادة الرحم طول اليوم تنزل عباره عن ماده صفراء ثقيله زي الجلي وظلت تنزل على فترات
ثالثا لاحظت حركة الجنين كثيرة
رابعا كنت اعاني من التهاب اللثه ومره تعبت معها وطول يومين اشرب ماء النعناع المركز احطه بفمي عشان اخدر الألم هو الشراب زي ماء الورد وكان هدفي تخفيف الم الالتهاب ومادري ان يحمي الطلق
طول اليوم ماكان في طلق بس طبعا ثقل مثل الحصى اسفل البطن وحسيت بطني في شد بس ماحطيت في بالي ان الولاده قربت كان موعد ولادتي الي حددته الدكتورة 20 رجب وانا ولدت بعده بيومين
يوم الولاده الساعه 3 الفجر حسيت بالطلق وصحاني من النوم وكان منتظم كل عشر دقايق وطلق مؤلم شديد مو زي كل مره فشكيت انها ولاده انتظرت صلاة الفجر وصليت ورحت تروشت وتنظفت وبماء عادي لا ساخن ولاحاجه وتدهنت بكريم عادي حسيت الطلق اخف بس مستمر واحس بشد تحت وبسرعه جهزت فطور العيال عشان المدرسه ودقيت على اختي وقلت لها شاكه اني بولد بخلي لعيال عندك يوم شفت الطلق قرب اكثر كل 5 دقايق والساعه 6 الا ربع لاحظت افراز نزل ومسحت بالمنديل الا هي افرازات صفراء مع خيوط دم تأكدت هنا الولاده وشيكه وبسرعه جلست زوجي وقلت له استعد بنروح المستشفى بولد وجهزت العيال وراحوا عند خالتهم وكل ماجاء الطلق استخدم التنفس اشم ورده واطفي الشمعه خفف شي بسيط ولا اشتهيت افطر يادوب كاس حليب مع تمره وحده بس بعدها رحت المستشفى والطلق حامي كل 3 دقايق ووصل المستشفى على الساعه 7 انا خلاص الطلق حمى كثير وكشفت الدكتورة تخيلوا كم فاتح انا ماصدقت قالت7سم ولاده خلاص والله قلت الحمد لله ماولدت بالسياره ورحت غرفة الولاده وساعه من المعاناة مع الطلق وكنت استخدم نفس آليه التنفس وطبعا مافي مجال لتخفيف الطلق لأني ولاده وشيكه ويوم خلاص انفتح 10 وجاء الدفع نزل ماي الراس لوحده والحمد لله ربي سهلها علي وجات بنتي على الدنيا ووقت الخياطه حطوا لي قناع الاكسجين وماحسيت بحاجه طبعا هم ماوسعوا بس خيطوا فقط التمزق الي يصير وقت طلعة راس البيبي والحمد لله بعد الولاده كل شي يهووون كان برنامجي قراءة سورة مريم وكثرة الصلاة على النبي والأستعفار وانا بطريق للمستشفى استودعت نفسي وجنيني ربي ودعيت ان ربي يسهل علي ويسخر لي طاقم الولاده والحمد لله كل شي تسهل وكانت ولادتي سريعه ماشاء الله دخلت 7 المستشفى وولدت الساعه 8 انا بنفسي مو مصدقه وكله بفضل ربي وكنت دايم اطلب من امي تدعي لي وفعلا دعاء الأم مجاب اتمنى لكم ولادة سهله ميسره وانصحكم حبيباتي بالثقه بالله والدعاء وكثرو ا الصلاة على النبي والاستعفار .
حطيت صورة لماء النعناع الي استخدمته وسهل ولادتي
العضوة: 54751 , 9 years ago
الف الف مبروووك الحمدلله على سلامتكالعضوة: 55520 , 9 years ago
@user-50397 أختي ارجوكي ماهو شراب النعناع المركز وكيف تسويه. وسلامتكم انت والنونو.العضوة: 55423 , 9 years ago
@user-50397 الحمدلله ع سلامتك وسلامة البيبي وادعي لي اني ربي يسهل ولادتي .العضوة: 50397 , 9 years ago
@user-55520 زي ماء الورد بس مكتوب عليه ماء النعناعالعضوة: 50397 , 9 years ago
الله يسلمكم حبيباتي واتمنى لكم ولاده سهله وميسرهالعضوة: 55520 , 9 years ago
@ ام مهنا شكرا حبيبتيالعضوة: 42294 , 9 years ago
الف مبروك ماشاءالله تتربى بعزكم يارب🙏🏻 عقبالي ادعوا لي اولد بالسلامه انا والبيبي ويجعله كامل الخلقه دون زياده او نقصان ، بكريه بالشهر الخامس❤️.العضوة: 47023 , 9 years ago
ماشاءالله الله يرزقني مثل ولادتك واسهل اذا فيه ههههه اهم شي مايكون توسع وبهذله :(العضوة: 44050 , 9 years ago
@user-50397 ماشاء الله تبارك الله الف الف مبروك عقبالنا وتتربى في عزك ان شاء الله ياربالعضوة: 50397 , 9 years ago
@user-44050 جزاك الله خير وعقبالك اتمنى لك ولاده سهله وميسرهالعضوة: 58743 , 9 years ago
@user-50397 @user-50397 كيف أخفف من الم الخياطه للولاده الطبيعية 😭 بكريه وحبيت اسآلكالعضوة: 67099 , 9 years ago
@user-50397 ألف ألف مبروك عقبالنا يا ربالعضوة: 50397 , 9 years ago
@user-58743 هو يفترض ماتحسين بألم فقط وخز محل الخياطه لو حسيتي ان المكان مره يألم ولا تقدرين تجلسين زي الناس معناته عندك التهاب ولازم مضاد وغسول ومرهم واذا اخدتي 3 اسابيع الى شهر يفضل تروحين عند دكتورة تشيل لك الخياطه وتعطيك غسول ومرهم تعالجينها وطبعا سبب الالتهاب لأن طريقتك بتعقيم والعنايه بالجرح خطأ الطريقه الأفضل انك تجلسين على العربي جلسة القرفصاء شوي شوي وتستخدمين معقم للمنطقه بيتاسبت اسمه تحطينه مع ماء وتتشطفين فيه بعدها تستخدمين مرهم ميبو وتحطينه على الخياطه الداخليه والخارجيه بأصبعك بعد ماتنظفينه وكل مره كذا ولو اخذتي اسبوعين استخدمي منقوع الارطا مع الملح الخشن والمر حطيه بعلبه كبيره واخلطيه مع ماء وكل مره تشطفي منه تشطيف عادي وكل مانقص الماء زيديه .العضوة: 50397 , 9 years ago
@user-67099 الله يبارك فيك وعقبالك يارب يرزقك بولاده سهله وميسرهالعضوة: 69087 , 9 years ago
ماشاء الله لاقوة الا بالله الحمدلله على سلامتك 🌷 وعقبالنا يارب